عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي الحبيبات انا راح اكتب مشكلتي اللي تاعبة قلبي واسأل الله العلي القدير ان يفرج هم وكربة من تساعدني بالحل
انا متزوجة من رجل احبه جددددددددددددددا كريم باخلاقه راااااااااااااائع بمعنى الكلمة وانا ولله الحمد سعيدة جدا معاه واحاول اوفرله كل سبل السعادة المهم احنا الاثنين موظفين ولدينا 5 اولاد ولله الحمد ومن بداية زواجنا واحنا حاطين ايدينا مع بعض في المصاريف يعني ماعمرنا اختلفنا سواء انا دفعت او هو ، وقمنا بشراء مجموعة اراضي وساهمت معه وواحدة من هالاراضي دفعت ثمنها كاملا بس ماكان اي شئ باسمي كله كان باسمه ( طبعا لثقتي فيه ) لكن قبل فترة بدأت اتذمر من هالوضع يعني موظفة لي 15 سنة ومااملك شئ باسمي وصرت دايم افكر بهالموضوع والله ثم والله مو عدم ثقة بزوجي بس هذا حق ومااحد يزعل منه وتكلمت مع زوجي بهالموضوع اكثر من مره ووعدني انه بيسجل الارض باسمي الى ان حصل مره خلاف بيننا وتطرقت لنفس الموضوع وزعللللللل جدا وقال انا ماانكرت حقك وانا مو ظالم المهم ثاني يوم راح للمحكمة وسجلها باسمي لكن انصدمت من الكلام اللي صار بعد كذا (وعلى فكره احنا كنا نستعد لبناء عمارة كبيرة ) قاللي زوجي بصراحة انا باتكفل بالبناء لوحدي وماابي مشاركة منك لو بريال مع اننا سنين طويلة واحنا نخطط سوا والان قرر هالقرار وقال انا موزعلان منك لان اللي طلبتيه حقك بس انا ماابي تحصل مشاكل بعدين والله يابنات حسيت انه خرجني من قلبه وحياته بهالقرار وانه يتهمني بنقصان العقل واني راعية مشاكل ونكد مع اني ماطلبت غير حقي
الله يخليكن يااغلى اخوات ردوا علي وشيلوا الهم والكدر عن خاطري لاني احب زوجي وما ابيه يفصلني عنه بهالطريقة وقولوا لي بصراحة اللي سويته صح ام خطأ ؟؟؟؟؟؟؟؟؟؟
عن Rogerrush
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …