عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
ابي اكتب مشكلتي اللي مسببه لي ازمه نفسيه وابي منكم تساعدوني وتدعون لي
مشكلتي اني لما كنت بأولى متوسط حبيت ولد عمي وكانت تصرفاتنا جدآ بريئه والله ثم والله انها مجرد
سلام عن طريق خالته > تصير صديقتي ‘ ومكالمات طفوليه فقط لاغير
اقسم بالله انا كنا بريئين لدرجه الغباء
عرفوا اهلي لما كنت بثاني متوسط وعاقبوني ومشكله امي وخواتي انهم ظلوا يعايروني فيه طول عمري
تعقدت ونزل مستواي بالدراسه عشان كذا مرررت الايام ورجعنا لبعض لما كنت بثالث ثانوي بس وربي انه مجرد يتطمن علي
عن طريق خالته وارسل له رسائل بالورق عشان اطمنه عن حالتي بالبيت مع اهلي لانه كان يعرف ان اهلي يعاملوني معالمه سيئه بسببه
وانقطعنا بسبب ظروف دراسته بعد الثانوي وكمان لان اهلي عرفوا انا لسى ع علاقه وظلوا يعاقبوني
مثل اول
وهو درس وتخرج ظابط ويوم تخرجه اتصلت عليه وباركت له ومنها ظلينا نكلم بعض
>> لاتستغربون اصراري ع علاقتي فيه بس ماكان احد من اهلي يحترمني وكانوا بتعاملهم معي يعلقوني فيه اكثر لانه يعاملني معامله حلوه ويخاف علي ويهتم فيني
بعدين قلت له انت تخرجت وخلاص توظفت تعال واخطبني عشان ارتاح من عذابي مع اهلي
وفعلا جا وخطبني ووافقوا اهلي ع اساس انه تفويت لين يتجهزون اهل خطيبي للخطبه
والحين لما حددنا الملكه خواتي بدأت مضايقاتهم زعلوا وصار فيها بكاء ومشاكل
>> لان لي اخت اكبر مني بسنتين ماتزوجت ” خطبوها ناس بس ماصار نصيب ”
حاولت افهمهم انو هذي ارزاق وربك وحده عالم متى يجي نصيبها عاندوا وسببوا لي مشاكل بالبيت
حاولت وحاولت وحاولت ولا احد منهم راضي يسمعني
قالوا عني انانيه وحقيره و و و >> وطنشششششت قلت خليهم براحتهم مصيرهم يعرفوا انهم خطأ
بعدين جا ابوي عندي وقال اسمعي يابنتي يوم السبت اوديك عشان تحللين للزواج قلت له اوك
” وفرحت فرحه ربي وحده عالم فيها ”
قامن خواتي قلبنها مناحه يبكون ويرمون علي كلام طنشت وطلعت غرفتي
بعد ساعه رجعت ابي اروح للمطبخ سمعتهم يتكلمون فيني اختي الكبيره > متزوجه وعندها ثلاث اولاد
واختي اللي اصغر مني > بأولى ثانوي
واختي الصغيره > بثاني متوسط
والمصيبه يتكلمون بشرفي يقولون صايعه وعامله علاقات مع شباب الحاره و و و و
رحت دخلت عليهم وقلت وش تبون فيني ؟ انا صايعه اوكي ربكم يحاسبكم .. خلاص خلوني اتزوج وانستر وعيب عليكم انا اختكم تتكلمون بشرفي من كان عمري 14 سنه لين صار عمري 22 وانا اسمع منكم هالكلمه حرام ترى لنا رب يحاسبنا حرااااااااااااام
قامت اختي اللي بأولى ثانوي مسكتني من شعري وضربتني وتقول تبين تتزوجين يالحقيره تبين تتزوجين قبل اختك يالصايعه و و و
بكييييييييييييييييت لين دخت وكلمت خالاتي وشكيت لهم وكلهم يهدوني ويقولون خواتك متضايقات عشان اختك اللي اكبر منك و و و و
صليت ودعيت واستغفرت وعسى ربي يريحني من هالعذاب
واليوم رحت لابوي وتناقشت معه عشان الملكه قال ملكه راح تصير بشهر 2 بس زواج هالسنه مافيه عشان اختك راعي مشاعرها وكلمي خطيبك واقنعيه يشيل فكره الزواج الحين والا ماراح اخليكم تملكون
وقلت له خلاص موافقه { لاني خفت يحرمني حتى من الملكه }
كلمت خطيبي وبصراحه لما قلت لها بكى > اقسم بالله عذبني وقطع قلبي وبكيت معه
والحين متضايقه عشان حظي الزفت انصحوني وخففوا عني وادعوا لي
ع قكره [
اختي اللي اكبر مني وامي مسافرات لجده عشان كذا صايره هالشوشره ]
