عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
إنجازي اللي راح اعرضه تعتبر عن حكاية بيني وبين رفيق دربي
سأبدأها بمثل الحكاية لتروق لكم أفضل وبشكل سلس ان شاءالله
كنت في جامعتي لاأفكر في غيرهاااا أبدااا
كان أكبر همي كتبي ودفاتري وأقلامي بالخصوص =قلم الرصاص خخخ
كنت اتفنن في شراء احلى الاشكال وافضل الخطوط واجمل الاشكال الرسميه
في يوم اتصلت أختي بأمي لتخبرها عن خطيب جاء لي بحصانه الابيض ليخطبني ؟؟
كنت حينها بالقرب من أمي وسمعت كل شي وبنفس الوقت كنت بالقرب من كتابي الذي جعلني أرفض الكثير من اجله ؟؟!!
قلت في نفسي (يووه ..ارجعواااا ……..خخخخخ)
اغلقت امي سماعة الهاتف…وجعلت تنظر الي … ➡
حينها قالت ..انا عارفه ردك قبل ماسألك …لكن ماراح أرد عليهم الا بعد كم يوم ..لاني تعبت منك ..بس لو ابوك يدري عن اللي جايين لك ماتوقع بيخليك هالمره على كيفك…
أنا الى الان ماقلت ولا كلمة لامي ..من سكرت سماعتها…. 😐
وبصراحه استغربت ..ووووووووووووين المغريات والاغراءات اللي كانت تقولها لي مع كل عريس مرفوض …كأنها تراشيني بعروسه لطفلتها اذا هدأت خخخخ
بجد كانت امي تقول وافقي على هذا لايتفوت ولا….ولا…..وراح يعطيك ابوك كثر مهرك مرتين
وراح نسوي لك حفله وراح وراح …
طبعا كل هذا الكلام قام يجوب في مخيلتي وأنا سرحااااانه..؟؟
أثاري اشوف (شفايف) امي تتحرك…؟؟؟يعني تتكلم وانا مش معاها..؟؟!! ➡
رجعت مخي للوعي من جديد وسمعت اخر جمله ..
(هذا انتي سمعتي اذا ماعجبك العريس اختك اللياصغر منك بنزوجها وانتي براحتك ))؟؟!! 😐
هذا التهديد الاخير اللي سمعته ومادري اذا كانت فيه تهديدات ثانيه وماسمعتها ..؟؟الله أعلم..
طبعا عندي اختي تصغرني بسنه وكم شهر …وخطابها أكثرر مني ماشاءالله تبارك الرحمن بس اهلي يرفضون بحكم ان ممنوع تزويج الصغيرة قبل الكبيرة وهذا حكم قراقوش =اووووووبس اقصد حكم أبو ي وأمي
طبعا اختي الصغيرة ودها بعض الاحيان (تزنطني )خخخ
طيب وش اسوي دراستي مش سهله=لغة انجليزية وصبرتوا علي كل سنوات دراستي باالمدرسة وانا كنت ارفض وساكتين ولما جيت ع الجمعه كشرتوا أنيابكم وحكمتوا علي بالعرس الغصب؟؟!!
أأمي :لانك كنتي بالمدرسة يعني صغيره؟؟!!مو الحين
أنا :كيف الحين عانس مثلا؟؟ 😆 🙄 اشلون لو تروحون مصر لصارت اعمارهم ال35 فكروا لحظتها يتزوجون ويتأسسون
اناالحين بس ابي اخلص جامعني العزيزو بسسسسسسس
وبعدين ورب البيت يايمه ماعندي مااانع زوجوا اختي قبلي مافيها شي ابداااااااا
أمي:وحكم ابوووك انااقتنعت من كثر حنتك بس ابوك مش راضي
دارت (الساعات) وشرف الغالي ابووووي
وعلمته امي السالفه من (طقطق) للسلام عليكم..
ابوي(ماشاءالله على ابوي مايغصب أحد) ولو يغصب كان تزوجت من قبل زواجي هذا بكثيررررررر
المهم ..وخذي محاظرة ..يابوك …يابوك…يابوك…
وانا يابنتك …يابنتك…يابنتك….خخخخخخخ = امزززح 😛
بجد قالي كلام دخل في الصميم بصراحه ماعرف اقوله مثله ماشاءالله حكيمم جداااااا ويقتع =خططططيرررررر
وهذه هي المرة الاولى اللي يعطيني محاظرة في الحيااااااه والى يومي هذا استمع لها في مخي الجزء العلوي منه جهة اليسار قسم(اللاوعي))خخخخ 😉
بجد بس مدري ليش ماعندي اسلوبه وحكمته ماشااءلله عليه =يارب يشفيه ويعافيه ويريح باله =دعواتكم له…
وبنفس الوقت جت اختي الكبيرة وعلمتها امي بالسالفه..
أمي ذاك اليوم انتقمت اشر انتقااام وطلعت الاولي والتالي خخخخ =اهم شي تنتقم لان في قرارة نفسها اني راح ارفض كالعادة..
اختي اللي علمت امي بالناس اللي كلموها غير اختي اللي جت
المهم اختي اللي علمت امي تقول لامي ردوا عليهم بالرفض =سببها كان انهم ناس على قد حالهم
المهم امي قالت لاختي كل سالفتي وكمان اللي قالت لها اختي الثانيه
اختي الكبيرة :شفتها شمررت انيابهااا وطبت علي . 😡 ➡ .مشغتني… 😡 ××خخخخخ×××= امزح وربي
بجد طبت علي بالكلام وقالت لي ماعليك من اختي ذي=تقصد اللي قالت لامي ارفضوهم
هم ناس طيبة ..امهم طيبه ..ابوهم طيب
واهلهم كلهم ناس طيبه وكرام واخلاق
ومدري ايش بس انهم على قد حالهم
للمعلومية (اهلي ناااس ميسووورة جدا ولله الحمد والمنه))
وانا قبل ماتتكلم اختي عندي قناعه (اهم شي الاخلاق والاحترام والطيبه)بالخصوص ان عندي اختي مبتلشه بزوج اللهم ياكافي ودعواتكم لها ويلعب بالفلوس لعب بس اختي عايشه معه في جحيم ربي يهديه ياررب وصارت لي درس صحيح كبيرر …اهم شي الاخلااااااااااااااااااااااااااااق والدين))
تكلمت اختي الكبير مع امي وماله داعي الرفض ولاشي وهلم جراا في حشي مخ الماما…
طبعا كل هالسالفه وانا ماعطيتهم كلمة ابداااا بالقبول..؟؟=نااس عجيبه خخخ
مابي اطول في سالفة قصتي واطلع عن المغزى الرئيسي وهو =ماهو انجازي
باختصار لنهاية قصتي اللي فوق
ام زوجي الله يرحمها شفتها بمنام قبل مايتقدمون لي ولما فسرته قالوا لي هذا نصيبك وبترتتاحين باذن الله تعالى ..؟؟؟!!
وصحيح بنهاية المطاف وافقت ..اشلون وكيف ..
باختصار بعد ماطلعت عيونهم ومارديت عليهم الا بعد شهرررين اني وافقت وخاصة انهم ترددوا علي اكثر من مرة
اهم شي لايحقد علي زوجي الحين خخخ 😐
من مغزى القصة اني رفضت بالبداية لان زوجي (كان ) مدخن؟؟؟؟!!!!
وكانت احدى شروطي في الزوج خخخخ=انعكست الايه …قاموا الحريم يتشرطون خخخ 😛
المهم انه غير مدخن
قلت لاخته انا مابقى رجال مدخن
قالت لي هو مايدخن ومايعتبر من المدخنين اصلا لانه يدخن في الاسبوع تقريبا وحده او ثنتين بس
طبعا صدقتها لان كل اهلي مافيهم مدخنين والحمد لله والله يتمم عليهم يارررب كذا ؟؟؟
قلت في نفسي اذا على التدخين مرة في الاسبوع او مرتين اقدر اساعده ويقطعها..ان شاءالله
وتمت الخطبةوالفرحه والزغاررررررررررريط 😛
دخلت في كذبة(ابريل)خخخخ 😈 اللي لولا هالكذبة لما ارتبطت بزوجي حاليااا
لان كانت عندي قناعه الرجل المدخن غير مقبوووول وغير موافق عليه نهائيا
واصلا لو كنت اعرف كان حطيتها حجة لي وانهيت الموضوع … 😎
بعد يوم من الملكة شرف الاخ وصرت اشم فيه ريحه مخلوطة بعود وعطورات روعه بس فيه شي غير مقبول في الروائح 😈
قلت في نفسي هذا مجلسنا =لان تجي لابوي اوقات رجال بالمجلس شي طبيعي فيمكن البارح اللي كانوا في المجلس للتباريك ومنها ماراحت ؟؟
جلست اسب في الشغاله انها مانظفته عدل ولاهوت المكاان.. 😆 🙂
بعدها كذا باسبوع الى 10 ايااااااااااااااام الا اكتشف الحقيقه ….كيف..؟؟
هو بنفسه قال لي::اشلون قال لك؟؟
قالي لاني قلت له ان اخواتك يقولون انك تدخن في الاسبوع 2 سيجارة فياليت تبطل هالعادة المؤذية لصحتك قبل اي احد واي سلبيات ثانيه ؟؟
قالي انا مادخن في الاسبوع 2
انا فرحت قلت بيقول بس وحده خخخ
😳
قالي انا ادخن اوقات كثيرة في اليوم الواحد (باكيت كامل)؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
كيف واشلون ::باكيت كامل حق يوم واحد 😆 idea:
قالي اي ؟؟؟
طيب وكلام اخواتك ؟؟
قالي كذبوا عليك وهما يعرفون اني ادخن كثيرر =حتى ه ماكان يدري اني مادري؟؟
طيب ليه يكذبون =هو صحيح امتعض من اخواته انهم كذبوا علي وكلمهم وعصب عليهم قدامي وقال لهم هذا حرااام
ومايصير تكذبون عالبنت وخذ كلاااام ومشادات بينهم
طبعا انا سامحتهم لانه صار زوجي خلاااص خخخ
هما يقولون شفناك متعلق فيها كثير اظطرينا نكذب وبعدين تحلونها جميع لان التدخين مو شي يرفض عشانه=وجهة نظرهم
بنفس الوقت زوجي كان فرررررررررحااااااان انهم كذبوا لما عرف مصير القرار مني لو كنت اعرف انه مدخن مدمن.؟؟؟؟؟!!!
😡
بدا هنا انجاززززي 😐
كيف اعيش مع رجال كانت اهم شروطي فيه انه غير مدخن..
على شروطي الثانيه انه جميل خخخ 😐
انه وسيم ههه
انه يركبني حصان خخخ
يوديني السسسسسسسسسوووووووق وقت مابي 😆 🙄
يوديني مكتبه خخخخخخ
واهم حاجة اني اركب سيارة قدام جنب السواق ويكون ملكي هالمكان خخخخخخخخخ 😆 hy:
نرجع للجد …….احم…….
قلت يابنت اللي صار صار واحنا ماعندنا بنات ترجع لبيوت اهلهاااا خخخخخخ
قلت لابدأ انجازتي القوية والعنيدة حتى الوصول للي ابيه وبنفس الوقت يكون انقذت انسان بالعالم هذا كان في يوم من الايام يشرب السم البطئ لموته =بعيد الشر واسم الله عليه خخخخ
بدأت اول خططوة,,اتصلت بمكتب مكافحة التدخين,,,
من وين الرقم لي من طريق الجامعه اللي حفظته لو امشي فيه مغمضمة=جامعة الملك فيصل =حبيبتتتتتتتتتتتتتتتتي
اخذت الرقم مع الباص طيررررررران بس انا فزززيت فززززززة لين لقطت الرقم وكتبته وطبعا كنت مجهزززة القلم (الرصاص) احلى شكل عندي خخخخخ وحفظته وكتبته بسرعه
اتصلت عليهم وانا بالجامعه ماقدرت انتظر للبيت
وسالتهم اسئله عدة
منها
كيف ممكن اساعد زوجي لترك التدخين
ماهي اول خطو
ماهو علي اسويه ومااسوية
عطاني لسته مفيدة نوعا ما
بالرغم من (غضاضة رده بعض الاحيان ) بس اهم شي استفدت واسلوبه بكيفه..؟!!؟!
واخذت جدول من المركز (مع تصريف مني =يعني تعديلاااات تناسب لشخصية زوجي اكثر مما ذكر )
وبنفس الوقت =جامعتي حبيبتي كانت تحارب معاي من دون ماتدري خخخ
كانت تلك الفترة مسوية مشروع لمكافحة التدخين =شفتوا الصدف
هذا اللي يقولون توكلوا على الله وابتدوا اول خطوة وربي يكرمكم
ولاني ابي اسعد زوجي في شي مضررررررررر ربي ماقصر وسوت الجامعه مشروعها
طبعا جلست وسمعت المحاظرة للدكتورة الراقيه مديرة الجامعه وممن ساعدها تلك الايااام؟؟
من دكاترة واساتذه وطالبات جامعيات
كنت اكتب كل شي بالمحاظررررة حسيته بيفيدني ويفيد زوجي للاقلاع عن التدخين
مش الاقلاع على الطائرررررررررررة =نياهاهاهاها ===احم 😛
نرجع
وكمان منشوررررررات كثيررررررررة واخذت من كل نشره وحده تقريبا كانوا من 7 الى 10 منشورات
وهذه هي الخطوة الثانيه اللي ساعدتني مع الخطوة الاولى =مركز مكافحة التدخين
والخطوة الثاله واللي لاحصر لها طبعا =الانترنت
جمعت مقالات كثيررررره وصور اكثررررررررررر
وطبعتهم وحطيتهم في ملف مرتب ومخيف في نفس الوقت خخخخخخ=للتاثير يكون اقوووى خخخخخ =جنيه
يمممممممممممه =وربي خفت =اخااااف منهم برجع امسح الكلمة اذا مانسيت ..×××خخ
صارت الان عدتي جاهزة للهجوووم
ذاك اليوم ماخذت الخطوات وقطيتهم بوجهه وقلت له اقرا لا؟؟
في ايااام تجميعي للموضوع والخوض معه خوض صارم
كنت اكلمه عن التدخين ومضاره وسولفنا عنه مع بعض قرابة الاسبوع =تهيئة نفسية يعني
حمد الله والشكر =المخطوبين حالتهم حاله ورومنسية وحب وعشق وانا طايحه تدخين وسم وموت ؟؟خخخخ
المهم كان موافقني الراي تقريبا لين خليته بكلامي اللي لافاصل له اني راح اربح المعركة الكلامية لان مافيه اشكال عند اي اثنين بالدنيا ان التدخين ضار واكثر ناس تعرف مضاره (متاعاطيه) حشى مخدرااات خخخ
وان كنت بصراحه اصنفه المرتبه الاخيرة للمخدرات =اعاذنا الله وايكم واهلكم واهلي اجمعين من شره ياررررب
الااااااان
الرجال صارت عنده القناعه التاااامه بتررركه =وهذا ماكنت اصبوا اليه
ايه …..يقتنع بتركة قبل مالزمه شخصيااا
لان القناعه لها دوووور كبيرر في التغيير للتغيير وكمان الارادة
وهذان النقطتان ركزتهما في زوجي حتى تسهل علي المهمة الثانيه ..
بعدها باسبوع لما شفت الرجال وده مايشربها ويتركها
ذاك الوقت طلعت له الكتيبات والملفات والمحاظرات المكتوبة بدفتر ناااايس وخط لائق=تمدح خطهااا خخخ
لا صحيح ..
زوجي اخذ الملفات والنشرات وصار يشوف بالانترنت اشياء كثيرره طلعتها له وهو صار عنده اطلااع واعي وكبير
وشاف بلاووووووووووي ماكان يعرفهاااا وسلبياته الكبيرررررررررره
هو قالي ماشربها الا لما ماتت امه =الله يرحمهايارررب بجد كانت ةالنعم فيهاا لانهم كانوا جيرانا-يعني زوجي ولد الجيران) ههههه
وهي كانت صغيرة لما ماتت 42 سنه بس وتركت اطفال وهو كان في الثانوية ..يعني يقول شفت نفسي قمت اشربها ابى انسى حززززني على امي
لما فتح قلبه لي كسسسر خاااطرري بقيت اقوله
اشرب بدل الباكيت 3 باكتتات عشان ترتاح بس خخخخخخخخخ 😆 🙄
احم…
المهم ………
لما شفته عنده الرغبة العارمة والارادة المستحيله والهدف الكبيرررررررر
صفعت بوجهه الجدول .؟؟؟؟؟؟؟!!! الصفعه الحنونه طبعااا
ومادراكي مالجدول
كذا كان
شهر نص باكيت في الاسبوع
يعني بدل ماكان ياخذ باكيت كامل
قررناها نص باكيت
ومشينا شهر …طبعا صارت تجيه حالات صداع واحنا مابلشنااا باقل ؟؟
كان في العمل يجيني اخر الاسبوع يومين ويرجع
طبعا كنت خايفه يضعف من وراي وياخذ بس حطيت له شي حلوو
قلت له اذا مو موعدها وحبيتها كلمني عشان تتناسها لين يجي وقتها وتاخذهااا
طبعا اعترف لي اوقات انه صار ياخذها ومش موعدهاا
هنااظطريت (احلفه بالقران الكريم) انه يصبر ويتحمل عشان نوصل لنتيجه))
وبدأت معركته الجسدية ووالنفسية وانا معركتي النفسيه معه
كل ربع ساعه اكلمه ..ارسل له مسجااات …حلوه ونغنه وصرت اعوضهاا عن كلام السم خخخخ وارسل له كلام رومنسي وحلاوات هههههه
ومضينا على كذا لشهرين كامليين …
بعدهااا اتنقلت للشهر الثاني وماكنت افعله معه مستمر حتى هذه المرحله,,,من تشجيع وحلفان وهذرره خخخ
بس الشهرين الثانيين =المرحلة الثانيه صار بدل النص باكيت (ربع الباكيت)
وبدأت ماساته الحقيقه..
وشدت الصداع حتى اني خفت وقلت لايكون ااثر عالرجال ؟؟؟!! بس قلت ماراح يكون تأثير الصدااع والالام كثر سوء من الدخان نفسه ..فاكملت المشوووارر
وصلنا حينها المرحلة الثالثه وطلب مني اني ماقللهم لانه يحس انه ماتعود بالرغم من مرور 4 شهور على الجدول ..قالي خليها نفس العدد اعرف نفسي ماقدر اقل منهم بجد بجد
وقام يتوسل لي؟؟
قلت له اوكى بس مش شهرين زيادة شهر واحد بسسس
ووافق
وبعد هالشهر انتقلت للمرحلة الثالثه وحسيته صار احسسن اشوياات وتقبل جسمه اقووى واكبر
المرحلة الثالثه 4 حبات باليوم
الرابعه 3 حبات باليوم
بذذكر موقف بالمرحلة هذه صادف شهر رمضان الكريم
وهذا سااااااااااااعد كثيررررررررر عليه في التقليل منه وبالخصوص اني صرت (اقرفه حتى من شكلهااا)؟؟!!
وكيف الصائم يخرب علاقته بربه وصومه ويشرب هالسم ومدري ايش = ام الحكمه خخخخ
المرحلة الخامسة حبتين باليوم معلومه اخر مرحلتين كانت شهر واحد فقططط
المرحلة السادسه والاخيرة حبة وحده باليوم وايااام ماصار ياخذها
طبعا طوووووول فترررررررررره المراحل =كان يتبرع بالدم =اوبالاحرى يطلع دمه من جسمه لانه ماياخذون للتبرع دم مدخن وبالخصوص المدمن
اي كان يطلع دمه ليه ؟؟كل 4 شهور واذا حصل وقت اقل مايتبرع ؟؟!!كنت اذكره روح تبرع روح طلع دمك؟؟كان يطلع دم منه بكمية مناسبة عشان يتخلص من (مادة النيكوتين) ويساعد هالشي على قدرة الشخص اكثر للتخلص من التدخين اذا طلع دمه =راح يتجدد له دم جديد يكون اقل بكثيررررر سمومه بالتالي اسرع للشفاء =سبحان الله
طبعا هالنقطه ساعدتنا كثيرر في الاقلاع عنه
وللمعلومه المدمن يبقى يطلع لمدة لاتقل عن 5 سنوات حتى يتخلص تمامااااااااا من المادة السامه في جسمه
وهاهو الى الان متى ماسنحت الفرصه تبرع بالدم
لكن كثرت الشهور كثيرا تكاد تكون مرة او مرتين بالسنه فقط..؟؟=اقصد تبرع الدم
نرجع للشهر الاخير ..حبة وحده وهذا من اصعب الشهووور
ليه ؟؟لان متى واين هذا اليوم الذي ترفع راية الانتصار وتقرر فيها انك اقلعت فعلا ولاشربتها=حبة التدخين
بصراحه تبون متى؟؟خخخخخخخخ
طبعا تزوجنا وشهر العسسل ههههه قلت له اذا لي خاطر عندك لاتشرب خلاااص
طبعا كنت من قبل شهر اقوله خلاااص اليوم ..وهو يأجل يقول اخر رشفه؟؟..ّّّ
وكان ايام ماياخذ بس كان يرجع لها ..
في ذاك اليوم رجعت للحلف وقلت له خلاص اتركها من اليوم وبسسسسس خلصناااا
وسويت حفله وحركاات بالشقه =تعرفون عرسان جدد وماعندهم شياااااطين =اقصد عيال حلوووووين
الله يهديهم بسس
قررنا في ذلك اليوم معاا انها اخر حبة ..وصعد=طبعا ماكان يشربها جنبي نهائيا وليومك ولله الحمد ماشفت شكله كيف يشربهاااا)) وسبح واغتسل وصلينا جميع شكرا لله تعالى 😆 🙄
وسويت له احلى حفله واحتفلنا مع بعض…وطلعنا صدقه …
وحسيت بهذا اليوم انه اكبررررررررررر (انجاز في حياتي قدمته لانسان في هذا الوجود….قبل ان يكون هذا الشخص هو زوجي العزيز)……
وارتحنا من شي اسمه (السم البطئ) التدخين)..,,,
والحمد لله رب العالمين على الصحه وعلى نعمائك الكثيررره…
أمانه ادعوا لنا ربي يسر امورنا ويسهلهاا ويرزق زوجي الوظيفه الزينه اللي نرتاح فيها من عناء الدهر…
وربي يخليه لي ولايشوف عينه احد غيري ويسخره لي ياررررررررررب))
ويترك عني عصبيتي وهداية عيالي= حشى كتااب دعاااء خخخخ
ملاحظات…
طبعااا بتقولون بلا هالحاله وراح المركز =ماكان عنده وقت واحنا كنا متفقين ان بعد الزواج ماعاد يشرب ولاوحده
بتقولون تركه مرة وحده بلا جداول بلا صراع =مايصير وهذا كلام المركز وكلام الطبيب اذا تركه ياثر عليه بقوووه وفوق هذا 100000% راح يرجع له بعد فتره لانه تركه فجأة
اسفه جدا للاطاله
حاولت اختصرها بس هذرتي واجد
ولو ود ودي اكمل هذرتي بعد
بس بحترم نفسي ……خخخ
