عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا
السلام عليكم ورحمة الله وبركاته
كيفكم بنات شخباركم؟ ان شا الله طيبين
احم احم
ادري طبعا الوحده فيكم ماادخلت هنا الا وهي تبي حل لمشكلتها
الا وهي زيادة الوزن
وطبعا الريجيماااات وانواع الريجيمات والحبوب والعلاجات مليانه الدنيا
والوحده فينا من تسمع عن ريجيم أو نظام غذائي صحي الا وراحت تسويه وتتبعه علشان بس تنحف
لكن شبح الإحباط والتكاسل والشعور بالملل يسيطر على الوحده فينا وهذا الي يخلينا
نتراااجع عن تكملة الريجيم الي بدينا فيه أو النظام الغذائي الصحي.. ونعود الى نقطة الصفررر الا وهي نقطة
الضعف
لكن .. لحظه
احنا في أمس الحاجه قبل لا نبتدي أي نوع من انواع الريجيم أو أي نظام غذائي صحي
الى عدة تعليمات وتوجيهات علشان نقدررر نكمل اي ريجيم نبتديه أو نظام غذائي صحي
وصدقوني صدقوني هذا فعلا الشي الي ينقصنا ..
طيب
ياترا شنو هذي التلعيمات والتوجيهات ؟؟؟
الان نوافيكم ببقية الكلام
أولا : لحظة صراحه مع النفس .. وهي لحظه مهمه جدا ولها تأثير كبير
يعني الوحده تقعد مع نفسها وتبتدي تعد الاثار السلبيه الي ترتبت على زيادة وزنها
وياكثرها من اثارر وياليت تكتبها احسن .. وبعد ما تعد الاثار
تبتدي تقعد جلسة عتاب مع النفس وكيف ان النفس صارت تشتهي كل ما تشوفها عينها وتاكله
وكيف نفسها ما راعت ابدا جسمها المسكين الي صار ماكينه لتخزين الفائض من الأكل ومكان لاكتناز الشحوم الي اغلبها ما منها فايده
وكيف سمحت لنفسها بالتهوور في الأكل
وكيف جسمها الرشيق تشوهه
شفتوا كيف ان النفس وماتشتهي لها دوووووور كبيررررررر في زيادة الوزن فعلشان كذا نحتاج للحظة صراحه مع نفسناااا
وبكذا يكون خلصنا من لحظة الصراحه مع النفس وارجوا انكم فهمتوا علي بالظبط وش اقصد .. وبصراحة لحظة الصراحه هذي
انا جربتها بنفسي وعاتبت نفسي كثيرررررررر لأني اهملت جسمي وواهتميت بنفسي (شهيتي)وماتشتهي من الأكل وخصوصا الممنوعات
واللحظة هذي كان لها دووووور فعاااااااااال في نزول وزني ^_^
………………………………………….. ………..
ثانيا : الوحده لازم تتهيأ جسديا قبل لا تفكر تسوي أي ريجيم
يعني بمعنى أصح تستعد للتغيير الي راح يطرأ عليها وعلى معدتها من ناحية الأكل والطريقه في الأكل
طيب بتقولون كيف تتهيأ؟؟؟ انا اقول لكم كيف
– يعني تبتدي تحذف الممنوعات من وجباتها الغذائيه الثلاث وتكتفي بالمسموح فقط
طيب بتقولون وش هي الممنوعااات
انا اقول لكم وش هي الممنوعات
الممنوعات : هي مواد ينقال انها غذائيه ولكن تميل الى الإضرار بالجسم اكثر من تقديم النفع له
زي مثلا : الوجبات السريعه + المشروبات الغازيه + الحلويات بجميع انواعها
انتهينا من تعريف الممنوعات وضربنا امثله عليها
والحين يااخواتي العزيزات .. انا اعرف وواثقه ان كل وحده فينا لها جانب كبير يحب جزء من هذي الممنوعات
وانا والصراحه اعترف اني مغرمه جدا جدا جدا بالوجبات السريعه والمشروبات الغازيه والحلويات وتحديدا الشوكلاته
لكن لازم نضع حد لهذا الحب حتى ما نقع في المكروه الا وهو السمنه
وعلشان كذا لازم نقدم شوية تنازلات لا مو شوي الا جميع التنازلات حتى نحصل على جسم مثالي
فا أختاروا وقررواا .. يا جسم مثالي .. يا ممنوعات
ولازم كل وحده فيكم تتخذ قرارها الحين
ها شقلتوا؟
اوكي خلاص قررتوا !! اذا مترددين اتركوا الموضوع الى هنا ولا تكملوا وارجعوا بعدين
طيب
الي اختارت الجسم مثالي يا هلا والله فيها معانا ولها انها تكمل الموضوع
اما الي اختارت الممنوعات فلها تتفضل ومن غير مطرود
الحين يالله نكمل يا أخوات
وصلنا عند تعريف الممنوعات وضربنا امثله
والحين ايش راح نسوي ؟
قلت لكم فوق ايش راح نسوي
راح نحذف الممنوعات من الوجبات الغذائيه الثلاث لمدة اسبوع
انا قلت الممنوعاااااااااااااااااااااااااااااااات يعني بتاكلون طبيعي من غير ممنوع يعني لسه مابدينا ريجيم أو نظام غذائي بس تحميه
وبكذا يكووون تهيأنا جسديا
………………………………………….. ……….
ثالثا : اختيار نوع الريجيم أو النظام الغذائي واتخاذ القرار النهائي في تنفيذه أو عدم تنفيذه
بتقولون شلوووون؟
انا راح اقول لكم شلون
طبعا الوحده لا جات تسوي ريجيم أو تتبع تظام غذائي لازم تختار وش هو وهل يناسبهااااا
وكم تبي تنززززل وهل فعلا هذا الريجيم سليم ميه بالميه وراح ينزل وزنها بالمظبوط زي ما هو مكتوب فيه والا لأ
لأن في بعض الريجيم يكون عليه دعايه .. زي مثلا ..(ريجيم ينقص عشره كيلو خلال اربع ايام)
والوحده فينا تصدق وتروح تجربه ولمن مرت اربع ايام ومانقصت الا كيلوين .. تفقد الامل وتترك الريجيم وفكرة انها تنحف
وتطنش .. وهذا كثيررررر يسيرررر
وترا مو شرط يكون الريجيم مو أوكي والا ان يكون عليه دعايه .. فمثلا ممكن الي اخترعت الريجيم الي ينقص عشره كيلو خلال
اربع ايام .. ممكن ناسبها هي .. ومايناسب غيرها .. فعلى حسب طبيعة الجسم في عملية الحرق الوزن ينزل ..
وبعد هذي الهذره كلها .. نأتي الى الخلاصه . . الا وهي
اختاري ريجيم يكون فيه الاكل متنوع ويشمل تقريبا الاربع مجموعات الغذائيه .. يعني مو تختارين ريجيم التمر واللبن وتقعدين تسوينه شهر
والا تختارين ريجيم الفواكه والا ريجيم يعتمد على مجموعة غذائيه وحده
لا هذا خطأ .. كبير جدا .. فجسمك يحتاج الى المجموعات الغذاية الاربعة ..
المهم بعد ما قررتي نوع الريجيم .. قرري هل راح تنفذينه والا لأ
———————————————————————————————-
رابعا : مكافــــــــــئه نهاية الأسبوع
كلنا نحب الهدايا والمكافائت وخصوصا لو كانت فلووس والا شي ينأكل صح؟؟
المهم .. بعد مرور ستة ايام على الريجيم الي تبعتيه .. تحتاجين الى مكافئة نفسك
سواء نزل وزنك والا ما نزل .. لازم تكافئين نفسك على صبرها وتحملها
وليس تكافئين نفسك على نقص الوزن
اوكي اكيد بتقولون وش هي المكافائه.؟…
طيب خمنوا…..!!
ها خمنتوا؟؟؟؟؟؟
اكيد قلتوا المكافئه يوم مفتووووووح ناكل فيه الي نبي ونسرح ونمرح على كيف كيفناااا
خطــــــــــــــــــــــــأ
المكافئه هي ابسط من كذا .. عاد لاتصيرون طمعات وجشعات
طيب طيب لاتعصبووون ابقول لكم وش هي المكافئه البسيطه
الا وهي .. ( الممنوعات) راح يكونون من ضمن أكلكم
ولكن مو كذا سبهلله .. وهات ممنوعات وبس .. لا لا
شوفوا .. انا بقول لكم الحين
واحد من الوجبات راح يكون ممنوع (يعني مثلا وجبه سريعه
على الغدا أو على العشا أو فطور دسم ) + حلويات(مو تحطون حيلكم وتهفون كل شي ) +مشروب غازي
بس هاااااااه انتبهوا
انا قلت وجبه وحده يعني باقي الوجبات تكوووون وجبة ريجيم
يعني حاولواااا انكم ما تكثرون مشروب غازي والا تكثرون حلويات (خذوا بس قطعة كيكه أو كاكو )
راح اضرب لكم مثال يوضح الصوره اكثر
الفطووور: مثلا توسته بر محمصه مع جبن سلايز قليل الدسم وكاس حليب قليل الدسم
الغدا: ساندويتش برجر مع بيبسي وبطاطس
العصر : أيسكريم كورتين
العشاء : سلطه خضرا
هذا مثااااال بسيط وانتوا قيسوا عليه الاشياء الي تبونها
وبكذا يكوون خلصنا
———————————————————————————————
خامسا : الصبر ثم الصبر ثم الصبر ثم الصبر ثم الصبر
والمفروووووض اوصيكم بالصبرر من اول نقطه
لكن انا خليتها اخر شي عمدا .. عشان تتشجعون اول وبعدين نجي لقضية الصبر
بنات دائما وابدا ومؤكدا ان الصبر مفتاح الفرج
طيب ماهو الفرج حاليا؟ …….. جسم يعجبني
اذن نستبدل كلمة الفرج ونضع بدلا عنها جملة جسم يعجبني
الصبر مفتاح لجسم يعجبني
اصبري تنالي
انا صبرررررت والحمدلله نلت
نزلت 9 كيلو خلال ثلاث شهووووووور
يعني نزلتهم بالراااااااحه عمدا حتى مااارجع اسمن
والصراااااحه انا اختبرت جسمييييي واكلت وسرحت ومرررررحت على كيفي لمدة اسبوووووع
ومازاد وزني اولا حتى نص كيلو طبعا هذا الاسبوع كان مكافئه لنفسي الشجاعه الي
تجلدت بالصبرررررر لمدة ثلاث شهور بالظبط
بناات اصبرووووووا اصبرووووا اصبروا وتحملوواا
حلاة الاكل تروح في لحظه لكن حلاة الجسم عمرها ماراحت
واخيراااا احب اقول لكم حركه تسوونها عشان ماتنسووووون كل الكلااام هذااااا
وهي :
انكم تعلقووون عبارات تحفيزيه لتحقيق اهدافكم في غرفكم أو تصممونها على الفوتوشب او باي برنامج وتحطونها خلفيه لسطح المكتب
او دفاتركم وكتبتكم الي دايم تقرونها او في الجوال يعني الزبده تحطونها في مكان انتوا تترددون عليه او في استخدامه
ترا والله صدقوني تساااااعد كثير هذي الاشياء طيب بتقولون زي ايش عبارات
انا اقول لكم زي ايش
1- اصبري تنالي 2- ياحلاة الجسم وانتي رشيقه 3- هااانت كلها كم شهر وترجعين رشيقه
4- انتبهي لاتاكلين قطعة شوكولا 5- انا بعد كم شهر بيرجع جسمي مثل ماكان 6- انا اسوي ريجيم
7- لا للممنوعاااااااااااااااات
وهكذااااااا صدقيني ماراح تنسين ان انتي قاعده تسوين ريجيم وان انتي تبين تضعفين
احنا دايم بعد فتررررررره ننسى وش اهدافنا فالعبارات التحفيزيه تذكرنا وبنفس الوقت تحفزناااا على اتمام العمل
بنااااااااااااااات طبقووووا الكلام الي قلته بالحرف الوااااااااحد
وابشرووووووا بنتيجه تسركم بإذن الله
انا ماكتبت الكلام هذا كله الا عن تجررررررررربه
انا من ثلاث شهووووور واسبوع كان وزني 59
والحيييييين 50
وطووولي 156
يعني اتوووووقع انكم بتتأكدون اني انسانه نحيفه
وهذا كله بفضل الله ثم بفضل الخطوات الي مشيت عليهاااااا
اتمنى بنات اني قدرت افيدكم
واتمنى من المولى ان يحقق لكم كل امانيكم
دعوااااااتكم خواتي
انا في امس الحاجه لدعائكم
فقط
مجرد دعااااء صغير منكم
ياليت القاه مع ردودكم وهو
(يارب انك توفق هام السحاب .. يارب ان كان فيه خير الي متقدم لها ارزقها اياه وان كان فيه شر اصرفه عنها)
يالله ياكرررررررريم انه يحقق امانيكم الي فيها خير لكم بالدنيا والاخره
