عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
كيف حالكم فراشاتي واخواتي..؟؟:(
فراشاتي..انا نفسيتي مرة وجعانة وباستشيركم وابغا ردودكم تشجعني..انا كل يوم باستخير
وماني عارفة اش اسوي..
انتوا عارفين قبل فترة تقريبا اسبوعين تبت وتركت…لله..والحمدلله على حالي مايعلمه الا رب العالمين..
تاني حاجة انا ادرس في كلية التربية سنة اولى تحضيري لغة انجليزية..وانا والله ماحب التدريس
اكرهو من قلبي..بس لما جاتني الوظيفة قالولي لاترفسي النعمة والحمدلله انا معدلي امتياز مع مرتبة
الشرف..فكلهم لاموني اني ما ادرس واجلس او اشتغل اداري..
انا مرة ماحب التدريس واحب الاداري ولما درست السنة اللي فاتت وكانت اول سنة لي ف التدريس
ما اقلكم مو حلوة ..كفاية شعور انك استاذة ولك احترامك وشخصيتك..هذا شيء حلو بحد ذاته..
لكن انا ماحبه ومسؤولية كبيرة مرة..
فانا نفسيتي اساسا تعبانة عشان تركت وتبت..وكمان عشان انو بدأ الدوام اليوم والتدريس وانا اكرهه
فنفسيتي جدا تعبانة اني باكابر وف نفس الوقت باتحمل اشتغل شغلانة انا ماحبها..
حاسة اني مخنوقة ومضغوطة صرت بس اقول يارب يجيني عريس نهاية الاسسبوع دا عشان لا اشتغل
ولا اتعب راسي وقلبي وانا وجعانة..
وطبعا انا لسا ماثبتوني وكانت اول سنة لي الي فاتت بالتعاقد ودي السنة برضو قالولنا اول شهرين
تعاقد وبعد كدا اذا عجبناهم كملنا وثبتونا واذا لا خلاص يستغنوا عننا!!!…
فانا ماني عارفة فكرت اترك هذا كله..واريح راسي وقلبي لاني خايفة اظلم البنات وانا نفسيتي سيئة
وحرام مالهم ذنب..وادخل تحفيظ حقي اللي حفظت فيه القرآن وادرس تجويد ف الصباح عشان
لا اجلس ف البيت يعني..والحمدلله ماما وبابا ماهم مقصرين معايا في المادة..
انا مررررررة خايفة دي السنة كيف حاكون مع البنات وكيف حادي المحاضرات وخصوصا انو المناهج
استجدت والقوانين صعبت وصارت الامور رسمية اكتر وعدد الساعات زاد..
فانا محتارة اش اسوي وكمان مابغا نفسيتي تدهور وامرض..كفاية انو دحين انا نزلت 4 كيلو من يوم
تركت..والكل يقولي نحفانة من الصيام وانا اقول ايوا..
خايفة اضغط ع نفسي وامرض..محتارة مو عارفة اش اسوي وكل ساعة استخير..
شوروا علي اش اسوي؟!!! والله مابغا اي حاجة تزيدني على نفسيتي..والله اليوم الناس فرحانة
انها اتوظفت وانا رجعت البيت دمعتي ع خدي نفسيتي تعبانة ابغا شغل يريحني مو كمان شغل اكرهه
واكابر الحب واكابر وجع راسي والمسؤولية…
نسيت اقلكم شيء كمان متعبلي نفسيتي زيادة انه في ناس بيسعولي واسطة عشان اتوظف ف الجامعة وانا اساسا مو مهتمة!!!!!
ياويلي ياليت احد يفهم اللي ف قلبي واللي نفسي فيه..قرار صعب!!!!
😆 😆 🙂 😳 😉 😡 😥 😆 😛 😎 😆 🙄 :D:P
