هام ارجو المساعده

السلام عليكم ورحمة الله وبركاته
بالبدايه بتمنوا انكم ما تزفوا الموضوع ولا تنقلوه لأنه هادا القسم الوحيد الي بشوفه وشفت عند عضواته حكمه مش طبيعيه بتقدر انها تحللي مشكلتي …
انا بنت من فلسطين متااااااااااااابعه معكم كل كل المواضيع الي نزلت والحمد لله استفدت كتير كتييييييييييييييير منها علما باني غير متزوجه ولا حتى خاطبه لكني احب شب والله احبه كتير انا هون مش عشان تحكولي ازا هادا حلال أو حرام لأنه شب صادق مليار بال100 وانا اعرف هادا الشي كويس ما علينا من هادا الأمر المهم ولأول مره احكيها لأني بصراحه مابعرف لمين احكي حابه اطلب منكم المساعده ……
من فتره صارت معنا مشاكل مع وحده قريبه النا ودعت علينا وحكت لماما الله ينتقم منك ومن بناتك والله كل صلاة فجر بدعي لبناتي وبدعي على بناتك 😉 وحكت انه ان شا الله بناتك ما بتزوجوا وتخلليهم عندك 😡
المهم من يومها سبحان الله كل عريس يجي اختي بس يقعد معها ما يرجع حتى ما يحكيلنا انها مش عاجبته ولا شي بس يجي ويروح عطول من دون اي رجعه … علما بانها اختي انسانه محترمه جدا جدا بتشتغل معلمه الحمد لله حلوه لكنها سمره والسمار عنا عادي مطلوب مش انه سمره معناها عيبه لا طبعا … اللي مجنني شغلة انه اللي تمشكلنا معها بتكون جااااااااااارتنا وبنت عمي وتدعي علينا هيك واللي مخوفني انا واهلي موضوع انها تزوجت من كان عمرها 14 سنه وعاشت مع حماتها الله يرحمها كانت معروفه بشغل الحجابات والسحر والأمور هادي … يعني من عاشر القوم اربعين يوما صار منهم كيف متلها الي عاشت معها لا يقل عن 25 سنه تربت على أديها ؟؟؟
انا خااااااااااااااااااااايفه انه فعلا تكون عاملتلنا شي لأنه بحياتنا ما كانت عنا مشاكل
بابا وماما طول عمرهم متل العرسان سبحان الله بعد زواج 30 سنه خلال شهر واحد طلقها مرتين ….
بالمناسبه بدي اطلب منكم تعريف معنى الطلاق لأنه بابا طلق ماما مرتين يعني طلقها وما طلعت من البيت وما لمسها ولا شي ومش طايق يشوف وجهها وبعدها صارت علاقه رسسسسسسميه جدا جدا تحضرله الأكل وتروح تنام وعلى هالموال لوقعت المشكله الأكبر طلقها مره تانيه وبردو ما طلعت من البيت ولا شي ( المده بين كل طلاق وتاني حوالي اسبوع ) بعد ما طلقها المره التانيه قعدت فالبيت يومين او تلاته وراحت عند أهلها تغير جو مش زعل لا والله بس تغيير جو قعدت حوالي 4 ايام خلالهم صارت مشاكل وتعب نفسي علينا جميعا لأنه ماما حكت روحوا ما بدي ولاد ما بدي حدا فالدنيا وخلص بدي اعيش لوحدي احسن ولما حكتلها ماما ما بدك ترجعي .؟ حكتلي انا مش امك من هلأ وطالع خلاص روحوا واتركوني ولا تتصلوا هون مره تانيه وسكرت الخط 😆
لأول مره احكي لحدا هيك موضوع بتمنى تساعدوني في موضوع معنى الطلاق وهل فعلا هيك ماما تعتبر مطلقه مرتين ولو طلقها كمان مره لا قدر الله وقتها بتصير محررررررررررررمه عليه ؟؟؟؟؟؟؟؟
وتاني شي بدي شي يفك السحر لأنه موضوع نروح الشيخ احنا مش ماااااامنين في الموضوع احنا كنا بدنا نروح لشيخ لكن بعد التفكير لقينا انه الشيخ ممكن يكون بتعامل مع جن كافر مش جن مؤمن والله أعلم وبالتالي مضطر انه يرضى هادا الجن وطبعا انتو عافين كيف هادا الجن منقدر نرضيه ➡
لهيك فكرت انه نفك السحر بالقراااااااان وبس والله العظيم خايفه بعد حب3 او 4 سنوات يجي هادا الشب لخطبتي وما يرجع بسبب السحر لأنه بعرف انه السحر يخلي الشب يشوف البنت سووووووووووده متل الفحمه ويتقرف من شكلها … ساعدوني افك السحر بالقران مش بالشيخ لأنه انا حابه استعين برب العالمين أحسن من ما استعين بعبد من عباده او بجن الله اعلم ازا مؤمن أو كافر …