عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اولا انا ماتوقعت ان في يوم بدخل واكتب قصتي
دايم ادخل واقرء قصص البنات اللي مثلي واقول انا غير لان ولان ولان,,
بس سبحاانه مغير الاحوااال
ثانيا قصتي مثل اغلب البنات اللي راحو وراء عواطفهم واحلامهم الوهميه
انا في عام 2009 دخلت عالم النت عالم الاوهااااام العالم اللي ياخذك من عالم الواقع
وطبعا بديت اسجل في المنتديات علشان ابحث عن حلقات لمسلاسات ,,,,,
في هالسنه تعلق في منتدى وصارت مداومه فيه الين ماتعرفت الى صاحب المنتدى
هو اخذ ايميلي من ملفي وبدات العلاقه عاديه كعلاقه عضو واداري مع الاياام لاحظت نفسي اتعلق فيه
اذا غاب احاتيه وافكر بس ماكنت اقوله مشاعري كنت كاتمه احساسي مع اني كنت الاحظ اهتمامه فيني وتعلقه واذا غبت كان يعاتب ,,, مرت سنه وانا كاتمة الحب في قلبي
ودخلنا على السنه الثانيه على وجودي في المنتدى في يوم جاء وقالي ماقدر اصبر على الكتمان
وضغط علي الين ماقوله حقيقه مشاعري مع اني كنت متررده وافكر في اهلي والحرام بس للاسف طعت الشيطان واعترفت له بحبي ,,,,
مرت الايام وكانت علاقتنا بس على الماسنجر وبعدها صرنا نكلم في الجوال
الين مادخلت على السنه الثالثه كنت طايره في احلامي واوهامي وووعوده
وبعدها هو صارت اهتمامته واشغاله كثيره كان ييغيب في الشهور عودني على غيابه وانا تعودت ..
في شهر سبعه من هالسنه يعني قبل شهرين اتصل فيني وكان طاير من الفرحه انه قدر يدير شغل واعمال في منطقتي علشان يقدر يتقرب من شغل ابوي ويقدر يخطبني وانا فرحت وكل يوم ادعي ربي ان يسرها لنا ويجمعنا مع بعض,,,
جاء رمضان وانا حسيت الرجال يتهرب مني ماهو في حاله ,,,
الين ماسالته قلت له وش فيك ايش جرالك سالته تبيني ولالا وجاوبني بصراحه
جاوبني جواب كان بيقضي علي بس الله ثبتني
قالي الصراحه نكون اخوان احسن
قلت ليه
قالي الظروف مطينه العقبات كثيره
وراح اذكر لكم السبب اللي خلانا نفترق
وهو هنا في السعوديه نظاام ان الرجال السعودي اذا بغى يتزوج من غير سعوديه وهو يشتغل في وزاره الدخليه
لازم يختاااار بين البنت ولا الشغل في الداخليه
وهو طبعا قالي اذا طلعت من شغلي راح اظلمك معاي واظلم نفسي
مع اني والله ابيك بس القانون واقف في طريقنا
قلت له يعني انت اخترت العالم وخليتني بوقت كنت مستعده اترك العالم واختارك
طبعا ااهم ماعلي كرامتي في الاخير تحسبت عليه ودعيت ان الله لايذوقه الهنا واني ماراح اسامحه ولا احلله دنيا واخره وسكرت منه
وانا افكر واقول مادري هو ظلمني ولا القانون والنظام ظلمنا
بس هو لو كان يحبني من جد ويبيني كان اختارني وكنا بدينا حياتنا مع بعض من الصفر
والله يابنات اكتب لكم وانا مقهوره لاني اولا عصيت ربي وحملت نفسي ذنوب وثانيا لاني ضيعت من عمري ثلاث سنوات واضيع فرص كثيره من يدي بسببه
بس الحمدالله قريبه من الله وسبحانه منزل على قلبي سكينه واطمئنان
لاني عرفت ان الله حق
وان هذا من ظلمات نفسي والله عاقبني فيه لاني عصيته وظلمت نفسي في هالمعصيه وهالذنب
واذا كان لي نصيب معه راح اخذه رغم عن البشر والدنيا بس الله مو كاتبه لي
مع انه كانت نواينا نبغى بعض بالحلال وفي النور بس سبحانه الله يختار لنا الخيره
ان احمدربي واشكره على المصيبه هذي لان علمني درس وخلاني اتقرب من الله اكثر واكثر
ان شاءالله بيعوضني خير
راح تقولو ان قصتي معروفه نهايتها وان هذي اغلب نهايه القصص اللي تبني العلاقه مثل هالطريقه
انا مادري ليش كتبت بس كتبت لعلى وعسى افيد وححده في مكاني
اقول لكل بنت تحمل مشاعر او احاسيس لااي شخص كان ان تخفيه اكتميه لاتبيني له ممهما كانت الظروف ..
اقول لكل بنت مو كل مايتمنى المرء يدركه
اقول لكل بنت مافي تضحيه باسم الحب
واليوم وانا اقرء قصص البنات في قصه البنت مع خالها هزت كياني
حمدت ربي وشفت ان همي انا جبته لنفسي
واللي يشوف مصيبة غيره نهون عليه مصيبته
في الاخير دعوواتي لكل ظالم ان الله حسييه
حسبي الله ونعم الوكيل على كل ظالم
حسبي الله ونعم الوكيل على كل ظالم
حسبي الله ونعم الوكيل على كل ظالم
دعواتكم لي ولكل مظلوم ومظلومه ان يعوضنا خير ويعوضنا احسن من اللي فقدناه
استغفرالله الذي لااله الاهو الحي القيوم واتوب اليه
