هموم هموم يارب ارحمني تكفون دعواتكم

اشلونكم يا اخواتي
والله يا بنات احس ماني مترقعه مادري احس لحظات الفرح بحاتي قليله تعبت من الهموم
ذبحني التفكير كل ما اتمنى شي احصله بصعوبه وغالبا ما احصله
الناس قاعده تحقق احلامها وانا محلك سر
مريت بمشاكل وبمصايب اطلع من وحده وادخل بالثانيه
مع اني مواظبه على فروضي على الاستغفار استغفر اكثر من 100 مره واحيانا اوصل لي 1000 مره والدعاء والحمدلله اتصدق واحاول اقرا قران وصلاه الليل هالايام مواظبه عليها يوميا او شبه يوميا اشغل سوره البقره واحس حزتها براحه كبيره بس للاسف مؤقته عقب ارجع افكر بهمومي واندب حظي
والله مالي حظ كل ماتمنيت شي ما يصير مايصير
حتى وانا ادعي ربي باشياء اتمنى تتحقق احس اييني شي بداخلي يقول لي ماكو فايده لا تعبين روحج ماراح يتحقق الي تبينه ماراح يصير
لان هالاشياء الي ابيها من سنين وانا ادعي وكل سنه اقول اي هالسنه بصير الي ابيه وتخلص السنه ومايصير شي تزيد مشاكلي وهمومي
مافي شي قاعد يتسهل لي كل شي قاعد يتصعب يمكن خيره بس ابي ارتاح حالي حال هالناس
والله احس مالي حظ بشي مع الزوج مالي حظ ومع الصديقات مالي حظ ومع الاهل مالي حظ يمكن حظي صار زين مع خالتي ام زوجي تهبل وطيبه وحتة حمواتي الحمدلله زينين خصوصا الصغيره وقفت معاي وقفات خواتي ماوقفوها معاي

تكفون ادعوا لي ان الله يشرح لي صدري ويحقق لي كل الي في بالي