هذا حظي ونصيبي مع كل خطيب يخطبني أحد يساعدني

أخواتي شلونكم ؟
بدخل بالموضوع على طول لإني إستغفر الله العظيم مالي حظ إستغفر الله والحمدلله على كل حال.
من فترة توها صغير 3 شهور تقدملي وأحد وافقت لاني سمعت عنه إنه يقدر المرأه وأنا أصلا كنت مصدومه من خطيب سابق كان يقربلي أما هذا الشخص يقربلي من بعيد
أهلي يحسونه توه بزر وما نضج رغم شهاداته ومكانه في الشغل ترددوا في البداية لكن أنا خليتهم يوافقون!
المهم خطيبي يشتغل مدير في شركة ويسافر دائما بعد ما تقدم لخطبتي بخمس أيام سافر البحرين وجلس بالبحرين تقريبا 8 أيام بس
كنت أدق عليه يوميا وأطمن عليه وكان يقلي إنه ما يقدر يعيش من غيري !!!!
المهم
بعدما رجع من البحرين بدأ يتغير معي ويتكلم معي بأسلوب جافي ولمى أدق عليه يقولي أنا مشغول وأحيانا ما يرد كذا مرة سواها
صارحته ليش تسوي معي كذا يقولي شغل وما شغل وأنا مو فاضي وأخر مره قالي لا تخليني أندم إني خطبتك بعدها أنا سكت يسوي فيني دائما كذا وأسكت
وكل هذا وما علمت أهلي لاني خايفة يجلسون طول العمر يقولولي تستاهلين قلنالك و يذلوني ➡
الي أذكره إنه قالي إنه يحبني من زمان لكن لمى عرف إني أحبه بدأ يتغير ماقدر شعوري وهو كان يقولي أنا أقدر شعور المرأه:)
المهم
كنت عندهم مره أنا وأهلي ودق جواله وراح يكلم من بعيد وأنا حاسه إنه يكلم بنت ولمى قفل سألته من كلمت؟ قالي من الشغل طبعا انا ما صدقت الي قاله بعدها أخذ الجوال وما قدرت امسكه ولا أشوف وش السالفة بعدها راح يلعب كره مع إخواني الشباب في حديقة بيتهم وطبعا ترك جواله بعيد عني علشان ما أوصله خليت أختي الصغيرة تروح تجيب الجوال وهو ما يدري وألقى رقم وحده أعرفها وبينهم رسائل حب وغرام
عاودت أرجع الجوال حقه وكإني ما شفت شيء وطول الفتره إذا كلمته أمثل عليه وأقوله ” إنت محترم وطيب ومافي مثلك” لكن في الحقيقة أشوفة أحقر واحد بالدنيا
وفي رمضان نزلت أنا ترم صيفي علشان أبغى أنسى الصدمه وللاسف طول رمضان مادق علي ولا سألني وش سويتي حتى مرضت ولا دور علي
والشيء الي انا أعرفه إن هذه البنت مافيها ولا ميزه إلا إنها دارسة ماجستر لكن لا جمال ولا حتى طيبة بس ما أدري كل تفكيره معاها والي أعرفه إنها تحب شخص ثاني وأدري إنها تمثل على خطيبي
وأنا طول الوقت ساكته لليوم ما تكلمت وخايفة أتكلم ولا أدري وش بصير
قالي مره إنه خطيبي لكن الزواج ما أحد يدري نتزوج ولا لأ رب العالمين كاتب كل شيء
ما أحد يعرف مشكلتي غيركم وإن شاء بتساعدوني الله يجزاكم خير ويفرج كل همومكم يارب
أبغى مساعدتكم 😆 🙂 😐 🙂 😳 :cry_s mile: 😈