نداء للفراشات الشطورات في الشعر او الخواطر او المسجات مهم و ظروري بالنسبه لي تكفون

الفل و الكادي لكل فراشه شطوره نورت متصفحي

ادخل بالسولافه على طوووول

وحده من صديقاتي حابين نسوي لها حفله ببيت اهلها لكن من غير ما تعرف ( كمفاجأه لها ) ..

الفكره كيف ؟؟ انو هي تدخل المجلس على اساس انو جايين صديقات اختها و بعد ما تدخل تتفاجأ فينا و بالكيك و الشموع و تجهيزات حفلات البنات الخنفشاريه اللي انتو عارفينها

ورتبنا لهاذي الحفله مع اهلها و الحمد لله وكل شي ماشي زي ما نبغى ..

نجي للمشكه

حابين نصيغ موضوع و مناسبة الحفله بعباره موزونه القافيه مكتوبه ببطاقة الورد اللي راح نقدمه لها اول ما تدخل ..

باقة الورد راح تكون كلها ورد طبيعي ماعدا ورده وحده بس اللي راح تكون صناعيه

العباره اللي مفكرين انا والشله انو نكتبها ( حبنا لك لن ينتهي الى ان تذبل اخر ورده )<< مره سوفاج و عباره ركيكه من قلب

الورد كلو راح يذبل باستثناء الورده الصناعيه

فاللي شاطره بالكتابه يا ليت لو تساعدنا بكتابة مناسبة الحفله بالبطاقه لكن بشكل مرتب و حلو على نمط العباره اللي فوق بس بشكل شعر او سطر خاطره على الماشي او اللي عندها مسج يتطابق مع العباره اللي فوق ..

يا ليت ارجع بكره الاقي تفاعل منكم يا فراشات المنتدى علشان يوم الثلاثاء هو موعد الحفله ..

بالنهايه اشكر لكم اتساع بالكم و مساعدتكم لي .…… وردة الكرستال