ناس جايين يخطبوني ……. … لكن للاسف

فيني قهر وحره من هذا الموقف …
عطوني رايكم بكل صراحه وقبل هذا حطو انفسكم في مكاني شون راح تسوون؟ 😉

القصة تقول…

-انخطبت مها و خبرها ابوها ان اهل الولد جايين يشوفونها بعد ماوافقت وحددو اليوم المناسب
-جا هذا اليوم تزينت مها زين خفيفه 😉 تجهز الاب وأولاده ينتظرون العريس في المجلس وجهزت الام (الشاي والقهوة والكيك والخ………..) في مجلس الرجال والحريم …

– و بعد المغرب مباشر جات الام وبناتها وين العريس الي بيخطب؟…… ما جا
دق ابو مها على ابو الولد (صديقه) وين الولد …توقعون وشو رد الابو……؟
الولد يستحي …… (ونعم الرجوله شي ما يستحق الحيا)

الموقف الاصلي يجي الحين
بعد ماتزينت مها نادتها امها عشان تدخل عند الحريم وراحت الام لهم انتظرت مها شوي في غرفتها ولما راحت بتدخل انصدمت بزوجت اخوها سعاد تمشي عند مجلس الحريم بتدخل قبلها وبدون علم الام و مها وكانت متزين زين كامله ماتتصورون كانها قاصد شي …..
وهي مش من عوايدعا اذا جا ضيوف عن اهل زوجها تجلش معهم

(….. مع العلم ان سعاد ساكن في نفس البيت بس في شقة منعزله في الدور الثاني واهل مها في الارضي وبينهم باب —- والمشكله ان الاهل محذرين اخت مها انها ماتدخل عشان ما تخرب على اختها……)

لما شافتها مها رجعت ووجها متقلب 100لون ومالقت الا اختها تشكي لها ……انصدمت الاخت بعد ..

-افكار كثيره جات في راس مها ليه سعاد تسوي كذا..؟
وبعد ما جمعت قواها ادخلت مجلس الحريم بس في داخلها حزن …

وش سوت سعاد داخل المجلس؟
سلمت مها وجلست اسالتها ام العريس عن اسمها وشنو تدرس …بس مازادت عليها
بدت سعاد كانها انسان ثانيه تسولف وتضحك وتساعد ام مها وتقهوي الضيوف وتسولف مع ام العريس وتروح وتجي بشكل ملفت للنظر تقولين هي اللي راح تنخطب …..وهذا مو من عوايدها (في العادة هي تجلس كانها ضيف )
ومها مسكينه ساكت وماسكة نفسها وتحس ان مالها داعي راحت غرفتها مرتين تشتكي لاختها وترجع وامها حست فيها تقولها يا مها ضحكي (وبقلبها تقول شلون اضحك و ام العريس ما تناظر فيني وما تكلمنيبس تسمع سوالف سعاد وهي بالاصل جاي علشاني )

جلسوا الضيوف تقريبا 3ساعات طلعت مها من مجلس الضيوف قبل يروحون اهل العريس عشان يقولون رايهم للام
بس……سعاد ماحست وجالس و ماهمها

جلست مها في غرفتها تغلي واختها تقولها ناديها خليها تجي هنا … ……..
نادو البزارين سعاد وكل مرة تقول بعدين وبعد الحاح جت …..
وش توقعون سوت فيها مها؟

مسكت اعصابها واختها بعد وقامت تسولف لها عشان ماتحس فيها انها زعلانه من الموقف وتضيع الوقت وكل ما تعتذر سعاد تبي ترح للضيوف تقولها مها اجلسي معاي وبعد ربع ساعة راحو الضيوف…….وانزاح الهم

أشكرك الأنك قراتي الى هنا 😆 🙂

اكيد طولت عليكم …
والحين ابقي رايكم وبكل صراحة
سعاد ليه سوت كذا؟
وش قصدها من هذي الحرك؟
هل هي تبقي اهل العريس يسوون مقارنه بينها وبين مها؟
هل هي تبقي تتاكد هل مها حضها بيكون حلو (يعني هل العريس لقطه) ؟ مع العلم انها سالت مها عن العريس
وكيف اتعامل مع انسانه من نفس هذا النوع؟

انا مها وكل هذي الاسئله تدور في بالي ومو مخليتني ارتاح؟
برايكم انا ظنيت فيها ظن سؤ …

واختم لكم الحكاية
ان ابو مها رفض العريس بعد التصرف الارعن الي سواه وبعد طلع العريس عاطل عن العمل بس يدير املاك ابوه (ابو العريس موغني بس عنده شبه شركه )….