عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اخواتي بفتح قلبي لكم واتمنى الاقي تفاعل منكم واحد ياخذ بيدي ويفهمني
امس جاء عند زوجي وقعد يسولف وبنص السوالف قال تراني متزوجانا طقتني البوهه وش ذا الكلام قال جد انا ملكت ليلة الجمعه وبتزوج قريب حسيت الدنيا لفت فيني وودي لو اصرخ واصيح بذيك اللحظه حاولت اتمالك نفسي واضبطها ترجيته يقولي انه يمزح بس قال انه فعلا جاد واهله زيي مصدومين وما احد تدخل بالموضوع
جلست ابكي واحس كبدي كانه عليها جمر
قالي سمعت انك تقولين بالطقاق لو يتزوج انهبلت متى قلت ذا الكلام ماتذكر طيب من قالك المهم انا ماتذكر الا اذا كنت ادردش مع وحده من خوياتي ع المسن وجبتها باستهبال بس حلفت له انه مو قصدي هو اخذ المساله اهانه له طلع وخلاني والعشاء دقيت عليه قالي انا احبك وقدرك على راسي وزواجي ماراح يغيرني بس المشكله انت اللس ماتحبيني وانا والله اموت بالارض اللي يمشي عليها بس تدرون البيت العيال وحملت مرتين ورا بعض يعني انتم عارفين بس كثير من تصرفاتي احاول احسسه بحبي المهم قال اثبتي لي حبك بينيه انا ماينقالي باطقاق وماحد يهيني جلست امس اتقلب وليلي ماهوب ليل لمن صحيت الصباح دقيت على خالتي سالتها صدق الكلام اللي سمعته قالت انا مثلك ويوم قاله قعدت اهوش عليه قالي خلاص امزح بس ماني متاكده منه قفلت منها وبعد نص ساعه دق علي قال ليش تدقين على امي ماصدقتيني امي كله تعبانه ومابيك تفتحين الموضوع معها
بنات تحسون مثلي ان الموضوع مو حقيقي والا انا اوهم نفسي يعني اذا كان مملك يوم الجمعه معقوله ماراح يقول لاهله على طول ليش قال لامه بعد ماطلع من عندي على طول
الشي الثاني امس لملا سالته مته زواجك قال قريب واليوم يقول ماحددناه تكفون وش تحسون وانا وش اسوي
ارجوكم مابي احد يشيشني ابي احد يعطيني رايي سديد شقول وكيف اتصرف بانتظاركم الله يخلي لكم ازواجكم ولا يفجعكم فيهم
