واحده واحده بالهداوه كدا تعالوا معايا السلام عليكم

ازيكم يا فراشاتى حبيباتي
موضوعنا عامه عن الماسكات لكن هنا مش هكتب ماسكات ولا خلطات ولا وصفات
طب ايه بقي ؟
انا عودتكم دايما ان اهم من معرفه الشئ معرفه استخدامه يعني سكينه (بتقتل وبنقطع بيها ) ممكن تتضرنا وما نقدرش نستغني عنها وكده بردو الماسكات
ايه ده هو ممكن الماسكات تتضر مش كلها طبيعي وبيفيد البشره ؟
اه ممكن تتضر لان مفيش قاعده عامه ومش كل طبيعي ينفع لكل الانواع والبشرات

طب انا هعمل الموضوع اسئله عشان ما تزهقوش لانه هيبقي طويل شويه يالا معايا

طبعا كالمعتاد جوله في عالم الماسكات ومعاكم مرشدتكم السياحيه
sunnysky

ايه هيه فايده الماسكات ؟
فايدتها علي حسب نوعها

ماسك الترطيب : ازاله الشوائب وتنضيف البشره وامدادها بالترطيب اللازم
مدته :مره كل اسبوع

ماسك التفتيح : ازاله الشوائب وتحفيز الجلد علي تجديد الخلايا بعمق فيتفتح اللون تدريجي او فوري علي حسب نوع الماسك (الفوري يعني يدي تفتيح فوري لمده ساعتين ويرجع الجلد للونه تاني ما تفهموش غلط )
مدته :مره كل اسبوع من شهر ل 3 شهور

ماسك شد البشره : شد خلايا الجلد لازاله الدهون المتراكمه ومساعده التجاعيد علي الاختفاء وترطيب الجلد
مدته :مره كل شهر بدءا من 30 سنه

ماسكات علاجيه احباااااااااااااطازاله حبوب / نمش / اثار حبوب / كلف )
مدته : مره كل اسبوع لمده شهر ل 3 شهور

هل فيه ماسكات ممكن تضر ؟
طب هنا بقي ونجيب ورقه وقلم لان ده كلام ده كبير وعايز تركيز
طب هو ايه بقي ؟
درجه الامان ف المواد الطبيعيه درجه الامان تنقسم الي 3 مجموعات (درجه امان قصوي – درجه امان متوسطه – درجه امان ضعيفه )
طبعا انا مترجملكوا بالعربي لان الكورس كان بالانجليزي
معني الكلام الجامد ده ايه فهمينا ؟
درجه امان عاليه : نادرا ما تصيب البشره باي اعراض جانبيه مع اختلاف نوع البشره
طبعا دي امثله مش حصر لاني مش جوجل
اللبن -العسل – الخيار- البقدونس- البطاطس-النعناع – الملح – الجلسرين – الزبادي
درجه امان متوسطه : ليس لها اثار جانبيه علي البشره ولكن تظهر فقط علي بشره حساسه عموما او حساسه تجاه هذه الماده
(الرده – الدقيق – الزيوت عموما – ميه الورد (كبعض انواع لكن ف العموم امان )- الفراوله – الطماطم – الليمون – المشمش – الخميره البيره – البيض – الشوفان – القطونه -الخل – الحلبه
درجه امان ضعيفه : استخدمها بيكون خاطئ فقط (بمعني ان الماده نفسها غير مؤذيه لكن استخدامها بالطريقه او التوقيت هو اللي بخلي تاثيرها مضر )
(خل التفاح – الخل العادي – اللمون الكتير علي بشره جافه )
( الزيوت او المرطبات القويه كاجلسرين علي الجروح والحروق والالتهابات )

طب بردو لعدم اللبس هي المواد اللي بدرجه امان متوسطه دي ما نستخدمهاش ؟
لاء هنستخدمها لكن هنراقب بشرتنا بعدها لان بعديها بيوم وبكرر بيوم بتظهر حبوب لكن لو ف نفس اليوم وشك سخن وطلع حبايه او اتنين ده بيبقي تفريغ حراري

طب بالمره يعني ايه تفريغ حراري دي ؟
دي معناها ان البشره مخزنه حراره تحت الجلد حتي لو مش بتخرجي ف الشمس ممكن من نار البوتجاز والبشره عامه اغلبها المسام مقفوله من قله العنايه والتنضيف المستمر الحراره محبوسه والدهون والتراب وبعد كده نقول فيه حبوب
مع اول ماسك وممكن لمده 3 ايام بالذات ف البشره الللي مسامها مسدوده بنلاقي الوش سخن وصهد واحمر ممكن وساعات بيكتفي بكده علي حسب كميه الحراره وممكن يخرجه علي شكل حبايه ودي بتبقي زي حبوب الحراره اللي بتطلع لما بتكون فيه سخونيه ف المعده
طب نعمل ايه ف الحبايه دي هنغسل وشنا بميه ساقعه من التلاجه ونعمل كمادات لبن عليها لمده نص ساعه لا كريم ولا غيره دي مش حبايه دي تفريغ حراري

ومازال السؤال مستمر فيه ماسكات ممكن تضرني ؟
*مبدئيا كلمه ماسك تعني خلطه مكونه كحد ادني من مكونين طبيعين
معني كده ان ما فيش ماسك من كاده واحده هه مالقيش بقي لمون لوحده عسل لوحده ماشي
*الماسك عامه مهما كان نوعه او استخدامه لازم يحتوي علي مكونين اساسين وهمه اهم مكونين (مرطب ونظف)
ودول نقدر نكتفي بيهم كماسك لكن عدم وجودهم ف اي ماسك بيخلي البشره
اولا استجابتها ضعيفه لانها ما نضفتش
ثانيا المرطب بيقلل درجه الحساسيه حتي لو البشره حساسه من المكون ده

طيب الضرر فين
1- الضرر بيجي لما احط مكونات الماسك كله من نوع واحد وبدون مرطب
مثال ومشهور جدا وبيهلك البشره بسرعه ماسك (لمون + نشا + ميه ورد ) للاسف لقيت كتير كتبينه
طيب تعالي نفصص كل واحد
الليمون :قابض للمسام منقي للبشره
النشا : قابض للمسام والدهون
ماء الورد : قابض للمسام ومنقي للبشره
احنا لو هنقبض علي حرامي مش هنعمل كده والله حرام

2- الضرر هيجي لما اكرر ماسكات البشره اللي المفروض انها كل شهر واعملها مرتين ف الاسبوع وده عنعرفه من هنا

وعشان اكمل الصوره لازم تعرفو شويه عن كل مكون مشهور ده استخدامه ايه

مرطبات البشره : عسل -لبن – زبادي -الزيوت عموما -الجزر
منظفات البشره :ماء الورد – الليمون -الحلبه – الترمس – الرده- البقدونس – زيت جنين القمح – الشوفان
مشدات البشره : النشا – البيض عموما – الترمس – القطونه
مفتحات البشره : الدقيق – النشا – زيت السمسم – زيت اللوز الحلو

بكده حطي اللي انت عايزاه انت خبيره نفسك عرفتي اللي يفيدك وايه اللي يضرك بطلي كتابه وحفظ وشغلي الجمجمه بطلي تسمعي لتجارب الاخرين وبدل ما هتسمعي انت اللي هتنصحي

اخر سؤال ومهم معانا هل فيه حالات ما ينفعش معاها ماسكات ولااااازم تدخل كيميائي كريمات وخلافه ؟

اه زي بالظبط فكره المرض والعلاج بالعشاب هل مريض السكر الوراثي ينفع معاه نوقف العلاج ونديله جنسنج اصله بيحسن نسبه السكر ف الدم كلام فاشل طبعا ياخد علاجه ونديله جنسنج عشان يفيده
بالضبط كده فيه حالات ماسكات لوحدها هتاخر الحاله وتسوءها لكن مع العلاج هتسرع النتيجه
طب ادينا امثله عشان نفهم ؟
حبوب الشباب اللي بتظهر علي هيئه تجمعات وبكرر مش مفرده تجمعات لدرجه مش عارفه تشوفي حبايه كامله من كتر ماهم متجمعين
الحبوب ذات الرؤس الحمرا المتكتله
الحبوب الكبيره عامع اكبر من الترمسه الضخمه يعني
حالات النمش الوراثي
الكلف العميق بمعني انه منتشر وعدي منطقه الرقبه والكتف وتوغل بلون مدي علي اسود مش بني