عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ان شاء الله تكونوا باحسن الاحوال 
الصراحة انا مقهورة كتييير وحبيت افضفضلكم واخد ارائكم
انا تزوجت من 6 شهور تقريبا وزوجي ابدا مش مريحني دايما متدايق من فكرة الزواج والارتباط والمسوؤلية وانها هم وعبء كبييير وحتى لما اكون معاه عند بيت اهله يشكي عن الزواج وعن المسؤولية واحس امه تسانده كتيييير وتقله صح معك حق مع اني بشوف انها لازم تعمل العكس وترفع من معنوياته 
اهله لزوجي ساكنين بمحافظة بعيدة عنا واحنا بالغالب بنروح عندهم كل اسبوع او كل اسبوعين حسب التيسير وانا دايما بشجعه وبقله خلينا نروح عند اهلك صارلنا زمان ما رحنا وخصوصا ان الطريق لهناك تاخد ساعة ونص تقريبا بالسيارة
المشكلة انه اكتر من مرة زوجي طلب مني انه يروح ينام عندهم لوحده وانا كنت دايما ارفض واروح معاه
وكان يقلي انه حابب يعيد ايام زمان ايام العزوبية وانا دايما ارفض وابكي
بس جديد بعد كتر المشاكل والبعد الي بينا قلت خلص خليه يروح لحاله بركي بغير جو وانا بروح عند اهلي بالعطلة برضو برتاح شوي من ضغط حياتنا
وعرضت عليه يروح لوحده وطبعا وافق وما صدق وانبسط كتيييير
بالاول عرضت عليه نروح مع بعض قلي لا ما بدي اروح عندي مشاغل
بعدين لما قلتله ولا حتى كمان حابب تروح لحالك؟؟؟ قلي لا لحالي بروح
وهون كانت المشكلة انه معي مابده يروح بس لحاله بده يروح
ولما حكتله هيك بقلي الصراحة اهلي وامي بدهم يااني اجي لحالي
انا كلمته كانت علي متل الصاعقة انه هم مابدهم اياني اجي كمان
كتييير زعلتني وتعبتني 😥
علما انه علاقتي معهم جيدة جدا ومافي مشاكل ومابحس اني بديق عليهم ابدا بالعكس بساعدهم وبتكون اوقات حلوة
مش عارفة كتيييييير اتدايقت حسيت انهم بنافقوني يعني بعاملوني منيج وببينولي انهم بحبوني بس بوجهي
وامه بتقله تعال عنا لحالك ؟؟؟؟
ياترى لو كنتوا محلي شو بكون شعوركم؟؟؟ 
او لو كنتي ام بترضي انه ابنك يسيب مرته وييجي ينام عندك لحاله؟؟؟؟
ياريت تعطوني ارائكم وتخففوا عني
