عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ياقمرات
يوم الاثنين اللي فات كان فرح بنتي 😀
اوعكم تقولوا اني عجوز بس انا تزوجت وانا عمري 16 سنة ➡
وبنتي كمان زجتها صغيرة
خلينا في موضوعنا
فرح بنتي كان عروستين وكانت بنتي خايفة موت انه العروسة التانية تسوي حركات
في زفتها وتطلع احسن منها
وبصراحة العروسة التاني وامها كانوا من النوع اللي يحبوا التميز
وبصراحة ماكن شاغل بالي الا بنتي ما تنكسر نفسها
وسويت لها حركات حلوة وبسيطة
وكمان رحت عند وحدة تسوي لها زفة واكدت عليها اني ابغاها خيال وشرحت لها السبب
تفهمت البنت الوضع ماشاء الله عليه وتعاونت معانا وسوت لها زفة ورب العباد كانت
شي ماحصل كل الحاضرين تكلموا عنها
رغم ان زفة بنتي كانت التانية لكن وربي اكلت الجو مو عشانها بنتي
انا سمعت باذني كلام الحاضرات
اللمبات كانت مطفية وقت الزفة وسمعت اكثر من وحدة
تتكلم عن الزفة وانبهروا بيها
وكانت الزفة مرتبة يمكن مارح اعرف اقولكم ترتيبها لكن اقولكم اللي عندي
موسيقة استعداد روعة
وبعدها زغاريد وبعدها دخلة العريس وبعدها شعر وبعدها دخلة العروسة وحاجات تانية وتفاصيل اروع لحد ما وصلت الكوشة
غير اني لما رجعت البيت قعدت لحد الساعة تسعة ارد على المكالمات بيسألوا مين عمل الزفة
واي صالون وديتيها ومن فين جبتي فستانها وربي يابنات كنت رح ابكي من فرحتي باهتمام المعازيم
غير اني وبلقافة الامومة سالت كذا وحدة وطلبت منهم يقارنوا بين العروستين وربي كل اللي سألتهم يحلفوا انه مافي مجال للمقارنة ابدا
على فكرة من كثر اهتمام البنت بان زفة بنتي تطلع احلى زفة
عملت لها بروفات كثيرة في القاعة وما اكتفت حضرت الفرح بنفسها وقعدت خلف الكواليس عشان مايلخبطوا في الترتيبات الخاصة بالزفة
وتعطيهم الاشارات بدون محد يحس الله يسعدها يارب ويفتح عليها ويرزقها
وربي ماشفت زيها
نفسي والله اقعد اتكلم لحد مايجي رمضان واحكي لكم اللي في قلبي من فرحة لان بنتي انبسطت وفرحت وما انكسرت نفسها
على فكرة البنت هدي مو اول مرة اتعامل معاها
تعاملت معاها اول مرة لزفة الملكة حق بنتي وربي كانت قمة في الروعة ومن ثقتي فيها طلبت منها زفة الفرح لانه زي ماقلتلكم كانوا عروستين ومستحيل اني اروح لوحدة تانية بعد اللي شفته وسمعته في زفة الملكة
وعشان كدا انا حبيت انزل الموضوع واسويلها دعاية اسأل الله العظيم انه يفتح عليها وينولها اللي ببالها
شكلي رح اطول عليكم
خليني اقفل احسن عشان ما تزهقوا مني
اللي تبغى رقم البنت تراسلني وانا رح اعطيها الرقم
عن somia hazem
شاهد أيضاً
تورتة الزفاف
من أهم فقرات حفل الزفاف هى تقطيع العروسين للكعكة ، فكعكة الزفاف تعتبر من أساسيات …