هل شكلك حلو ؟ طيب ليش ما تزوجتي تعالي و اعرفي الاجابة

اخواتي العزيزات كتير منا يكون شكلها حلو و البعض تكون اية في الجمال و برغم من كدا ما تزوجت

و يكون عندها صحبة مو حلوة ولا جميلة و ممكن تكون فعلا وحشة وبرغم من كدا تزوجت

انا الصراحة كنت استغرب لما كنت اروح فرح ولا ملكة و العروس تكون وحشة و كنت اقول طيب انا احلي منها ليش ما اتزوجت:D

طبعا دا الكلام قبل ما اعرف السبب الحقيقي وراء هذي الظاهرة

الين في يوم كنت مع وحدة صحبتي و قالت لية فلانة اتخطبت و راح تملك انا تنحت
طبعا تنحت عشان فلانة دي مو حلوة ابد و لا تحط مكياج ولا تهتم بشكلها ولا شي من الكلام دا
قامت صحبتي قالت كلمة استغربت عليها قالت يا رب اعطيني حظ الوحشين

قالت لها ليش تقولي كدا ؟
قالت انو الرسول علية الصلاة و السلام دعا للقبيحات بالزواج

سبحان الله يعني الرسول كان رحيم بيهم و طبعا ربنا ارحم بيهم و من يومها و انا اتمني اني ما كنت حلوة عشان اكون من الي دعاء لهم الرسول علية الصلاة و السلام

بس برغم من كدا عندي يقين انو ربنا انشاء الله راح يستجيب دعواتنا و يرزقنا الزوج الصالح و يا رب نكون حلوين من دخلنا اكتر من خارجنا

و يا رب تكون رحيم بينا و ترحم ضعفنا و تكتبنا من عريس هذي السنة امين يا رب العالمين

حيبت بس اشاركم بشي يمكن في بعض الاخوات ما يعرفوة و يقلو مثل ما كنت اقول اشمعني فلانة الي مو حلوة و انا لا

و علي راي صحبتي الله يعطنا حظ الوحشين