والله والله والله انه يبيض ويصفي ويخلي البشره جنان

طبعاً لانزال نبحث عن البياض وماراح نتخلص من هالهاجس

ع العموم مره قبل شهر ونص انا وامي نتابع قناة بدايه وجاب خلطه الدكتور عبدالباسط السيد للبياض

انا مااهتميت لها بس امي ماشاء الله عليها راحت اشترتها وسوتها لي وجابتها على الجاهز

طبعا جابت كميات متساويه عدس وطحنته وفول وطحنته وترمس وطحنته

ونخلتهم لي جيداً يعني صاروا بالمره بودره وحطتهم لي بعلبه وجابتهم وقالت ياويلك لو مااستخدمتيهم خصوصا انها تعبت في الطحن

انا بشرتي فاتحه لله الحمد بس امي الله يخليها لي تبيني اصير بيضاء بالمره

صرت اخذ منها كل يوم مقدار ملعقه صغيره واحط عليها شوي مويا ونقطه عسل عشان وجهي مايصير جاف واحطها ساعه الين تنشف على وجهي واغسلها بمويا بس بعدين

طبعا كملت شهر استخدمها والله انه بياض وصفاوه مو طبيعي وانسي يكون فيه حبوب و خدودي صارت ورديه

طبعا يابنات الطريقه واضحه جداً الله يحفظكم انا ماادخل الا نادر عشان لاتقولون مارديت عليكم

عدس وترمس وفول حبوب مو مطبوخين بكميات متساويه واطحنيهم بودره

وكل يوم ملعقه منهم حطي عليها ماء شوي مره ونقطه عسل لين تصير عندك ماسك للوجه وحطيها يومياً

وقبل اسبوعين جابوا مره ثانيه يتكلم عنها دكتور في بدايه وسأله واحد استخدمها يومياً قال ايه بس اشتري لك عدسه زرقاء << من باب المبالغه يعني انه بيصير ابيض مره

وربي يابنات هالطريقه روعه وتفتح ولاتخوف ولا شي

وماكتبتها الا بعد تجربه وانا اي شي اقوله اقوله من تجربه شخصيه