عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الحمد لله على كل حال
لله مااخذ ولله مااعطى
بقولكم قصة رحيل اهلي بجد محتاجه دعواتكم بشكل كبير لاني اكبر خواتي والمسؤليه كلها علي
قبل شهر 21_6 يوم الجمعه ماما وبابا رايحين المزرعه مع خواتي الصغار كل جمعه يكون عندنا شبه<غداء رجال> بعد ماغدوهم طلعوا وهذي عادتهم الله يرحمهم
اتصلت بالليل الساعه 10 على ماما ابغى اغراض لاختي اللي بالمتوسط قالت الحين نطلع من المزرعه واجيبهم لك كنت تعبانه علي حراره انتظرها تجي تعطيني علاج لما جت 12 دق عمي قال ابغاكم ضروري استغربنا انا واختي دقينا على اهلي مايردون زاد الخوف عندي قلت اكيد بأهلي شي وضليت اتصل لما جاء عمي نزلت له وانا ديخه من الحراره قالنا اهلك سوو حادث بس هم بخير مجرد فحوصات جلست استغفر وبدوا عماتي يجون ميتات صياح استغربت عمي يقول مجرد فحوصات بس عماتي صياحهم يخوف
مع انهم ماشاء الله كلهم داعيات وملتزمين حيل يعني كل هذا خوف على اهلي لا يصيبهم شي
جلست وقت وانا اردد انا لله وانا اليه راجعون بدت اطرافي تتشنج صرت ماقدر احرك ايديني ورجولي صاروا ثقال حاول يودوني المستشفى بس انا ماحب الابره واخاف منها ورفضت اطلع قلت لهم طيب جيبول لي خواتي قالوا فحوصات ويجيبونهم
المهم وانا جالسه بالمجلس واسمع اختي الاصغر مني تقول ثنينهم وعمامي يهدون بها فجاة دخل علي عمي وانا اقوله ثنينهم ويقول قولي لا اله الا الله واسال ومو راضي يجاوب قلت طيب قلي ماما ماتت بعد قال كلهم
اااااااااااااه ياصعب هاشعور
كتمت اه بقلبي والله الذي لا اله هو ان دمعتي مانزلت ربي رزقني بصبر عمري ماتحليت به
سالت عن خواتي قالوا لي الشيماء 6 سنوات اخذها خالي لبيته وملاذ 3سنوات بالعنايه من كثر ماكتمت شالوني المستشفى يحسبوني بلحق اهلي ماغير فكري شارد واذكر ربي ولله الحمد
رجعت الساعه 2 وشفت البيت مليان ناس كل خوالي وعمامي عمرهم ماجتمعوا كذا مع بعض الا بهل اليوم شفت جدتي اقرب الناس لماما كانت منهاره لان كانت مع ماما بالمستشفى تقول كانت تتكلم معي مابه شي بس فجاة توفت انهرت من منظرها ماتعودت جدتي تكون منكسره راحوا 2 من خوالي وجدي بس مابكت هالكثر
بابا مات بالاسعاف وهو يستغفر ويردد الشهاده ولله الحمد وشفته يوم غسوله والله العظيم كان مبتسم كانه نايم شوفته ريحتني كثيييييييييييييييييييييير
وماما بعده بوقت والحمد لله خاتمتها حسنه ويوم شفتها جلست اهز راسها كانت نايمه والله كانها عروس زاد بياضها عن طبيعته قلت مستحيل تكون ماتت هذ مو شكل ميت قالوا لي عماتي على كثر ماغسلنا بس ماعمرنا شفنا زي امك كلامهم ريحني كثيييير
مرت علينا اياااااااااااااام الله لايذوقكم اياه شلت هم خواتي خاصه الصغار
ملاذ ضلت يومين بالعنايه بعد ها طلعناها على مسؤليتنا من المستشفى منظرها يقطع القلب
كنت مانام الليل شقولها اذا سالتني عن ماما وبابا شلون اربي الثنتين لان انا مدلله
والشيماء سبحان الله حتى ماغيبت تذكر الحادث بكل تفاصيله وكل ليله تقول لي شلون صار كلهم طلعوا من السياره ماعدى اهي تقول خفت كثير وتمسكت بالمرتبه وشفت ماما بابا وملاذ يطلعون من السياره ويطيرون واسعفوها وهي صاحيه حتى الجروح ماصابتها
لكن الحمد لله على كل حال
ربي سهلها وعدت على خير
الحمد لله التربيه الصالحه فالابناء تطلع ثمارها وربي ماضيع تعب اهلي كانوا نعم الاب والام
والله حتى خواتي الصغار ماحد توقع انهم يتقبلون الموضوع بهذي السهوله لان معرف بدلال اهلي لنا خاصة البنات طلباتنا اوامر
بس ربي رحمنا بواسع رحمته
