عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا زوجي مججنووون 
بنات من جد انا خلاص وصلت معايا مرره سار الوضع لايطاق 😈
هلكني بالمقارانات بيني وبينها سرت ادعي عليها ليل نهار
.
.
انا اقولكم كيف
زوجي يابنات معيشني على انو متزوج وحده غيري
يعني مو في الواقع
.
يعني مثلاّ
لما اطبخ انا طبخي على قدي يادوب صنف واحد اطبخو وبطلوع الروح
يقولي ماتشوفي فاطمه لما اروحلها اش تسويلي سفره من هنا لهنا كلها اصناف اشكال والوان
انا مرة انقهرررر
لماا يسير تتش بيننا وصوتي يعلى عليه
يقول فينها فاطمه والله ماتتجرأا ترفع صوتها عليا
ومرة كان يطلب مني انام معاه بس مارضيت عشان كانت عليا الدورة وقرات انو مررة مضر
المهم رحت بيت اهلي
دقيت عليه قلتلو فينك قالي مع فاطمه
نايميين سوااا
انا هناااااا خلااااااص حسيتو زودتها مابقي غير يخلف منها
ودحين يقولي لو عندك ولد ومرتو مو قد المسؤولية وشايفة نفسها تزوجيه فوقها
ولا لا
قصدو انا
بنات اش اسوي معاه والله مرررررره قاااهرني
احس اني مو ماليا عينو مع انو يموت مايحصل وحده زيي في عيلتي وجمالي واخلاقي والناس تشهد ➡
وعلاقتنا ببعض الحمدلله حلوة ونحب بعض ومانستغنى عن بعض
(طبيعي عرسان الله يستر من الي جاي) 😆 hy:
.
.
بنات لو سمحتو لحد يقولي سوي الي يبغى وغيري فنفسك
مااسمح لاأحد اي كان يمحي شخصيتي حتى لو زوجي ويكونها بمزاجو
.
.
لكل من مرت من هنا
لحد يطلع من غير رد ولو بدعوة
الله ياخد فاطمه 😡
