والله اني اكتب لكم وانا ابكي

انا في هم مايعلم فيه غير الله
انا مخطوبه لي شهرين ونص صارت بيني وبين زوجي مشاكل لكن ليست كبيره هو يشوفها كبيره ويقول هذا اولها كيف تاليها
بعد فتره غلطة غلطه هو لكان معصب يقول لادقين على رقمي الثاني مهما كان علشان ماعصب عليك ويوم قلقة عليه ورنية
عليه وبعد شوي الاوهو مرسلي رساله بقول فيها انا ماقلت لك لادقين على هالرقم وصارت مشكله كبيره لدرجة كانت بتوصل لطلاق وانا اعتذر له وابكي
وبعد فتره خمس ايام الاوهو يرسلي رساله يقول انا لاجيت عندك احس بضيقه ولارحت عنك اشتاق وحتى لما اكلمك
صراحه حسيت فينا عين او نفس بذات اني قبل فتره شفت حلم يدل على اننا محسودين
وانا عندي ولد عمتي سوا مشاكل لما اتزوجة حتى لما يكون عند احد يدعي علي
بس الشي الغريب انا ماحس بضيقه تجاهه
هو اللي يحس وطول هالفتره وانا ادعي ربي ان الله يهدي نفسه علي
وكل ماقول له روح لشيخ يقول البلا مو مني منك النفس فيك انتي
وقال انه له كم يوم بيستخيري في ارتباطنا انا استغربة بصراحه يعني خلاص احنا ملكنا وحاولت اني افهمه ان الاستخاره وهو ضايق ماتنفع وصار يقول كل مااستخير يضيق صدره بزياده
وقبل امس هدا شوي وقال خلاص ابي اجي اخذك على الاقل اكسر نفوس الناس عنا طبعن يقصد بدون زواج وراح يسوي عشاء بعد العيد بيتنا انا من الهم والخوف وانا احبه قلت خلاص ان كان هالشي يرضيك انا موافقه وقلت لي اهلي ابوي وافق بس بدون مايكون راضي امي يابنات جلست تبكي تقول قولي له على الاقل بعد العيد يسوي عشاء حتى لو بالبيت تقول صعبه الحين كانك مسوي شي او عيب وبدس تروحين انا تعبت نفسين مدري ايش اسوي قلت سوا عشاء بالبيت انا متنازله عن عرس له قال سبحان الله كنت اقول الضيقه ماجت من فراغ شكلها خير لنا حاولت اقنعه مارضي قال لي خلاص لاترسلين لي شي ابد ولاتتصلين ماعدتي تلزميني يعني هو ناوي على الطلاق
والله يابنات تعبت انا تنزلت عن كل شي حتى العرس اللي من حقي تنزلت عنه وصرت بين نارين بين امي وبينه حتى اهلي ماخليتهم يتدخلون ولايكلمونه انا لااكل ولااشرب بس ابكي مدري ويش اللي صار معقول هذي عين او نفس مدري هو ايش ناوي عليه الله يخليكم ادعو لي والله اتمنى الموت من الهم انا ماحيلت غير الدعاء والصلاه والاستغفار وربي يابنات اكتب ودموعي تنزل على الكيبورد تعبت وربي تعبت انا غلطة بشي ولالا