عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااااااااااااااااام عليكم..
شخباركم؟؟؟؟
يافراشات أنا مالي إلا الله ثم أنتم..أنا زواجي الأربعاء20-7 ..ماباقي شي قرب وأنا ماسويت شي ولاجهزت شي أبد المهر كامل عندي..
وأنا البنت الكبيرة ولاأدري وش اللي أجهز..وش الأشياء اللي تجهزها العروس..أنا مالي إلا الله ثم أنتم ياخواتي ساعدوني..
فيه عندي زوجة أخوي وحبيبه حرام لكن مشكلتها إنها من النوع اللي يمشي ويتكلم أنا سويت وأنا اللي حطيت..بمناسبة وبدون مناسبه..الله يهديها بس…
يعني بكرا ألقى كل الجماعة يدرون وش اللي قالتلي عليه ووش اللي ماقالته..تحب تظهر نفسها لو على حساب غيرها..ماأحب كذا دايما ترفع ضغطي بحركاتها..
ماعلينا من سالفتها وطبعها المتأصل..!!!
أنا أبيكم تقولون لي وش اللي العروس لازم تشتريه وتجهزه بالتفصيل الممل..قولوا لي كل شي من صغير وكبير..وكم أشتري؟؟ومن وين أشتريه؟؟تكفووون مالي غيركم..
والله إني خايفه وشايله هموم..هم العرس..وهم الجهاز..وهم فراق أهلي..الله يخليكم ياخوااااتي ساعدوني..
واللي ترد علي الله يوفقها ويجملها بعين زوجها ويسخره لها ويجعلهم قرة أعين لبعضهم يااارب..
واللي ماتزوجت وعندها خبره يعني خواتها أوقريبه لها تمون عليها وتعرف وش يشترون العرايس ترد علي..الله يااارب تتزوج اللي تتمنى ياحي ياقيوم عاجلا غير آجل..
ساااااااااااااااااعدوني ياخواااااااااتي مالي إلا الله ثم أنتم
ملاحظه(بليييز يافراشات لاتضيعون موضوعي وتقعدون تردون على بعضكم وتنسوووني…بلليز)
,,,,,أجــــمـــل تـــحــــيـــــة,,,,,
