عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
لو تكرمتي ياختي تسمعي قصتي
انا قبل لا اتزوج كانت فيه بنت تحب زوجي جدا وهو مايدري عنها المهم اتزوجت وبعدها سوت صداقة البنت معايه بس انا كنت اجاريها وقبل خمسة شهور من الان تقابلنا في زواج وطلعت هي اتزوجت واطلقت
المهم قالتلي انا معايه امانة لك قلت خير قالت في وحدة كانت تعرف زوجك وقالتلي امانة تسلميلي عليه قمت هزأتها وتركتها
هذه هي القصة……………….اما الحلم فهو كالتالي
البارح رأيت في المنام انو ذي البنت قابلتها في عزيمة وقالتلي تعالي اوريك الشريط اللي يثبت كلامي ويثبت كمان انو كان متزوج قبلك قمت قلت لا مو حلو أمام الناس ولاحظت ابتسامة منها قمت قلت لا حبيبتي هاتيه الحين انا متاكدة من زوجي قالت طيب وطلعته من شنطتها طلع سي دي قلت الله ذيك الايام كان في سديات المهم شغلته ………وكان طالع ناس كثير وتليفزيون فيه صورة زوجي واوراق كبيرة ماسكها اولاد فيها اسم زوجي وتاريخ الزواج واوراق كثيرة كاتبتها هي بنفسها كاتبة انا احب هذا الانسان اموت فيه لانو كل يوم يطلع اكشخ من الثاني المهم ارتحت اكتشفت انو هي مفبركة السي دي من كثر حبها يعني مفبرك مو حقيقي فقلتلها كل هذا مسويته فابتسمت لما عرفت انو عرفت انو مفبرك وضميتها بحب ورحت لما لقيت امها قلت بقول لامها تنصحها قالت امها انا ماادري عن شي …….بعد كذا انشغلت بالعزومة الا زوجي جاي من بعيد ولبسه حلو كعادته قلتله تعال نبغى نتمشى شوي انا وانت هنا خليها تشوف الشياكة على اصولها
قام هو راح لبس لبس ثاني على باله انه احلى وانا شايفته ملخبط المهم قعدنا نمشي وهو يناظر فيها من بعيد على اساس قلتله القصة فقلتله لا تطالع فيها سمع كلامي طبعا ……علما بانه ماعندنا اختلاط احنا بالحقيقة……..انتهى حلمي
ارجوا التفسير
ودمتم
