همومه .. مخنوقه .. متضايقه … تعالي تعمقي بالكلمات معاي(شعر قصير) …

فيج ضيقه

فيج هم

مخنوووووووووقه

ما يعبر عن شعورج غير القصايد

هذي كم قصيده قصيره حافظتهم عندي بس مو لي بس احسهم يعبرووووووون

تعمقووووو بالكلمات

(1)

تدري وش اللي مالها طب و علاج
الصدمه اللي دون ذنب و …. خطيه

وتدري وش اللي سبب لفكري ازعاج
اني وفيت لناس ماهي …. وفيه

(2)

جامل زمانك لو زمانك تحداك
و اصبر على مر الليالي و كدرها

حتى تعرف اللي مع الدرب خاواك
و تظهر حقايق ناس تخدعك صورها

(3)

ليت الامل يدري عن اللي بغيته
….. يمكن يقدر خاطر اللي تمنى
بنيت حلم و ياليتي ما بنيته
….. هو يهدمه منا و انا ابنيه منا

(4)

ما عاد يغريني بريق التمني
لني بديت اخسر جميع امنياتي
صغير سن و كبر الوقت سني
ورهيف حس ولا شفعت لي صفاتي
رضيت بالمكتوب و ايقنت بـ اني
امر باسوأ مرحله في حياتي

(5)

يارب (زودني ) بصبر و جلاده
انا بوجهك مت من فرط الاحساس
يارب ثبتنا/ بـ نطق { الشهاده }
في لحظه فيها / يفيضن الانفاس
يارب في قربك تكون السعاده
خسران من دور سعاده مع الناس

(6)

علمتني الدنيا .. ماندم لو ثواني
دام كل شي .. بحياتي له قدر
لو ظروفي .. عاندتني او زماني
الله اكبـــــر من عنا همن كبر

(7)

مرني ضيقة الخاطر و اعديها
و اقول {يا قلب} مش احزانينا مشي
الله من ناس تحضني بـ..اياديها
ولا اقفيت عنها {تحش} بـ خافقي حشي

(8)

ما عليك ان طحت يا حظي ملام
وان بغيت الوم قل لي من الوم؟؟
ضاقت الدنيا …
و لا عندي كلام !!!
ياهي صعبه ضيقة الشخص { الكتوم }

(9)

علمت الصبر لكن بدا في داخلي ينهار
سقى ذاك الزمان اللي دموعي تحتضن عيني
خذيت العهد مع نفسي اموت و لا اقول شي صار
تعلمت اكتم العبره و لله ارفع ايديني

(10)

لو تحطم لك امل … اعرف ان الله يحبك
و ابتسم … لا تقول الحظ عمره ما كمل
قوووووول …
انا حاولت .. >>> و الله ما قسم

بالنهايه اقوووووووووول
اعرفي يا حبيبتي ان بعد الضيق فرج باذن الله هذا اختبار من رب العالمين
بيشوفج تذكرينه و لا تنسينه
ربي كريم عطوف رحيم يحب عباده

وعسى الله يفرج همي و همكم و كل مهمومه بالدنيا

الشعر مجرد خربشات بالمنتدى و تنفيس عن حالي بس