عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انهاردة حقدملكم كام وجبة عشاء خفيفة و ظريفة …و تنفع فطار برضو ….
بس من ايديكم انتو … لاني اتعلمتها منكم 
و عايزة اقلكم بجد الف شكر … كل يوم بتعلم معاكو حاجة جديدة …
و هو ده الهدف من القسم و المنتدى كله .. اننا نتعلم من بعض و نفيد بعض 😛
و كل واحده بتكتب موضوع تستفيد منه واحده تانية في إسعاد اسرتها بأكله جديدة مغذية أو أي فكرة حلوة تسعد اسرتها برضو بقولها الف الف شكر … ➡
يالا بأه مش عايزة أطول عليكم …
العشا الأولاني….
هو مجموعة مخبوزات مختلفة عملتها باستخدام العجينة الذهبية اللي جابتها بيضاء الثلج …في الرابط ده
http://satfrequencies.com/girls/alfrasha129/thread1505838/
عملتها بنفس الطريقة بس غيرت فيها ان بدل الدقيق العادي عملتها بدقيق بر( دقيق اسمر ) عشان تكون مغذية و مشبعة أكتر لانه مفيد أكتر و غني بالألياف …
و الحشو .. جبنه رومي أو جبنه بيضاء بالنعناع و الزعتر .. أو لحمة مفرومة أو أي حشو مناسب تحبيه …
طبعا انا لسة على أد حالي في المعجنات فده بالنسبة ليا انجاز …. من غير تريقة 😉
و الجميل في الموضوع …إنها بتبقى بدل السندوتشات سواء للإولاد في المدرسة أو للزوج اللي مبيفطرشي في البيت … بجد حلوة و مفيده …….
بسكويت أخلاص
و تاني عشا أو فطار خفيف مع كوب من الشاي أو الشاي باللبن 
و الرابط أهو
http://satfrequencies.com/girls/alfrasha129/thread1509664/
معلشي لما عملته كان موبيلي قاطع شحن .. و ده اللي لحقت أصورة لان ما شاء الله خلصوه عالطول عندي 
و عملته بالقطاعة فطالع تخين شوية و بإذن الله اشتري مكنة بسكويت و اعمله بأه لانة عجبني جدا …
و تالت عشوة بأه … صينية جلاش من مطبخي …
عشان يبقى خفيف أنا بدهن بين الطبقات بالزيت مش بالسمن و لا زبده و ساعات بحط مع اللحمة المفرومة جبنه موتزريلا مع زيتون و فلفل رومي بتبقى جنان ……… لكن هنا مكنشي عندي فكتفيت بجبنه عادية مع فلفل رومي …
طبعا الطريقة معروفة تدهن الصينية بالزيت ثم ترص طبقات الجلاش و يتم دهان بالزيت خفيف ما بين كل طبقة و التانية عشان يبان مورق و حلو
ثم ضع الحشو الملائم …( زي ما تحبي و كأنها فطيرة محشية و احشيها باحشو اللي تحبيه )
ثم باقي الطبقات و تقطع حسب الرغبة
و توضع في الفرن على نار متوسطة
و بعد ما نحس انها اتحمرلات شوية نطلعها و نصب على الوجة نصف كوب لبن متقلب فية بيضة و شوية ملح و فلفل … عشان يبقى طري ..
و بعدين نحطه في الفرن تاني على نار هادية شوية كمان لحد ما الجلاش يتشرب اللبن …
و بالهنا و الشفا 😡
و الف شكر لكل من تضع موضوع تنفعنا بيه …..
