هذه هي حياتي<<رغم الالم فيه امل

كانت هذه كلمتي اذا جتني نوبه اليأس
في بدايه حياتي تزوجت وفرحت زي اي وحده تلقى فارس احلامها ومع مرور الوقت بدى حب الاطفال يدخل قلبي ومرت سنه على زواجي والي تزوجو معي ماشاءالله جاهم اول مولود
وبدء هاجس الامومه يطغى على تفكيري ورحت سويت فحوصات مع انه بدري وكان عندي هرمون الحليب
مرتفع وبديت العلاج وماشفت نتيجه وقطعت العلاج ومرت سنه ورى سنه الي كانو معي جاهم على طفلين
والي بعدي جاهم عيال وانا مثل مانا ماتغير فيني شي كل شي بيد الله سبحانه وتعالى
وبعد مرور اربع سنوات بدت رحله العلاج الجديه وفحوصات وتحاليل وادويه وتعب نفسي اكثر من جسدي
وكل شهر اتامل وامل زوجي وبعدها يتلاشى الامل ويضيع الحلم واستغفر ربي واتقرب منه بالدعاء
ويزيد في قلبي الامل وشهور اتوقف عن العلاج وشهور ابدى وبدون نتيجه

وبعد ثمان سنوات داخله على التسع سنوات تعالجت 3 شهور بمنشط ومتابعه اباضه والحمدلله
الدكتوره تقول انتي نسبه استجابتك ممتازه للعلاج ممتازه ماشاءالله بس الله لسا ما اراد يكتب لي حمل
وبعدها حولتني على المستشفى الكبيرعشان يشوفون حالتي كل شي سليم بس يمكن يسون
تلقيح صناعي او يحولوني لطفل انابيب ورحت اول زياره للمستشفى الكبير وسويت فحوصات من جديد
اناوزوجي وعطوني موعد تحليل اسويه ثالث يوم الوره الي هو يوافق ثالث يوم رمضان
واخر موعد تحليل لي كان في شعبان وكانت في نفس اليوم اخت زوجي والده وفي نفس المستشفى
طلعت من المختبر ورحت لها وجاوقت صلاه العصر وانا ساجده ابكي وادعي ربي ان هذي اخر زياره لي للعلاج وان ماتدور السنه الا وانا نمت على هالسرير والده
وطبعا بعدها بأيام جتني الدوره ومع تجهيزات نفاسها والناس داخله وطالعه وبالي مشغول
ولافكرت بس لما اشوف زوجي يشليل بنتها قلبي يتقطع واموت الف مره اشوف في عيون زوجي اللهفه
للأطفال وجارمضان وانا انتظر الدوره الله يعزكم عشان اروح اسوي التحاليل ومر ثلاث ايام وماجت
وسويت تحليل والمفاجأه

خـــــــــطين بخيت انجن مو مصدقه
قلت لزوجي جب تحليل ثاني يمكن هذا خطا لان نوعه جديد اول مره<<<<من كثر ماسوي تحاليل
وجا من بكره جاب تحليل قال انتظري بكره سوييه ومافيني صبر سويت

وطلع خطين طلعت لزوجي ابكي واوريه وهو مو مصدق قلت لاودني بكره اسوي تحليل دم اضمن

ورحت وسويت تحليل دم وطلع حمل والله ماكت مصدقه وجلست ابكي عند الدكتوره
وبعدها الحمدلله بلغت اهل زوجي واهلي بس ولما كملت شهرين وداخله الثالث بشرت الناس والله الكل فرح لي
هذي قصتي باختصار بس بكتب لكم معاناتي الي مريت بها
وبعض من كتاباتي الي ناجيت بها ربي ورسايل كتبتها في ولدي او بنتي القادمه

وبعد كذا بكتب لكم ماعنتي في حملي ومامريت به لحتى ولادتي