عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيفكم يا حلوات
ادري ان النشره تأخرت ولكن ما عندي عذر لكن مدري ليه ما نزلتها يمكن مالي نفس اكتب
لكن هالمره قلت يا بنت اكتبي من زمان والبنات يطلبونك اياها هههههههههههههههههه 
طيب بسم الله نبدأ
مع نشرة الاخبار المفصله لمنتدى الفراشه ( الجزء السابع ) برعاية ام البتول 2006
مره وانا ادور بالنت
الا وطحت بموقع نسخه مستنسخه عن موقع الفراشه نفس التصميم بالضبط اللهم ذاك كأن احد كب عليه كلوركس وصارت الالوان باهته والا كأنه فستان شارينه من محل رخيص يوم انغسل راحت الوانه تخيلتوا معي الموقف
طبعا الموقع هذا خاص لبنات دول عربيه معينه ههههههههههههههههه
طيب كان سواا لهم قسم هنا وارتاحوان (العجئه )كلمة العجئه هذي ما اوحت لكم بمنطقه عربيه معينه !؟ ههههههههههههههههههههم
المهم الفرق بيننا وبينهم انهم عادي يسجلون رجال
جلست اضحك واحد منزل موضوع يقول انا مبسوط لأني مسجل في هذا الصرح العظيم ما يدري انه تقليد مو الصرح نفسه اللي يعتقده الاخ
يعني هناك يسمحون بخليطي
……………………
على العموم نبدأ
الموضوع الاول..
موضوع عنوانه كلمة حقير قليله فيه
ناقله لنا قصه الله يهديها العقل ما يقبلها من الاساس
بالله شلون بنت عمرها19 سنه تصدق الدكتور يوم قالها ان علاجها تمارس معه الجنس لمدة اسبوع وين قاعدين والله ولا في تايلند ما راح تمارسه معه ههههههههههههههههههههههههههه
بالله من جدكم ياللي صدقتم والبنت هذي ما تقول لأهلها وين الممرضات طيب سلامات سلامات ..
انتهى ما عاد ابي اعلق ..
………………………………………….. …..
الموضوع الثاني..
موضوع والله يبي له موضوع كامل مو نشرة اخبار يعني على كيف كيفكم
بنت منزله موضوع تقول موقف رومنسي ومحرج
يالله لو انكم تشوفون وش الموقف وربي ما يجي جنب الرومنسيه ابد ولكن بدل ما اكتب لكم تعليق راح اسدح لكم ردي عليها في موضوعها الاصلي
ماشالله
هذول عيال اي شيخ
ماشالله على الغيره ماشالله
مبين عليهم ناس محترمه
فلوس واخلاق
حتى الولد ما بقيتي شي ما قلتي عنه وسيم وجنتل وعنده فلوس وش بقى ما قلتي شاعر وكاتب روايات مثلك ورسام تخبرين البطرانين يشترون كل شي بفلوس
ههههههههههههههه
لا والبنت اللي تلبس عبايه وشيله انا اشك في كذا بصراحه يمكن عبايتها بعد مايوه
تروح لين البوابه وتدنق لين الارض يعني تفنقس عاد هنا كل شي يبين عاد عادل بالله كل هذا ما خق والا جنتل هههههههههههههههههههههههههه
وماشالله طيب ما مداها تشرد علشان البوابه شكبرها
جلست تسولف معه لين راح المطبخ يودي البيبسي اللي ما قدرت تشيله من نعومتها عاد تعرفين عيونها مايله للصفار ( اخبره مرض الله لا يبلانا )
وشعرها بني لما تسبح وينشف يصير احلى حتى مع الكلور هههههههههههههههههههه مو هي بطرانه المفروض تاخذ شي على راسها
اوه نسيت انها تبي تحافظ على برستيجها
طيب طول هذا الوقت وهي تسولف مع عادل ولا شردت ووصفته بمكان المطبخ وجهها في النهايه صار طماط اشك بصراحه ان عندها حياء هالليلى بإختصار
يعني بنت مو متربيه ولا عندها حياء ابد
وسلامتكم
وكفايه روايات
واذا حبيتي تكتبين قصه حقيقه انصحك لا تثيرين شي حولك يعني الحرام تجنبيه
انتبهوا لعادل لا يصير قيس
ههههههههههههههههههههههههه
ونقول ليه هالكوراث تصير من المصايب والغيره اللي انعدمت الدياثه كثرت هالايام مدي الناس هذي تاكل لحم خنازير ؟!
يمكن من كثر السفريات برا الناس تاكل وتزط وما تدري
اسمحوا لي انا ما تجاوزت حدودي هذا الواقع
لا وناس جالسه تفتي وتحرم وتحلل على كيفها
عورة المرأه للمرأه من السره للركبه وللضروره يعني ما تلبس ونتعرى ونقول عورتها من السره للركبه ترا للضروره بس
استغفر الله واتوب اليه
اللي تبي الموضوع تروح تشوفه بقسم اسرار البنات
………………………………………….. ………
الموضوع الثالث
موضوع المرأه العيانه ( النضوله ) اللي تعطي عين ههههههههههههههههههههههه
ماشالله والله فاضي اللي مسوي اللقاء مع نفسه وألف القصه
حلوه ذي تتلقى عروض ماليه علشان تعطي الناس عين لا وبعد الجريده بتروح تسوي معها لقاء (أمك يالفضاوه ) ههههههههههههههههههههه
………………………………………..
الموضوع الرابع..
حق اللي يصنع جبن من ثدي زوجته
والله لو يحلفون لين بكره ما صدقتهم وش ذا الثدي المعجزه
اجل خلاص كل ما جاني مولود بقول لزوجي يفتح لي شركه زي المراعي وسوف نصبح اثرياء ههههههههههه
الا على فكره وحده سألت سؤال ذكي وش يصيرون يقربون لهم اللي يروحون المطعم ههههههههههههههههههههههه
…………………………………
الموضوع الخامس
هذا الكلام خاص لقسم الحياة الزوجيه..
ما راح اقول اي موضوع
لكن اللي مستغربه منه
حريم ينزلون مشكله من مشاكلهم وياسلام وياعيني على الحلول وربي اغلبها دمار شامل وحرب فتاكه ولا تزيد الورطه الا ورطات ولا تزيد الوقعه الا وقعات
ولا تخذم المشكله بإي شكل من الاشكال
فرجائي الخاص اللي عندها خبره وسنعه ومتمكنه تدخل تحل المشاكل
اما اللي تقول زوجك مو رجال وتقلل من احترام الزوج في نظر زوجته
واللي تقول زوجك نذل
واللي تقول زوجك ما عنده شخصيه
الحرمه نزلت مشكلتها علشان تلاقون لها حل مو علشان تقللون من احترام زوجها
بينها وبين زوجها كيفها ولكن ما طلبت منكم وصف زوجها بأبشع الكلمات هي طلبت تحلون مشكلتها
وفي موضوع وحده كتبته الحرمه مسكينه تقول
انا زوجي كذا كذا وانا بسببه فكرت بالحرام طبعا من خلال طرحه لقصتها راح تعرفون وشهو الحرام اللي تقصه ( تقصد تنزل الجنين ) وتنزليه معروف انه قتل نفس وحرام
لكن اكثر الحريم دخلوا مدرعمات مفحطات وما قروا ولا شي الا العنوان وبس ( طبعا يحق لها تكتب انا فكرت بالحرام لأنه اولا حرام ثانيا تدري انهم ما راح يدخلون الا بهذي الطريقه وثالثا مسكينه تبي حل لقضيتها ..
طبعا اكثرهم قالوا لها استغفري ربك اتقي ربك وشو حرام انتي ما تخافين على اللي بيجيك بيكون من زوجك والا منه هههههههه
شي شي
طيب اقروا القصه قبل لا تتهمونها بشي ما فكرت فيه من الاساس الحمد الله والشكر بس
يعني بإختصار اذا انتوا مو اهل لحل القضايا اطلعوا منها وخلوها لأهلها ابرك وجزاكم الله خير ريحوا الكيبورد
صح صح باقي موضوع في غاية الاهميه
وحده تقول قولولي وشهي الخلطه السريه اللي تخلي زوجك يبوس قدمك
ههههههههههههههههههههههههه
شي عجيب انا مدري اللي خاص بين الزوجين شي عادي وطبيعي
ولكن غير كذا وش تحسين فيه اذلال يعني الحمدالله والشكر بس على نعمة العقل
يعني صار مافي اثبات ان زوجك يحبك الا اذا باس ارجولك مو هذاك الوقت ( المتزوجات بيعرفون) ولكن تقصد وقت ثاني يالله اعطينا العقل
………………………………………….. ………………
لا تلوموني يوم حطيت الاقتراح حق قسم الحياة الزوجيه وياريت يتنفذ ياريت
تو اللحين نزل موضوع عن اوضاع الجنس لا وبعد حاط روابط فيها صور الحمدلله عندنا بالسعوديه محجوبه ما تنفتح لكن في مناطق عربيه كثيره مو محجوبه عندهم
فياريت يتنفذ الاقتراح انو قبل ما ينزل اي موضوع لقسم الحياة الزوجية يمر على المشرفات وبعدها يشوفون هل هو مناسب او لا
اذا مناسب ينزلونه اذا مو مناسب يكنسونه وبكذا راح تنحل مشكلة قسم الحياة الزوجيه وراح نتخلص من شي اسمه حثالة المجتمع
……………………….
هذا موضوع توني اضفته
موضوع المرأه اللي عندها ثلاث صدور
خير ان شالله طيب وين المصدر
شوفوا معاي الصوره اولا الصوره هذي مو اثبات حتى لو رقمتيها
ثاني شي ثلاث صدور ولابسه علاقي وضيق
والله لو عندها ثلاث صدور ما لبست ضيق وفلت الشعر
يبين المريض ويبين اللي مو مريض
ويبي الفوتوشوب والاشاعات وتبين الحقيقه
أم البتول 2006
