$$$$$هنـــــا تجميـــــع لكــل الخلطـات المجربــه سواء ادت نتيجه فاشله ام ناجحه $$$$$

حبيت يكون الموضوع ان كل فراشة تكتب تجاربها من خلطات او كريمات او مقشرات او غسولات ……..الخ

حتى ولو مااستمرت 😥

او جربتها ليوم واحد 😥

تكتب تجربتها ………….. والي لاحظتو

وحتى لو التجربه ادت لنتائج عكسيه >>>>>ياريت تكتبو عشان الكل يستفيد

ياريت الكل يتفاعل لانو الموضوع مرااا راح يفيدنا

واتمنى من كل فراشة انها تكتب تجربتها ماتكتفي بقرائه تجارب باقي الفراشات

وزي ماقلتلكم حتى لو تجربه استمرت فتره بسيطه ممكن انها تفيدنا
😉

عشان كتير خلطات مابتعطي نتيجه حتى لو بنستمر عليها لفتره طويله فبدل تضييع الوقت

نشوف التجارب الناجحه هناااااا

ونبعد عن تضييع الوقت في الخلطات الفاشله

جتى لو شفتي تجربه مع احد غيرك ياريت تكتبيهااا ➡

وانا اول وحده راح ابدء …..

جربت نبته السعد لشعر الجسم
جربتها تقريبا 6 شهور او اكتر ماحسيت بفرق ابدااا ابداا لازاد ولا نقص

وصحبتي بدئت معايا نفس الوقت والفتره تقريبا …. تقول انها لاحظت تغير بسيييط جدا

بس الي استغربتو فتره جيت اشتريه من العطار قلي سار ممنوع !! ماستفسرت ليه

النشا ومويه ورد على قد فنجان واحد تخلطيه وتحطيه على وجهك تقريبا نص ساعه او ساعه

حسيت انو مرااا يريح بالزات لمن بشتري تكون متحسسه من جو حار او شمس

واحيان لمن تتأثر من المكياج وكمان احسو يهدي الحبوب بالزات لمن تكون في بدايتهاا

قناع لبن زبااادي روووووعه ماشالله من اول ماتغسليه تلاحزي الانتعاش مراااااااا بس لاتحطيه اكتر من 20 دقيقه لان يحك البشره

جربت القشطه ماحسيت بفرررق

وجربت العسل يقولو يزيل اثار حبوب او حروق او اي شي بروضو ماحسيت بفرق

للحروق جربت فيسودين مراااار ائعه افضل من دعكها بالليمون الكل عارفو اكيد مايحتاج اقووول

مرا رحت لدكتور جلديه عشان حبوب الشباب وقلي استخدمي كلين اند كلير الغسول

مراااااااا رااااااااااااااائع ماشاللله بس انا يعجبني الي بحبيبات له تاثير اقوى بس مع انو مكتوب استخدام يومي

انا ماستخدمو الا مرتين ل3 مرات اسبوعيا لانو بحبيبات كانو مقشر اما الغسول العادي بدون حبيبات كل يوم يزيل المكياج كمان كوويس

ممم دا الي فبالي دحين وانشالللللله راح اكتبلكم تجاربي وتجارب غيري كل مافتكرت شي 💡

بس اول ابغا تفاااااااااااااعل