واخيرا,, سمنت, زنت ,وصرت ملفتة للنظر كفاحي في مشوار مع الجمال

طبعا زي مايقولون عندنا في نجد (( من بغى الزين ماقال آه)) 😉
وانا اقول اللي تبي الزين تصبر وتتحدى نفسها ولا تستعجل ع النتايج
راح ابدا اول شي مع معاناتي مع(( جسمي ))صدقوني يابنات انا كنت نحيفة ع قولتهم منقطعة ورا زي قدام ولا اي ملامح انثى
المهم ماخليت ولا مستشفى وتحاليل رايحة تحاليل جاية وكلووووووو سليم اللهم فقر دم خفيف المهم قررت اني اعتمد على نفسي 😥
وسويت بحوث وسألت ناس خبرة وجربت تجارب كثيييييييرة لحد ماتوصلت لنتيجة انا حاليا راضية عنها تماما == ❗
جسم مليان وصدر منفوخ ومؤخرة حدث ولا حرج ماااااتوقعت فيوم ان جسمي بيزين وكل من شافه قال ماشاءالله 😳 وش هالزين…
اللي سويته <<<كنت عصرية كل يوم بعد مااصحى من النوم اخلط ملعقة مااااش مطحون مع ملعقة عسل طبيعي جابه واحد لنا من ابها واكله واشرب بعدها كوب حليب
بودرة محلى بعسل >>>طبعا الماش يفتح الشهية ويجوع عشان كذا لاحظت انو بعد ماكنت اكل نص ساندوتش ونص بسكوت
صرت اكله كلللله وزيادة بعد وطبعا ركزت في اكلي ع الوجبات اللي فيها سعرات حرارية كبيرة مثل الهمبرجر الشاورما البييتزا
الباونتي ةالسنكرس المكسرات عصير المنقا ساندوتشات كل 3 ساعات بس ادهنها قبل بزبدة الخ>>>>واكـــــــــيد قاطعت البيبسي
بعدها بفترة اكلت حبوب زيت السمك ونفختني كنت ابيها عشان شعري بس منجد حللوووووة وقف التساقط ومتنت شوي

الشي الثاني صرت ايام الدورة امشي ع جدول معين
1) لازم اشرب قهوة متكونة من الاتي [ قرفة+كمون +زنجبيل+نونخة+قشر قهوة+حبة البركة+شوي هيل] الكمية اللي تبينها بس تكون متساوية تطحنينهم
الطريقة : فيه طريقتين يا اما انك تغلينها مع موية بس يا اما تغلين موية في ابريق القهوة وتحطين ملعقة بن خليها 5 دقايق بعدين صبيها في ترمس
تكونين حاطة فيه ملعقتين من الخلطة….
=الفايدة<<تخفف الالم بشكل موطبيعي وافضل من مفعول البندول
2) مع القهــوة لازم ايش؟؟؟؟ لازم تمر …[تاخذين تمرات 3 او5او7 المهم عدد فردي وتفركينها بسمن وترشين عليها شوي رشاد وحبة البركة] =الفايدة<<<ينظف الرحم وتنزل الدورة مضبوط ويشد المنطقة وللبنات يقوي البكارة..
3) اذا ماحبيت اتقهوى ولا حابة اغير اسوي شاهي اعشاب يتكون من [ ماش + حلبة+ حبة الحلوة اللي هي شمر] الفايدة<<طبعا الحلبة معروف عالميا بفوايدها وشهادتي فيها مجرووحه ههههههه والماش زين للظهر..
انتــــــــــهى

نجي الحين للبياض والخلطات والخ الخ
اكــــــتشفت يابنات ان الحمام المغربي هو افضل واسرع نتيجة ع الاطلاق لكن لازم نتسمر عليه ونعرف كيف نسويه
انا لاني اعــــــــشق الماء واحب اتروش اخذ دش خفيف كل يومين بس فيه يوم محدد ادلع نفسي فيه واحس انه اخصص لنفسي وقت ابعد عن العالم واسترخي 😥 >>>>اعلان جالكسي هههههه
1) اجهز الروب ومنشفتي والشامبو وكلش وازيت شعري بزيت النارجين قبل الحمام بـ 3 ساعات واغطيه بكيس..
2) اسخن موية لحد ماتصير حاااارة ..ابلل جسمي وابدا اوزع الصابون المغربي وفضل صابون الطاووس من جد هالصابون رووووعة
اقعد جنب البخار واللي عندها الجهاز ولا جاكوزي افضل ..وانتظر لحد مايذوب الصابون ويتغلغل بالجسم ..بعدين اغسل الصابون زيييين
وابدا افرك بالليفة ليفة الطاووس..احس وقتها ونااااسة اشوف البلاوي تطلع وارتااااااااح
3) اكون مجهزة الخلطة التالية ( 3 م حليب بودرة+ 3 م كركم جسم + 3 م صنفرة بالمشمش+عصير ليمونه+ م شوفان +موية ورد للعجن )
وزعيها ع كل جسمك واسترخي لحد ماتنشف انا ادخل بكتاب انجليزي واقعد اقرا ماحب الانتظار..بس تنشف افركي بيدينك ولا بالليفة وبعدين تخذي
نص ليمونة ع ملح خشن وافركي كل جسمك مع التركيز ع المناطق الغااااااااااامقة..
اغسلي جسمك بالموية وشوفي النعوووووووووومة ماراح تصدقين
4)اغسل شعراتي وجسمي بالشور جل المفضل انا جربت جميييييع الانواع وكتشفت ان افضل شي اللي تجي مع عطر انا عطري بربري ويك اند
واستخدم شور جل ولوشن بربري..ريحته حلووووة وفواحة اما الباقين يادوب انا اشمها…
5) انشف شعري وجسمي وارش البودرة وادهن بجلوسليد لان الجلوسايد يخلي جسمي ناعم فترة طويلة
6) ابخر شعري وجسمي وملابسي,,,
==الفايدة <<<الحمام المغربي يوحد اللون بشكل فظيع وربي ان بعد الاستمرار صارلون المنطقة الحساسة نفس لون بشرتي
واستانست وصرت ادهنها واهتم فيها وتحمست..
انـــــــــــــــــــتهى

الوجة>>>>
لان بشرتي عادية مائلة شوي للجفاف فالحمدلله مااعاني من الحبوب الا بالدورة
بشرتي لا سمرا ولا بيضا بس زي باقي البنات ابي بشرتي تفتح عشان كذا جربت كثير
1) كريم الليل والنهار شي ضروووووري للبشرة..+واقي الشمس+صابونة ترتاحين عليها كلها ضرورية
2)نصيحة للعجازات واللي تنسى كثير<<<حددي مسلسل تتابعينه وقبل المسلسل جهزي الخلطة وحطيها وتفرجي برااااحتك”””صدقيني بعدها ماراح تنسين ابد
3)ا-الخــلطــــات
[ شوفان + ليمون+بياض بيضة] خليها ع وجهك 20 دقيقة واغسليها وادهنب بكريم مرطب==الفايدة<<<تفتيح
ب-[حليب وادي فاطمة +خميرة] خليها لحد ماتنشف وارجعي رطبيعا بموية ورد لحد ماتشف مرة ثانية واغسليها وادهني بكريم
الفايدة<<<نضارة+وتنفخ الخدود..
جـ- ثلج [جيبي طاسة حطي فيها مكعبات ثلج صبي عليها شوي موية وابدي دخلي وجهك بالموية 30 ثانية وطلعيه ودخلي وطلعي وهكذا] =الفايدة<<<< يشد الوجة +يورد الخدود+يقاوم تقدم البشرة **خليك دايم شباااااااااااب ههههههههههه**
انــــتـــهى
اليدين
بقولكم شي بس لا تضحكون 😳 انا احب المسلسلات كثثييير واحب الخلطات عشان كذا اخصص خلطة لكل مسلسل
مسلسل احط فيه خلطة ع الوجه ومسلسل احط خلطة ع يديني وهكذا هههههههههههههه
يديني افركها دايما بليمون وملح خشن طبعا وانا قاعدة اتفرج وبعدين ادهنها باي كريم مرطب وبسسسسس
الرجلين
رجليني كنت دايما استحي منها يابنات ومااحب اطلعها ولا احب احد يشوفها بس الحين؟؟؟ الوضع تغير 180 درجة
انا ماراح اقولكم خصصوا مسلسل لا هالمرة برنامج اسبوعي ههههههههههههههههه
يعني كل اسبوع سوي هالطريقة واحصلي ع اقدام غاية في النعومة
[ جيبي طشت حطي فيه موية حاااارة وملح خشن ودخلي رجلينك فيه وتفرجي ع التلفزيون ذاكري حظري اشغلي وقت فراغك وانسي رجلينك..
بعدين طليعي اليمنى وافركيها بالحجر بس مو الحجر الاسود انا ماحبه احب الحجر اللي فتحاته صغيرة ..ماراح ياخذ افرك وقت لان الجلد بيكون ميت
خلاص ..بعدين جيبي مقشر المشمش وافركي رجلينك واغسليها وادهنيها بكريم ع طووووووووووول البسي شراب ] طبعا لازم تدهنين رجلينك كل ليلة ولا ماكنك يابوزيد غزيت..
ولا تقولين رجليني مو لازم من بيشوفها ع فكرة المراه الجميلة زمان كانوا يعرفونها من رجلينها
وعشان الكعب يطاع حلو لازم الرجل تكون حلوة وناااااعمة…
انتـــهى

8
8
8
اتمـــــنى اكون افدتكم خاصة البنوتات الصغار..انا نفسكم بنوته وعمري 23 بس مهتمه بنفسي كثيييييير وهالشي مميزني عن غيري..
اتمنى من كل وحدة تستفيد انها تدعي لي بس بينها وبين ربها..
مـــــــــــــوفــــــــــــــقــــــــــــيــــــ ـــــــــــــــــن
دمـــــــــــــــــــــــــــــــــــــــتم بـــــــــــــــوووود
>>> عيــــــ المــــــــــــــلاكـــــــــــ ــــون<<<