نصايح خفيفه لكل وحده رايقه و تبي تروق حياتها !

الثقه مهممممممممممممممه يا بنات .. يعني خليك واثقه انه زوجك يحبك .. و انه يعزك .. وهو مو عايش معاك الا انه هو يحبك و يموت فيك .. لا تحطين في بالك هو ما يحبني .. طفشان مني .. الخ .. لأنك لو فكرتي كذا راح يصير هذا الشي بتصرفاتك

2-

تزيني لزوجك .. مو شرط تكشخين من و الى .. بس تكونين مرتبه و معطره .. اهم شي الروايح الزينه والفواحه .. استخدمي اللوشنات المعطره المنعشه بعد الحمام و كمليها ببودره خفييفه واااااااو تطلع الريحه تجنن انصحكم ب كريم فكتوريا سيكرت بدبنهامز البنفسجي ريحته رهيبه للبيت و الاستخدام الناعم .. بس بعد يعتمد ع ذوق كل وحده

3-

بنات هذي نصيحه لكم و لي .. .. لا تدققو في كلام الزوج .. ترى الرجال دفشين .. يعني على بالهم يسولفون مع خواتهم او ربعهم ! ف الحل .. يا اما تعودين نفسك التطنيش خصوصا في الاشياء و الجمل الي مالها سنع .. او انك تقولينله بنفس الوقت و بأسلوب ضحك .. او ما انصح انك تزعلين و بعدين تصارحينه و مدري ايش .. ترى جربتها مليوون مره .. نتيجتها زعله و بعد انا اللي اراضي

4-

دايما صيري مبتسمه .. اضحكي .. ياختي عيشي حياتك .. احنا احيانا نزعل على اشياء بايخه .. لازم نمشي الموضوع .. و نعيش حياتنا مع ازواجنا .. نخلي لها نكهه حلوه .. ننبسط .. نروق .. نستهبللللل .. ز يما نستهبل مع صديقاتنا .. نستهبل معاااااااااااااه شالمشكله ؟؟

5-

الطبخ الطبببببببببببخ الطببببببببببببببببببببببببببببببببببببخ !
بنات الطبخ مهم !! اكتشفت مؤخرا انه قلب الرجل في معدته خخخخخخخخخخ من جد ظلعت المقوله .. اطبخي .. طلع زين شين .. تعرفي ما تعرفي .. اطبخي .. اسألي امه و امك .. خواتك اللي تعرفين .. عن طبخات جديده .. جربي .. لا تككري الظبخات و تهنقين على طبخه او طبختين خخخخخخ .. اسألي .. و جربي و بس .. ما بتخسري شي .. لو هو واحد سنع .. بيعرف انه انتي تعبتي على الطبخه و بس .. الفكره انه انتي تتعبين على الشي عشانه ترى الرجال يحبون هالشي انه تسوين شي عشانه كنهم يستاهلون

6-

لا تصيرين حنااااااانه و زنانه .. قولي الشي مره و بس .. عن خاطركم مرتين .. بس خلاص لا يكثر ! .. الرجال ما يحبون النق !

7-

بنات بليزززززز .. ترى اوء شي السكوت .. خصوصا عند الزعل .. انتبهوووو تسون هالشي ! .. اذا زعلتي و شي يسوى .. قوليله .. بس اختاري الوقت المناسب .. و الطريقه المناسبه .. يعني لا تغلطينه بطريقه قويه .. قوليله .. ( انت اذا عادي عندك ازعل و اسكت انا بسكت !؟ .. او خلني اتكلم براحتي و بدون ما تدافع او تزعل يعني عطني فرصه افضفض .. ) .. و ابدي قولي اللي تبين .. وانتي لا شعوريا من الحره اللي فيك بتدمع عيونك و خلاص .. ! يعني التوقيت في العتاب مهم .. و الاسلوب

8-

الرجال ما يحب احد يعارضه خصوصا قدام الغير .. حاولي انك تكونين سياسيه .. بس انا صراحه ما احب اني انصهر في شخصية الزوج .. بس هم يحبون كذا .. ف ما ادري اللي عندها حل تقول

9-

لا تشتكين قدامه .. لا تقولي ياربي لازم اشتري فستان فلاني للحفله الفلانيه .. و لا اصبغ او ما اصبغ .. و لا اشتري بلوزه بيضا ولا لا ؟؟ .. ترى الرجال ما يعرفوووون يعطون راي بهالسوالف .. اكتشفت هالشي .. و بتثبتين لهم بعد انك متردده و الخ

10-

لا تتوقعين انه الرجال بيقر اافكارك .. اذا خاطرك يجيبلك شي .. قوليله بصراحه .. ( حبيبي خاطري البس شي على ذوقك .. حبيبي من زمان ما جبتلي ورد .. حبيبي ما تتخيل الساعه اللي جبتها لي اذا لبستها شعووووور ثاني ! ) عاد انتي قدمي طلب و انطري للسنه الجايه على بال ما يجيك 😛

11-

تدلعي .. تدلعييييييييييييي .. تدلعيييي .. مليون شي تقدرين تسوينه .. للدلع 😥

12-

بعض الرجال ما يحبون يتخذون القرار في الاشياء البسيطه مثل ( اختيار المطعم – اروح السوق ولالا – نروح بيت اهلي للعشا ولالا – البس بنطلون ولا تنوره ؟ – اصبغ شعري و لا انتظر لين يطول و اصبغه بعدين ؟ – نتعشا شاورما ولا خفايف ……………………… الخ ) قد ما تقدرين قررري انتي او قولي انا ابي كذا و انت ؟ يعني لا تسألين .. كسل ما يحبون يفكرووون دايم يبون المرأه تفكر 😆 🙂

13-

في امور بسيطه انتبهي لها .. يعني اشياء بسيطه بالبيت مثلا .. دايم الزوج يطلب منك تسويها .. بس احنا و النسيان و الفهاوه ! .. ف لازم ننتبه لها .. بس بعد لا يتحمس واجد و يصير مدير عليك و انواع التحطيم .. لا .. وازني بالشي

14-

لو جا زوجك من العمل .. شوفي مزاجه بعدين تصرفي بناء عليه خخخخخخخخخ 😆 🙄 يعني لو تعبان و يبي ينام ابعدي عن طريقه

15-

بنات بليز بليز بليز .. لا تقارنين نفسك بوحده ثانيه .. و لا زوجك بواحد ثاني .. ترى زوجك غير و اي احد ثاني غير ! .. ماديا .. اسلوبياً .. كلامياً .. الخ .. نوو لا تسوين كذا ! .. و انتي نفسك ما تقارنين نفسك بأحد .. يعني اللي ينفع مع زوجك ممكن ما ينفع مع احد ثاني .. و شي ثاني .. لا تسمعين كل نصيحه تنقال .. يعني في ايميلات مثلا تخليك غصب تسوين هوشه ! خخخخخ .. يعني تسمعين كلام مدري كيف ! .. كنك في حرب .. مو علاقه زوجيه ! .. لاوزم نصفي النيه شوي و نهدي اللعب معاهم 💡 .. راجعو انفسكم .. شوفو اسلوبكم معه .. لا تنتظرون يجي هو ويقول لكم انتي مقصره و انتي ما تسوي و انتي ما تهتمي .. ترى و الله الجرح جرح الكلام مو جرح اي شي ثاني ! ..