عالم البنات النسائي كل ما يخص المرأة العربية من ازياء وجمال والحياة الزوجية والمطبخ
: السلام عليكم ورحمة الله وبركاته ….
الحمدلله كما ينبغي لجلالي وجهه وعظيم سلطانه ….حمدا كثير .. طيبا … مباركافيه …
اسفه خواتي عالتاخير في الرد عن ايش اللي صار على اجتماعنا …..;).. ابشركم خواتي كل خير
جانا من بعده .. ذاك اليوم الغداء عند جدتي عازمه اخوي الكبير لانو مايجي الا في الاجاز ه بطبيعة عمله
ووانا كلي ترقب للحظه الحاسمه واعطي أختي نظرات 😡 .. يعني ياويلك ماتتكلمي معي ..
وفتح اخوي الاصغر الموضوع لانه كان عارف من امس وقاله اخوي الكبير طيب ايش رايك انت قال انا موافق
قال اخوي الثاني انا معارض ..قلت لاشعوريا ليييييييه ؟ 😆 قال لازم الموضوع فيه واحد يوافق وواحد
يعارض مايصير كلنا موافقيت … يتريقون …..وبعدين رحنا للبيت وجلسنا جلسه مزبوطه وفتح اخوي اول شي
موضوع الترتيب والنظافه بالبيت وتناقشنا فيه كثير …وبعدين فتحنا موضوع المصروف … ➡ وللمعلوميه
اختي اللي اهددها دخلت ولبست للتحفيظ وراحت واختي الثانيه توها صاحيه من النوم وماله خلق للكلام
بس مستمعه بس مره ابدت رايها وامي ماتتكلم ولاتعلق …طبعها كذا ماتحب تطلب من عيالها ..بس
تقولهم ماابي ولاترسل شي قصدها فلوس …الله يهديها ….المهم انا كـــــــــــــــــــــل شي في بيتنا
امر واخدم واتكلم واخاصم وأطلب الشي الناقص ..واذا جاء احد بوجهي اسوي قهوة واجلس عنده بالذات
اذا كانت بنت متزوجة بعمري من القرابه او من الجيران انا اللي اجلس عندها لين ماتروح …حتى في
اجتماعنا انا اللي اتكلم واناقش .. وارد وادافع … تعبت تعبت من مجرد هم المسئولية وياليت حد يقدر
ولما اتكلم واناقش اخواني الكل يطالع فيني لدرجة احس خدودي سخنت مدري احراج والا ايش ..وتاثروو
من حكاية الضيوف …. والحمدلله خصصو لنا مصروف شهري وانا اللي حددته واخوي الكبير خلاني اجيب
شغالة من اللي يجوو يروحو تنظف وتروح وهو يسلم حقها …..والله والله لواني ماني عارفة أخواني انهم
طيبين وفيهم الخير ماطلبتهم بس محتاجين تذكير ومثلهم من الرجال كثيييير طبع الرجال مايقدر الحاجه
ولايعرف الناقص وبالذات اذا كان طول حياته عايش بعيد …..
اسال الله العظيم بمنه وكرمه ان يوفقهم
لما يحب ويرضى ويييسر لهم جميع امورهم ……اسفه عالاطاله 😉 😥 😉
