هديـِـِـُِـِـًِة الكـِـُِـِـًِون طفـِـُِـِـًِلي…{ قصـِـُِـِـًِة ولادتـِـُِـِـًِي

واشكر جميع من بارك وهنأني سواء عن طريق الجوال او رسائل sms اوالايميل

نخش في الموضوع دووغررري
يوم الاحد طبعا كانت ولادتي23_2……يوم السبت في الليل كنت اسولف
مع البنات في شات المتزوجاااااااااات واقول ان شاء الله اولد يوم الاحد كان التاريخ 23_2 <<–علشان تكون ولادته نفس اخوه 23
المهم سولفناااااااا وجات وحده من البنات الله يجزاها خيررر قالت يالله نقوم نصلي ركعتين بعدين نرجع نكمل قلت اوك بقوم اصلي معاك وادعي ان الله يفرج كربتي لاني تعبت وطفشت من الحمل ومرره خلاص ثقلت المفروض موعد ولادتي 15_2 بس انا زدت اسبوع عن الموعد ……….بس دكتوره ثانيه تقول مازدتي انتي لساتك في الاسبوع الاربعين ➡ عاد ماادري مين اصدق لخبطوني 😐
رحت صليت ودعيت من كل قلبي ان بكره الله يفرج لي وان الرحم يكون مفتوح 5سم علشان على كشك الولاده على طول ولايتعبوني في الكشف……..بعدهارحت نمت وكل نومي الالم مره رجليني مره ظهري مره الكلى وصليت الظهر ورجعت نمت بعدين صحيت ع الساعه 3 العصرآلم خفيف طنشت ماتوقعت طلق لان الطلق في ولدي الاول قووووووووووي بعدين قمت صليت العصر والالم يروح ويجي على الخفيف……قمت سويت قهوه وتمر <<رااايقه اتقهوى ورحت جلست اتقهوى انا وابو الشباب واكل تمر وكل مال الطلق يزيد عرفت انها ولاده……قلت لزوجي شوف اذا جا الالم كل خمس دقايق معناة طلق منتظم وولاده وفعلا كل خمس دقايق تجيني الطلقات واقعد اتعصر من الالم اخر طلقه قويه رميت التمر من يدي وقمت امشي شوووي وقمت اقراء قران سورة مريم والملك والزلزله ويس وكل مال الطلق يززززززززيد وانا اتحمل قلت ماراح اروح الابعدالعشااا……بس صليت المغرب ماقدرت اتحمل وامشي وكل شوي اروح الحمام ابي اتبول بس مافي شي ينزل…..بس شافني زوجي نزلت دموعي قال امشي يلا المستشفى لاتولدين هنا …قلت خل شوي قال لا يالله 😆 hy:
وقشيت عفشي ورحت….رحت ع الطوارئ نزلني عند الباب وراح يوقف السيارة وكل ما الالم يزيد يروح ويرجع مغص شديد زي مغص الدوره واشوف قدامي مجموعة بنات يضحكون ويسولفون واقول يابختكم 💡
بعدين دخلت عند دكتورة النساء في الطوارئ لقيت في وحده عندها وجلست على الكراسي 4 دقايق ماقدرت اتحمل دخلت عندها قلت بسرعه في حالة ولاده قالت فين برى ؟؟؟ 😆 🙄
قلت انا قالت يؤيؤ تعالي اكشف عليك وقشعت الى عندها وجلست اخذت معلوماتي…..وكشفت علي لقت الرحم مفتوح من 5 الى 6 سم ماشاء الله قالت ولاااااااااده …….واااو فرحت بس ماخفت ابد خخخ قلت اخيرا بفتك من الكروووشه …بصمتني على اوراق اذا تعسرت الولاده يجي دكتور استشاري …وكمان على عمليه اذا مامشي الحال قلت مافي مشكله….قالت لازم زوجك يتبرع بالدم علشان اذا احتجتي دم ننقل لك بعدين عطتني الورقه حقت التبرع وركبوني العربيه…ولقيت زوجي عند الباب ودعته وعطيته الورقه وجوالي<<——لحظــــــة وداعك ياهي صعبه 😈

وصعدت على طول على كشك الولاده
لقيت بيبي صغير قدامي قلت شيلوه لاتغلطون بينه وبين البيبي حقي 😡 طبعا المستشفى ززحمممممممه
المهم عطتني النيرس لبس البسه وقالت خلي طرحتك على راسك
وجلست على الكرسي..والالم يروح ويجي طبعا الالم مو زي في ولدي البكر متواصل يعني طلق اقدر اتحمله …
جات الدكتوره والقابله كشفوو علي على الساعه 7 المساء قالو 6 سم
وفتحت الموويه بحديده نحيفه لونها ابيض بس ماحسيت فيها نزلت المويه داافيه وبدات الالم والصراخ حتى البكريات خافو من صوتي وسكتو ➡
طبعا النيرس الى عندي مره عسوله عطتني اوكسجين بس مو مفتوح تبي تسكتني وانا طول الطلق وانا استنشق وماانتبهت انه مفتوح من الالم لمى جا الجنين يطلع فتحته وحسيت فيه الله المهم انها تبي تصرفني قالت كل ماحسيتي بطلق استنشقي بقوه وانا صداقه استنشق بعمق ههههههههههههاي طبعا كل مااحس بالجنين يدفع تحت اصييييييييييييييييييييييييح بأعلي صوتي ➡ وتجي الدكتوره والقابله والقابله تجلس تهاااوش وتهزء فيني مره كلبه تقول ليش انتي فيه صووت رجال كلوو برااا استغفر ➡ الله قلت مالك خص اوووص جات الساعه 8 انفتح الرحم 9 سم ماشاء الله
كان ماشاء الله على طول يفتح الرحم ……وكل مااحس بالجنين يدف على تحت اصرخ باعلى صوتي وتجي النيرس اقوول الراس تشوفيه طلع قالت لا شويه كل مااصرخ تجي تقول قولي يااارب
كنت طول وقت الطلق ادعي اللهم لاسهل الاماجعلته سهلا وانت تجعل الحزن ان شأت سهلا…….كل مااقوله احس انه يخفف علي وصرت طول الوقت اردده واردد يامخلص النفس من النفس خلصني…..جات الدكتوره وكشفت قالت مفتوح 10 سم يالله ادفعي
مااقدرت ادفع 😆 🙂 مع اني اعرف طريقة الدفع قالت يالله ادفعي البيبي بيختنق نبضات قلبه صارت قليله وانا احاول ماقدرت
وتجمعو الدكتورات عندي والممرضات وتخاصمني القابله تقول بسرعه بيبي فيه مووووووووت نبضات قلبه ضعفت وانا مو قادره وهو مو مساعدني يدفع صاار خامل…..جات دكتوره مدري ممرضه سعوديه على طوول جابت جهاز الشفط وانا مغمضه عيوني بعدين فتحته والا هذا قدامي 💡 ودخلته تشفط
آآآآآآآآآآآآآآآآه من الشفط معاناااااااااه كأن كهربه تدخلها جواتك وتهززز فيه وانواع الالم وتشفط وتقول لاحول ولاقوة الا بالله ….انا خفت قلت خلاص بنموت احنا الاثنين …….دخلته شفطته اول مره ماطلع المره الثانيه طلع اخييييييييييرا 😡
ونزل في يد االسعوديه وانا اناظر مو مصدقه اخيرا انه نزززززل
ماشاء الله وزنه كان 4 كيلو و400 جرام علشان كذا ماقدرت ادفع قالت ماشاء الله مبروووك وتعبك شوي براسه وعقبال ماتشوفيه عررريس
………..وعلى طول حطوه تحت الاوكسجين وجلست اتفرج فيه
قلت للقابله وش جبت ؟؟ وانا اعرف انه ولد
قالت مدري لحظه اسال <<—ياكرهي لها قاالت بوي اور قير ؟
قالو لها بوووي
قالت ولد….المهم جادكتور اطفال شكله سعودي سحب الستاره بيني وبين الولد ودخل كشف ع الولد كل شي سليم ولله الحمد
بعدين جات الدكتوره نزلت المشيمه ماحسيت فيها وقربت كرسيها بين رجليني وشمرت عن ساعديها:Dخخخخخ وحطت لي ابره تخدير وجلست تخيط وانا مغمضه عيوني واذا فتحتها اناظر في ولدي على يساري طولت وهي تخيط بس ماحسيت في الخياط بعدين قالت خلصت…..وانتهت الولاده على خيررر
طبعا مانزلوني على طول التنويم لان مره زحمه ينتظرون سرير يفضى..خلوني انا ووحده في كشك ولاده فاضي حطو سريري وسريرها تقول كل ماسمعتك تصرخي اسد اذني قلت استري ماواجهتي……….زوجي يقول سمعت صوتك وعلى طول هربت

وهـــــذي قصة ولادتي بالتفصيل الممل ……كتبتها بناء على طلب الكثير من البنات
الحين لي 10 ايام والده …جلست في المستشفى يومين علشان يكشفون على صحة البيبي من بعد الشفط وسوا اشاعه لراسه وطلع كل شي سليم ماصدقت متى اطلع
الله يعين ويشفى المرضى مدري كيف متحملين جلسة المستشفى

ولادتي كانت في مستشفى النور التخصصي في مكه
عيوب المستشفى : طاقم التمريض موكويس يعني تجلسين تنادين بالساعات مايجون لك بسرعه يمكن بسبب الزحام…
البيبي ماغيرو له الا مره وحده بعدين انا قمت اغير له
اكلهم ماعليه يمشي الحال بس اول ليلة بعد الولاده باااارد
مميزاته نظيف كل شوي تجي السستر تنظف بالمعقمات