وآخيــراً ^_^ >> قصة ولادتي بالتفصيييييييييل

اولا
اللهم لك الحمد حتى ترضى ولك الحمد اذا رضيت ولك الحمد بعد الرضى
الحمد لله الذي بنعمته تتم الصالحات
حبيباتي
الحمد الحمد الحمد لايروح من لسانك انعم الله عليك بنعم غيرك يلفون العالم يدورون الذرية
فاللهم لك الحمد ولك الشكر
واعلمي غاليتي ان من سبب دوام النعمه شكرها فلك الحمد ربي على ماانعمت به علينا واوزعنا ان نشكر
ادري قلبتها محاضرة
المهم
نبدأ الجد
البداية كانت يوم السبت 1871430
1172009

يوم عادي قمت الظهر جاء زوجي من الدوام تغدينا جلسنا جت الساعه 5 العصر طلع زوجي , دخلت الحمام ( اكرمكم الله)
مسحت الا وش اشوف خيوط دم خفيييييييييييفه
وصلت هناك وجهاز التخطيط الغثيث واقل من ساعه وجت الدكتورة المناوبة وكشفت 🙁 قالت مفتوح 4 سانتي انا وامي الحمدلله الحمدلله كانت الساعه 3 ونص يمكن المهم قالوا يلا فوق ولااااااااادة ويغيرون لبسي وامي عندي تدعي لي انا هنا عبرات تروح وتجي ودفوني بالعربية وامي معي لمن جينا فوق وبندخل قسم الولادة ممنوع تدخل طبعا ودعنا بعض بدموع وبوست ايدنها وقلت لها سامحيني يالله حسيت ان الدنيا لحظتها ماتسوى وتمنيت ترجع لورى ماازعل امي على اي شيء ( يارب تجزاها عنا كل خير )
طبعا اصبحنا ع الاثنين 2071430 هـ
1372009

دخلت الغرفة ارسلت مسج لزوجي دق علي وعلمته وبدا يدعي لي ..
حطوني ع السرير ومراقبة الطلق والحركات الاجهزة اللي جنبي وانا اقرأ واسمي واستغفر ومازال الطلق كل 10 دقايق ويارب لك الحمد سخر لي ربي ممرضة تجنن عسل ( على انها كانت مسيحيه) ودعيت ربي ان يهديها للاسلام على ذيك الاخلاق طبعا انا رفضت اخلي نفسي مستلقية ع ظهري احسها متعبة خليتهم يرفعون السرير بوضعية شبه جالسة وع الجنب كانت كل ماجتني الطلقه ارفع صوتي بالاستغفار وهي تدلك بظهري خلوني الى الساعه 7 الصباح وجتني الدكتورة وقاست قالت 5 سانتي 🙁 يالله من 3 الى 7 بس سانتي انفتح تحطمت مرررررررررره قلت تكفون مسكن تعبت قالوا المسكن مفعوله بس اربع ساعات تحملي الالم اللحين واذا اشتد عطيناك لانه انتي بكرية بتطولين <<عقدتني هالكلمة
المهم الى الساعه 9 ونص خلاااااص قفلت معي وجاني خمول جت كشفت علي قالت 7 سانتي وعطوني المسكن هالمسكن جاب لي النوم صرت ودي اغفي وبين الطلقه والطلقه كأني اسبببببببح مو نومه حللللللللللم يمكن اغفي اقل من ثانية لكني احسها لذيذه هالنوووووومه المهم جت الساعه 11 الصباح خلاص مات حيلي وتعبت من طول الطلق كشفت قالت 8 سانتي 🙁
قالت لك الى الساعه 4 العصر فرصة ولادة واذا جت الساعه 2 الظهر وانتي ماودلتي بنعطيك طلق صناعي انا قالت لي الكلام من هنا بغيت اصييييييييح وع طرف لساني بقول عملية تعبت تكفووووووون
الحمدلله الحمدلله بااعلى صووووووووووووووت
وجابوها وحطوها فوق صدري بست جبينها وانا ابككككككككككي واقول الحمدلله مو مصدقة والله يابنات واللي رفع سبع سماوات ماحسيت بطلعة المشيمة ولا الخياطة ( ماشاء الله ) طبعا عطوني بنج
لكن والله من فرحة الخلاص وانه ولدت وطلعت بنتي وشفتها نسيييييييييت كل شيء كل شيء كل اللي حولي ماعاد احس فيهم بس اناظر بنتي وهم ينظفونها واصييييييييح << طبعا مشتغلة صياح انا
ع طول خلصت سبحان الله زوجي دق علي كأنه موقت وحاس رديت وانا ابكي وهو مو مصدق ويتحمد بسلامتي الحمدلله
وطبعا الغالية حلوة اللبن جعلي مااذوق يومها (امي)تنتظر اتصالي ع نااار كلمتها ردت علي بكل لهفة سمعت صوتها انفجرت يمممممممه سااااااااااامحيني سويت فيك كذا تكفييييييييين سامحيني وصارت تصيح وتتحمد ربي بسلامتي << ماعاد اشوف الشاشة 🙁
اللهم لك الحمد حتى ترضى ولك الحمد اذا رضيت ولك الحمد بعد الرضى
…………………….
خلصت المغامرة والقصة
اللي ابي اقوله للبكريات خاااااصة