عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي أنا غرضي من كتابة مو ضوعي هو الحذر
بحكيكم قصتي على طول
أنا متزوجه وعندي ولد ولله الحمد…لكن اللي ابي اقوله لكم
(و خصوصآ سكان جده..انتبهوا من دكتوره أسماء
أدعي من قلبي..الله لايوفقك يا دكتوره أسماء ولا يربحك ويحرق قلبك زي ما حرقتي قلبي
هذي اللي تسمي نفسها دكتوره فضت غشاء البكاره بتاعي
بداية قصتي…أنا كنت أعاني قبل زواجي من بعض الالتهابات مع اني كنت جدآ حريصه على نظافتي الشخصية من يوم كنت بنت
المهم نصحتني وحده من أخواتي اني اروح اكشف واتعالج قبل ما اتزوج(أختي مسكينه ما تدري ان اللي صار بيصير)
كان باقي على زواجي شهر
تصوروا من أنا صغيره واهلي مخوفيني من اني ادخل مع ولد بغرفته أو أحد يناديني وأسمعه
كبرت وفهمت أن أهلي يبون يحافظون على شرفي..وكنت أنا محل ثقتهم
والله والله والله ما عمري غلطت..كان شرفي هو كنزي
وهو كنز كل بنت
كنت قبل ما أسوي شيء أفكر هل هالشيء بينزل راس أهلي الارض
…كنت أتعرض لبعض المضايقات من شباب بس خوفي من ربي وخوف على سمعتي وسمعة أهلي منعني من اني انساقلهم
المهم .. رحت لهالمجرمه بعيادتها,وحكيتلها قصتي واني ((((( بنت )))))
وزواجي بعد (((شهر )))
يعني مفروض تنتبه لأني بننننننننت
كشفت علي ..وعذرآ ع الكلام…
دخلت أصبعها بقوه أنا صرخت وحسيت زي السكين فيني
قلتلها ايش هذا؟؟؟؟
قالت ..انتي عندك جروح والتهابات في فتحة الشرج و ورتني دم
قلتلها أنا ما عمر نزل مني دم ومتأكده من كلامي لأني استخدم الفاين للتنشيف بعد المويه وما عمري شفت أثر للدم
قالت الا موجود وانتي فيكي جروح
شوفوا كيف بررت غلطتها
أعطتني غسول وبسرعه صرفتني
أنا ما أعرف شيء عن هالامور وايش الاعراض اللي ممكن تجيني بعد ما ينفض غشاءالبكاره
(قمت من ع السرير وما قدرت أمشي حسيت بألم فظيع مكان أصبعها
أنا أعرف عن غشاء البكاره أنه بسرعه ينفض..سألتها دكتووووره ايش هالدم
قالتلي بصوت عالي
هذي التهاباااااااات
أنا طلعت من عندها وأنا مصدوووومه وأقول بنفسي
إن شاءالله مو زي اللي فبالي
أختي كانت معايا يومها وسمعت صراخي لأنها كانت جالسه خارج الغرفه
حسيت إن فيها شيء بعد ما طلعت من الغرفه
قلتلها يا …. نزل مني دم
هي انصدمت بس ما وضحت لي
قالت يمكن من الالتهابات
أنا مشيت على كلامهم
لما رجعت البيت …عذرآ.. أنا كنت لابسه الفوطه اليوميه تعرفوها أكيد
أنا ما أستغني عنها
لما شفتها كان فيها دم كثير
أنا بكيت وصرخت..وكنت متأكده أن هذا دم الغشاء
الله لا يسامحك
أسمع خبر وفاتك قريب يا مجرمه
رحت للحمام أكرمكم الله وأستخدمت طشاش المويه صرخت من الألم
(أحكيكم وقلبي فيه ناااااااار مو راضيه تطفى وعيوني تبكي )
لي سنه ونص وأنا كل ما أتذكر قصتي أبكي وأدعي عليها
هذا عرضي راح مني قبل زواجي بشهررررر
آآآآآآآآآآه
تصوروا كنت ناويه أطلب الطلاق بسبب هالموضوع
عرفوا أخواتي قالولي لازم تروحي تكشفي
رحت مستشفى خاص ثاني..كشفت وقالت سليم
أنا بكيت من الفرحه
وتم الزواج والحمدلله
في الفندق
لما جاني زواجي(كانت الصدمه) مانزل مني دم
حسبي الله ونعم الوكيل
هو انسان مثقف جدآ
فعشان كذا ما تكلم
لما جاني مره ثانيه برضو ما نزل مني دم
حسيت ان ملامحه تغيرت وأنا ما ألومه
أي رجل بالعالم يهمه هالأمر وخصووووصآ الرجل الشرقي
صح ولا لأ؟؟؟؟
أنا كنت راح أبكي بس مسكت نفسي لأن أنا ما سويت شيء غلط ومالي ذنب باللي صار
بثاني يوم من زواجنا لاحظت دموع بعينه(متأكده أنه بسببي)
بس ما سألته ولا أهتميت ولا تركتله مجال يتكلم
أنا طاااااااهره وعفيفه
قلت لأخواتي بأنه ما كزل مني دم ..قالولي فيه بنات بعد اسبوع من زواجهم تنفض عندهم البكاره
انتظرت اسبوع وشهر وشهرين
ماااااااافي شيء
ايقنت ان الدكتوره الاولى فضت بكارتي
والدكتوره الثانيه قالت سليم عشان الفلوس بس
الله لا يسامحكم كلكم
الشيء الوحيد اللي مواسيني انه انسان مثقف وعلى باله ان نوع بكارتي
المطااااااااااطيه
أحزن عليه والله
……
الى الان وأنا مقهوره … كان مفروض هذاك الدم يشوفه هوه
بس قدر الله وما شاء فعل
الحمدلله على كل حال
والحمدلله ان ربي رزقني بزوج زيه
رضي بالامر ولا عايرني فيه وعيشني بسعاده
(ما شاءالله )
الله يحفظه هو و ولدي من كل شر ومن كل عين
…
أنا غرضي من كتابة موضوعي
أخذ العظه منه
ولا تروحوا عند هالدكتوره المجرمه
ويا أختي اذا كنتي بنت
الالتهابات تجي لأي أحد لا تروحي تسوي زيي وتندمي طول عمرك
ويا أختي اذا كنتي أم
انتبهي لبنتك من هالدكتوره واللي زي أشكالها
اللهم ابرد قلبي بمرض هذه الدكتوره
والله ما اسامحها طول عمري
كان بإمكانها تسوي أي شيء وتصلح خطأها
حسبي الله عليك ونعم الوكيل
…
آسفه اني كدرت خاطركم بس حبيت أحذركم
تقبلوا ودي
