نداء عاجل للادارة ..

السلام عليكم ورحمة الله وبركاته ..

اخواني الطاقم الاداري ..

بخصوص الفوضى الي مستوية في قسم البيع والشراء اقترح :

1 – انه الي يبا يعرض بضاعة لازم يكون من قبل موقع على اوراق وبنود للمنتدى .. وما يكون اسمه عضو ممكن تسمونه : تاجر وللحريم تاجرة ..

ويتعهد انه مثلا لو حد يبا منه شي والتاجر ما عنده الدفع عند الاستلام واودع له في الحساب انه بتوصل له البضاعة ولو ما وصلت يتواصل مع الادارة والادارة يتصرفون .. طبعا بيكون التسجيل برسوم لكن ما نباها تكون غالية يعني مرة وحدة بس 50 درهم او ما شابه يعني بس للتاكيد ..

2- تكون قوانين صارمة للي يدخل المزاد ولما نتواصل معاه ما يرد علينا ولا شي .. ؟؟؟

والي يكررها او يسوي اي شي توقفون عضويته ولازم نحذر التجار الثانين منه لانه نحن ما يالسين نلعب يالسين نشتغل ما نبا اي حد يخرب علينا شغلتنا ..

3- انه ( التاجر) = العضو الي يبا يعرض بضاعته .. من حقه انه يعدل في موضوعه الي يباه لانه تعديل المواضيع عندكم بس لمدة 10 دقايق ولو واحد مثلا حط مجموعة من الاشياء وشي منها انباع لازم يمسحه من الموضوع يعني ما يحتاي يسالونه ويقول انباع ..

اتمنى تكون في اضافاات ثانية من الاعضاء عشان نرتقي كلنا بالمنتدى الرااائع .. تقبلوا مني فائق الاحترام والتقدير