هل تؤمنون بقاعده لابد من تغيير الشكل مع تغير العمر؟

حلا حبيباتي اخباركم ان شاء الله دووم مرتاحين حبيت اتناقش اخذ رايكم بموضوع مدري قد مر عليكم
بالمنتدى او لا بس اكيد انه مر عليكم بحياتكم اليوميه وتناقشتوا فيه مع خواتكم او صديقاتكم وهو ان
الوحده لما تتعدى عمر معين لازم تغير من شكلها وستايلها ولا عادي ماتفرق معكم بالنسبه لي جلست
من شوي افكر بنفسي ومن بين الافكار مرت علي فكرة تغيير شكلي قلت الحين بيدخل عمري الثلاثين
وللحين ماحسيت اني عطيت كل عمر حقه يعني اشوف ان مافي شكلي ذاك الفرق الكبير من صار
عمري 25 الا اليوم هذا ومابقى الا القليل وادخل الثلاثين مدري انا ابالغ بفكرتي ولا معي حق
ولو فكرت اغير من شكلي وستايلي راح اعتمد على ايش بالضبط طريقة المكياج اغيرها او طريقة
اللبس او حتى طريقة المعامله حلو الواحد انه يحس بتجدد مع نفسه بس كيف ابداء
حبيباتي وش تشوفون طبعا الاغلب راح يقولي ان الاهتمام ماله عمر معين بس مو مشكله ودي
تعطوني اراءكم نفيد ونستفيد … 😥