عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم ..
السلام عليكم ورحمة الله وبركاته …
يمكن مايكون عندي شي اقدر اسميه انجاز بمعنى الانجاز لكن هي اشياء بسيطه..
قدرت اترك الاغاني ولااحب اسمعها واثرت على الكثير من صديقاتي وتركوها الحمدالله وتركت اللبس العاري والبناطيل واي شي يغضب ربي والتزمت الحمدالله وإيماني بالله صار اقوى من اي شي …ماصرت احط صور نسائيه بالمسن او التواقيع .. وقدرت اواجه كل مغريات الحياه بايمان قوي وصبر
صار لي اربع سنوات بالنت وعلى كثر مادخلت منتديات والعاب ..الحمدالله ماوقعت بوهم الحب وشباك الذئاب البشريه وتركت لعبه قيمزر الي كنت متعلقه فيها وكنت اتركها وارجع بس في يوم خذت قرار وعرفت انه مو مكاني وندمت على اليوم الي ضيعت وقتي في هذي الللعبه ادري يمكن شي تافه لكن بديت احس انه قلبي بديى يتعلق ويميل لبعض الشباب هناك بس ماعمري وضحت هذا الشي ولااعطيتهم كلمه حلوه لكن كنت احس فيه بداخلي كان هذا الشيء صعب بالنسبه لي وفرحتي باني قدرت اتركهم وارجع لربي ..وقدرت امسك نفسي لاني بالنهايه بنت لها مشاعر واحاسيس ..ولا بيوم دخل ماسنجري شاب ..
كنت خجوله جدا واي احد يكلمني ماعرف غير ابكي وبيوم وقفت لنفسي وقفه وتخلصت من الخجل وصارت عندي شخصيه قويه ..
الاشياء الي ناويه عليها بأذن الله بالأيام الجايه .. مادخل اي موقع مختلط بالنت .. برجع اصلي القيام على قد ماقدر ..واسجل بدار تحفيظ للقرآن ..بحاول اطور نفسي بالفوتو والسويتش وتعلم الانجليزيه
وبرجع اكثر من الاستغفار ..بقلل من دخولي عالنت وبحاول ترك السهر ..وماعاد اشيل بقلبي على احد مهما سووا فيني وتعاملي بيكون مع الله سبحانه قبل الناس بنام وانا مسامحه الكل .. لاحظوا اني قلت برجع لاني من عرفت قيمزر بديت اترك صلاه القيام واقعد عالنت بالساعات فرحتي باني صحيت لنفسي ورجعت لربي وبغير حياتي للأفضل بأذن الله وحبيت تشاركوني هالفرحه الي بللتها دموع التوبه ………
