ناعمة ياغريبة ( الغريبة ) بالصور والخطوات من مطبخى ;)**مميز**

بما ان العيد قرب كل سنة وانتم طيبين كلكم يارب قلت اجرب مقدار غريبة عشان لو طلع اوكى اعتمده واعمل فى العيد ان شاء الله

المقادير سهلة جدا ومفيش ابسط من كده

مقدار دقيق
نصف مقدار سمن
ربع مقدار سكر

شوفتو الهندزة ❗

كل واحدة تعاير باى مقدار عندها لو حطيتى كمية دقيق تحطى نصها سمنة وربعها سكر:)

ولاحظى انة قلت سمنة مش زبدة تفرق كتيير خدو بالكم 😛

الطريقة

نخلط السكر والسمنة ونضربهم جيدا لحد مايبقو زى الكريمة كده وبعدين نضيف الدقيق تدريجيا ونقلب لحد مايتكون عجينة لينة

(بس بعد مانضيف نص الدقيق كده ناخد شوية حوالى معلقتين ونركنهم لوحدهم ونكمل بدل الدقيق كاكاو خام)

ونشكل وحدات الغريبة بالشكل ده

والكاكاو على الوش كورة صغيرة

ونرصها فى فى صينية مدهونة سمنة وندخلها فرن متوسط الحرارة فى الرف الأوسط

ونسيب فراغات واحنا بنرص عشان بتزيد فى السوا 😡

ونتابعها عشان ما بتستحملش فى السوا اول ما نلاقة الوحدة منها مسكت ومابقتش عجينة طرية تبقى استوت وشها ما نخليهوش يحمر الارضية بس تكون لونها ذهبى

ويارب تعجبكم 😆 idea:

طعمها كان هايل وبتدوب فى البق اوى وتووحفه ➡