نقطة تحول ( 2 )

قصتي انا وبرنامج نقطة تحول ..
يعني الا مصره اتابعه واشوف الضيوف .. وشخصياتهم اللي غير على ارض الواقع ..
رغم اني ما تحمست كثير اكتب هالمره بسبب الردود الهجوميه الحلوه اللي جتني من العضوات بعد ما كتبت عن الشيخ عايض القرني .. والكل كان مطلعني اني انتقده واني حاسدته و .. و … و ..
وكل هالاشياء عااااااااااارية من الصحه ..

عموما .. بما اني ما اتوب ..
قلت ابكتب لكم هالمره عن حلقة سعود الدوسري مع الصحفي ( عثمان العمير )

طبعا كان تصوير الحلقه في المغرب حيث يعيش عثمان العمير ..
وجبيت اكتب لكم مقتطفات من الحوار ..

** طبعا اعترف انه تعمد يدخل بلاط صاحبه الجلاله عشان يكون علاقات مع الملوك والرؤوسا واللذي منهم .. وما تعرف عليهم الا عشان يستفيد منهم .. واعترف انه شخص وصولي ويحب الماده وقال مو عيب انه طبع البشر ..وغذاء الروح

** كان رده حقير على سؤال ذكي من سعود وهو يقوله انه تجاهله للقراء واهتمامه بالطبقه الهاي كلاس .. قال انه هالقراء مجرد عوام وصعب ادراكهم اوانك تفهمهم اي شي .. غير طبقة الهاي كلاس .. وان اللي يحصله يعيش بالقصور ما يتركها ويعيش بين القبور لانه وقتها بيكون شخص مو عاقل

** والطامه لما تكلم في جزء انه مقتنع ان العلم الحديث بيلقى علاج للموت … وانه هو طلب تحنيط جثته بعد وفاته .. واعتقاده ان الطب توصل لحل لتطويل عمر الانسان ..

** وتكلم عن الموسيقى وانها تسري بدمه .. وان سبب تخلف العرب هو عدم اهتمامهم بالموسيقى .. لان الوقت القديم اللي كانو يهتمون فيه للموسيقى كانو يتقدمون وكان عصر فتوحات ..
لكنه قال ان اللي ما يهتم بالموسيقى هو مثل الاغنام .. وسأله سعود عن اللي يحرمها قال اللي يحرمها هو في اخر مرتبه من الحيوانات .. استغفر الله ..

** وجاهر بانه لم يجد غضاضه بالتعاون الاستخباراتي .. بين الدول .. حتى وان كان خارج وطنه ..

** وصرح بانه ما يسعى للملوك بقد ما يسعون له .. وانه تلقى شرهتين من الملك فهد والملك عبدالله
وتتكون من 6 اصفار بجانب الرفم .. وانه يشرط انها تكون بالدولار ..

** وذكر انه من عائله معروفه بالسلفيه وان ابوه كان يبيه يصير مثله داعيه وشيخ لكنه آثر بلاط صاحبه الجلاله على الدعوه ..

وتخلل الحوار اشياء بسيطه وتافهه مثل تفكيره المحدود . ..
طبعا ما يفوتنا ان العمير هو رئيس تحرير صحيفة ايلاف الالكترونيه .. وانها في فتره من الفترات كانت موقع مجوب بالمملكه العربيه السعوديه ..

الجدير بالذكر انه خلال قراءاتي عنه ..
لفت نظري موضوع واحد ..
انه كان في مره من المرات ضيف لجورج قرداحي ببرنامج من سيربح المليون .
وانه كان في منتهى الغباء .. الشي اللي دفعني اني اطالع الحلقه من جديد ..
بس للتوضيح عن حقارته ..
انه لما سأله جورج عن سبب عزوبيته وهو بالخمسينات من العمر .. قال ان اللي يعيش بالمغرب ما يواجه مشكله عدم الزواج .. في قذف صريح لكل نساء المغرب ..