عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :
كتير مننا بيهتم بشكلة كويس جدا قبل ما نخرج و لو رايحين مناسبة و لا حاجة عشان صحابنا و اقاربنا يشوفونا بإحسن شكل ممكن .۔ و دي حاجة كويسة مفيش مشكلة 💡
إنما المشكلة لو الأهتمام ده محصور على الخروج بس و متضمنشي الاهتمام بشكلنا جوه البيت و ادام ازواجنا …يعني تبقوا بره اهتمام بالشكل و الشياكة و الأناقة و جوه البيت .. لبسك مش اد كده …و الولاد و البيت مش مدينك فرصة للإهتمام بشكلك …!!!!!!!!!
تقصير من اغلبنا .. و اغلبنا بيعمل كده إلا من رحم ربي …بالذات في الشتااااااااااا
يعني الصيف بيديكي فرصة حتى لو مكنشي عندك وقت فاضي ….. إنك تلبسي حجات حلوة و سكسي في البيت ..بيجامات صيفي كيوت كده .. لانجيري … شورتات على بديهات حلوة و الذي منه ..و بيبقى فاضل عليكي بس تاتشات ميك اب بسيطة اوي لو حتى شوية كحل و تاتشات بسيطة معاها تسريحة حلوة .. خلاص خلص الموضوع ..
إنما الشتا بأه و تكون الدنيا تلج … مفيش غير الترنجات الشتوي اياها و الشرابات الشتوي الخنييييقة و اللبس اللي فوق بعضيه و الشكل بيبقى مش و لابد ابدا ابدا …و طول النهار الواحد مش عايز يتحرك من مكانة 
عشان كده عملت الموضوع ده بصراحة …عشان نتبادل الخبرات ..
انتو شكلكوا بيبقى ازاي في البيت ؟؟ بصراحة بلييز .. ومعظم اللبس بيكون اية بالذات في الشتا ؟؟ و ازاي بتحافظوا على شياكتكم جوه البيت في الصيف و الشتا ؟؟ و اسهل تسريحات الشعر و ميكبكم في البيت صيف و شتا …
أنا عن نفسي ححاول اقدم أجوبتي بكل صراحة على الأسئلة دي بس في الآخر 😛 …و بعدين ححاول اجيب أهم أفكار تجديد شكلنا في البيت صيف و شتا بس حركز على الشتا …
و اللي عندها أي أفكار .. يا ريت تقولها دايركت من غير استئذان ..
اية رأيكم ؟؟
