والله اني احبكم في الله .. تعالو شوفو موضوعي واعطوني رايكم

كيفكم

يارب تكونو دايم مبسوطين ورايقين

انا قرأت موضوع لاختي تولين عن ايش تعلمتي من الحياه

لاحظت ان الكل او الاغلبيه
اجمعو على حاجتين
الاولى ما نثق باحد
والثانيه ما اكون طيبه
طيب ليه ؟

يعني عشان كذا صارو الناس ياكلون ببعض محد يبغا يصير طيب وياكلونه
عشان كذا صرنا ما نثق باحد لان الكل ما يبي يصير طيب
لانه انقرص من غيره

طيب ليه مانصير طيبه مع قوه واخلاق

شوفو امير المؤمنين عمر بن الخطاب اذا دخل مع مكان هربت الشياطين مع مكان اخر
هذي الشياطين هربت فما بالك بالناس؟

من شدة قوته رضي الله عنه لاكنها قوه بالحق
وكان الرسول صلى الله عليه وسلم يدعو الله ان يعز الاسلام بأحد العمرين
عمر ابن الخطاب وعمر بن هشام رضي الله عنهما

ومع كذا كان شديد الخوف من الله عز وجل ويقول ليت ام عمر لم تلد عمر

وكان كل ما تذكر دفنه لاحدى بناته وهي صغيره في الجاهليه تبتل لحيته من الدموع

وكان يخاف ان تموت شاه في العراق في خلافته فيسئله الله عنها

كل هذا طيبه في قلبه رضي الله عنه ومع كذا كانت طيبه مع قوه واخلاق

احنا ليه دايم ناخذ الأشياء او الاخلاق السيئه من الناس ونقول الناس صارو كذا احنا لازم نصير مثلهم

احنا لنا شخصيتنا لنا اخلاقنا لنا تربيتنا اللي ربونا عليها اهلنا

ترضي تسوي شي سووه الناس ويقولو عليك اكيد هذي تربية اهلها لها ؟

مع العلم انه اغلب الاشياء او العادات الغلط نتعلمها من برا البيت

يعني في المدرسه زميلتي طولت لسانها علي انا بعد اطول لساني عليها هي مو احسن مني

وليش تبوني اسكت لها ومن هالكلام

طيب وين اللي اهلك ربوك عليه من الصغر

يا بنات اخلاقنا هي اللي تميزنا عن غيرنا
ولا صارت اخلاقنا نسخه من الغير ايش الفايده
كذا المجتمع بيكون كله نسخه من بعض

واخر شي بقوله ترا مافي اثقل في ميزان العبد المؤمن يوم القيامه من حسن الخلق
ولا تقولي هم الناس ذئاب لازم اصير ذيبه مثلهم
هذي حياه مو غابه
والله لو تقيسي اي موقف يصير لك وتستعملي وتتذكري تعامل واخلاق الرسول بنعيش بسعاده

بس الناس صارت قاعدتها في الحياه

هم الناس يبغالهم كذا لازم نصير ما نرحم عشان نعيش

اي منطق هذا ؟

ادري بعض المجتمعات وبعض العوايل فيها مشاكل وقسوه وتسلط وناس ماترحم
بس كله مننا
الحين ما تشوفي احد الا يقلد اخلاق غيره بالغلط طبعا

انتو شوفو عيالكم وبناتكم قبل يدخلون المدرسه وبعد مايصيرو ثاني او ثالث ابتدائي
الولد او البنت تقلب اخلاقه 360 درجه للاسوء طبعا

لانه اختلط بمجتمع اكبر وصارو بياكلون حقه فا هو لا شعوريا يصير مثلهم

الله يعين

الزبده

تعاملو باخلاقكم ولا تتعاملو باخلاق غيركم
ولكم في رسول الله اسوة حسنه

الحين بقولكم سالفه
لو يجي جاركم وبيحط زبالته (اكرمكم الله ) على باب بيتكم
بالله مو بتطلع شياطين زرق بروسكم وبتحقدون وتعصبون ؟
الا ما ندر طبعا

طيب جاركم هذا مسلم ويروح يصلي وكل شي

طيب الرسول عليه الصلاة والسلام كان جاره يسوي كذا وكان يهودي
ومع كذا ما ما كلمه ولا راح حط الزباله قدام بيته ويوم مرض اليهودي
عليه الصلاة والسلام زاره في بيته
اليهودي قال انا احط الزباله قدام بابه ولا تكلم ولا جا وحطها قدام بابي
ويم مرضت زارني واسلم على طول

لانها اخلاق
لان الدين المعامله

خلونا نصير اخلاق عشان الناس تصير زينا اخلاق
لا تقولو الطيب ماكول حقه ومظلوم
ربك فوق شايف وعارف