عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتي عضوات منتدى الفراشه
ابحكي لكم قصتي نفسي افضفض ابي احد يسمعني لاني ما اقدر اشكي لامي او اختي ما ابي اضيق خاطرهم علي
تزوجت من سنه وسته اشهر حملت بعدزواجي بشهرين وكان الحمل ضعيف وبديت اشعر بالم شديد اسفل
الظهر الى درجة حتى النوم ماكنت اعرفه وكمل حملي شهرين واجهضت الاسباب ماكانت معروفه
وماسويت عملية تنظيف الدكتورة قالت مايحتاج طلبت مني ما احمل لمده ثلاثة شهور واستخدم حمض الفوليك
واستمريت عليه بعدها رحت كشفت نفسي احمل قالوا عندك تكيس بسيط وراح نعطيك منشطات وباذن الله
تحملين اول مره استخدمت كلوميد بس وماوصلت البويضه للحجم المطلوب المره الثانيه اخذت كلوميد مع ابر
وطلعت عندي بويضات بحجم طبيعي الى درجة ان الدكتوره خافت اجيب اربعه تؤام وطلبت مني لو تاخرت
الدوره يوم واحد اروح لها وتاخرت الدوره وحللت للاسف ماطلع حمل ونزلت الدوره وبعدها سويت تنشيط
للمره الثالثة ماحصل حمل الحمد لله على كل حال حصلت لي ظروف وتركت المعالجه وبعدها رجعت سويت
تنشيط مرتين وماصار حمل وصار يرتفع عندي هرمون الحليب وتقول الدكتورة لا تفكرين في الحمل ابد
المهم الحين طلبو مني اشعه صبغية وتحلل دم لمعرفة التبويض واعطتني جلوكوفاج استخدمه لمده
شهرين
الحين تاخرت الدوره علي اكثر من عشرين يوم احلل دم مايطلع حمل وماسويت الاشعه واعطتني دواء
ينزل الدوره والله اعلم وش يصير علي
بس نفسيتي صارت معدومه بس ابكي مالي نفس في شيء خصوصا اني مع اهل زوجي وام زوجي كل
يوم ترمي علي كلمه تجرحني ( الله يسامحها ) لان بنتها تزوجت بعدي وصار معها ولد
مادري وش اسوي من جد تعبت يارب ارحمني برحمتك ولاتحوجني الى احد
دعواتكم لي بالذريه الصالحه
اختكم 
همس الجروح
