نَصْ الغَلآ || أحَمدْ الصَآنعْ ..~

تَعَبت أشيـل الهَم عنّك وأداريك
________وإنتَ همومي ثقلَهَا .. ما يهمّك !

لا ياحبيبي ، هالزمن لا يخليك
________ تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
________ مهما إستِطَعت الظُلم خلْني أضمّك !

ماهي غريبه من يذمِّك يماشيك
________لكن غريبه يمدحِك من يذمّك !!

ما كل واحد غاب معناه ناسيك
________بعض البشر ينساك لو كان يمّك !

أدري تعِزْني .. اللـه يعِزْ : غاليك
________وإن كان لي عندك معزَّه بـ أشمّك !

في خاطري كم كلمةٍ عن تجافيك
________ ولا شفت دمعاتي إنزَلَت حط كمّك !

إسمك حبيبي ويا كثِرها أساميك
________وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
________ أحرق لك أعصابي .. وما حَس دمّك !

همِّك , جنونك , ضحكتك , كل ما فيك
________ صوتك , سكوتك , وأرجَع أقول : ( هـ مّ كْ ) !

[ لبيــه ] منِّك ، غيييير .. لمَّا أناديك
________ كنْ | الكلام العَذب | … مرساه فمّك !