هرمون الحمل مررره نازل بموت ..

السلام عليكم كيفكم فراشات ..ما اطول عليكم راح ادخل بالموضوع على طول ..انا كنت اعالج عشان الحمل ورحت لعند الدكتوره 14 يوم من الدوره وقالت لي فيه بويضه مره كويسه واعطتني ابره تفجيريه 10000 وحددت لي اوقات الجماع والحمد الله صار الجماع وبعد اخر جماع اخذت دوفاستون مرتين باليوم بالصباح والمساء لمدة اسبوعين ورحت للدكتوره 14 يوم من اخذت الابره وسوت تحليل الحمل والحمد الله حاملت بفضل من الله سبحانه .. واستمريت على الدوفاستون ولمن جيت من عند الدكتوره وصفت لي حامض الفوليك ودوفاستون بس رجعت للبيت شفت دم بني خفيف اتصلت على الدكتوره وقلت لها قالت ببداية الحمل بينزل دم خفيف بس انتي ارتاحي ونامي على ضهرك ومر يومين والحمد الله وقف الدم وبعدين تنومت بالمستشفى عشان السكر ينظموه خمسة ايام الي صار بالمستشفى ..اعطوني انسولين 3 مرات باليوم وفطروني وبدء يكثر الدم البني مع خيوط اسود ثقيله وكل ما اقول للدكتوره تقولي مانقدر نسوي شئ غير المثبتات الدوفاستون وانا حامل لي شهر ..سوت لي تحليل هرمون الحمل يوم السبت وطلعت النتيجه 145 قلت مره حملك ضعيف وسوت لي سونار وموباين شئ لا كيس ولا يحزنون لقت عندي جدار الرحم سميك وقال راح نعيد السونار بعد اسبوعين وطبعا عدت تحليل هرمون الحمل اليوم من 145 الى 32 قالت لي وقفي الدوفاستون وراح ينزل بس تعالي يوم الاربعاء عشان نشوف الكيس نزل ولا لا ..وقالت لي الدكتوره انو مانقدر نسويلك تنظيف عشانه صغير وراح ينزل من نفسه بعد ما اوقف الدوفاستون ..انا انواع البكاء من الظهر والحمد الله على كل حال والله يعوضني يارب ..الي مرت بمثل حالتي لا سمح الله تقولي ايش سوت لها الدكتوره ..