عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين بالفراشات
ببدا بالموضوع على طوووول
انا مادري هل هو مشكله ولا هم ولا وش قصتي معه
مشكلتي مع النوووم كثير يجيني ارق وماقدر انام
لدرجه احيانا كنت افكر اترك الجامعه بسببه تعبت نفسيتي وصرت مالي خلق احد
وكل مايقولي احد خل نتجمع اشيل هم هل بكون الليله الي قبلها نايمه ولا جايني ارق وماقدر انبسط مع الناس
كثير قالوا انتي مكبره الموضوع بس لانهم مايحسون بالي احس فيه لما اجلس احاول انام والكل نايم وماقدر واحيان كثيررررررره اكون هلكاااانه وفيني نوم …بس ما انام
مرت علي ايام اواصل واشيل هم هل بموت من هالسهر ! وش مصيري! وبعدين انا وهالارق
واعيش بدوامه
تصدقون انعرض علي احج هالسنه على قد ماودي بالحج على قد ماترددت
تدرون ليش ّ!!
لان نومي صعب ولا ادري كيف بنام بالحج وحمله وناس مع بعض وازعاج
تعوذت من الشيطان وماحاولت افكررر بهالشي ووقررت احج والله ييسر لي ان شاء الله
لكن الي ابي اعرفه هل فيه احد مثل همي ومشكلتي الغريبه ؟؟؟
هل فيه شي يقدر يهون علي لاني مررره شايله هم الحج ؟ 🙁
تكفووون يابنات لحد يطلع الا ويكتب لي دعووووه ويدعي لي بظهر الغيب كل ماتذكرني
ويفرج همي ويبدله بسعاده ان شاء الله
والحمدلله على كل حال 
