وخروا عني أبي أفضفض .. مشكلة يوم تعطي البزارين وجه…. الرابط العجيب

كيفكم يا حلوين

مالكم بالطويلة وخلكم معي ومركزين لأن هالأحداث صارت عى أرض الواقع

يوم كنا صغار

فيه بنت بحارتنا كنت أحبها حيل

وكانت في يوم من الأيام ترمي حجار بالشارع … رمت سيارة وجا الحجر على القزاز وانكسرت

يوم يجي صاحب السيارة ويلقى قزازه مكسر ويصارخ على البنت وتجمعوا عليه أمه لا إله إلا الله وياناس سدوا واصلحوا

ويجي أبو البنت ويعطي الرجال قيمة القزازة اللي انكسرت … عاد صاحبنا راح أول يوم لراعي القزاز لقاه مقفل راح ثاني يوم لقاه بعد مقفل راح ثالث يوم لقاه مقفل راح رابع يوم وهو مقفل راح خامس يوم ولقاه مقفل وراح سادس يوم ولقاه بعد مقفل المهم على هالحال اسبوع

أثره راعي محل القزاز عنده مشكلة مع أخته وأخته متزوجه رجال يشتغل بسلاح الحدود ..مرة من المراريت وهو واقف ومستلم على في الحدود مسك اثنين واحد مجهول وواحد ماعنده إقامة عاد المجهول عنده ممنوعات واللي ما عنده إقامة معه حمار

أما الحمار هذا حكايته حكاية

كان زمان صديق لحصان وامتدت صداقتهم فترة طويلة

وكان للحصان أخت مرة حلوة وعاد صديقنا الحمار كل ما شافها يخقق قال بينه وبين نفسه ياواد هذا الحصان خويي وماراح يرد لي طلب

عاد الحمار جاي متعشم خيييييييير وقاله أنا أطلب القرب منك و وطالب يد أختك الفرسة >>يموووووووون

أخوانا الحصان قام يصارخ وأنت حمار وإيش جاب لجاب أنقلع لأتصل الحين على الشرطة وياخايس أنت والذباب اللي جايبهم معك >>ذباب من قوة العفانة ملتمين على راسه

أنا يوم أصادقك مو حبا بوجهك والله أني رحمتك لأنه ماحد معطيك وجه

هنا صاحبنا الحمار تحطم وكأنه واحد معطيه بطوبة على وجهه تحطمت كل أماله وأمنياته وبيت العز اللي كان راسمه في مخيلته

المهم

وبينما كان يمشي قابل اللي ما عنده إقامة وأنمسكوا في نقطة سلاح الحدود >>ياناس هالحمار مقرود بشكل مو طبيعي

خلاص
الحين هو وحيد وما عنده أحد

قابل واحد يقال أن عنده شركة طباعة

قاله أرجووووك ياأبو الشباب ورامي الشماغ عليه وداخل على الله ثم عليك أبيك توظفني عندك بالشركة
قاله وش تبي تشتغل
قاله أي شئ حتى لو بتحطني مدير >>لاااا زودها من جد

المهم

قاله خلاص عندك دورة طباعة باللمس ؟!

قال الحمار : الله وأكبر حتى طباعة بالشم كمان

قاله خلاص الوظيفة من نصيبك

جا الحمار اليوم الثاني كااااااشخ بالغترة والعقال والكرفته والمنديل بالجيب >>ماهو ضاري على الكشخة

ويستلم مكتبه

وفي هاللحظة الحمار باشر الشغل وأنفضح

تخبرون حمار لو بيضغط على زر بالكيبورد ضغط خمسة مع بعض

ويخسر صاحب الشركة مناقصة بمليونين ريال

وقام صاحب الشركة يصارخ يلعن …..طيط…….طيط……طيط >>يعني سب ماله داعي ينكتب

برااااا أخرج باللي ما يردك والله لو أشوفك توطوط هنا لأحش رجولك حش

الحمار : تكفى رجيتك خلني أكنس ولا أصب القهوة ولا حتى سكرتير أي شئ

صاحب الشركة : راح يجيب الطبنقة من الدولاب >>يعني بندقية

قاله الحمار طووووووس ترى الأرزاق عند الله

قاله الله يرحم والديك وش بتشتغل يعني رقاصة ؟

الحمار : حشا والله ما أهز وسطي قدام اللي يسوى واللي مايسوى >>أمححححق وسط

المهم

الحين الحمار ماشي وهو حزيييين ومن بعيد شاف مظاهرة قال خلني أروح وأشوف وش سالفتهم يمكن أنه عنده عشا

قرب شوي شوي من المظاهرة إلى وواحد من المتظاهرين شال الحمار على كتفة وصار يصارخ

الحرية بـ تسعمية ريال الحرية بـتسعمية ريال

لا سرقة ولا إستعمار ولا جشع

المهم عاد هذا اللي يصارخ حكايته حكاية

كان عنده ولد أخته سليم ومعافا ولا فيه شئ يعني ولد كامل والكمال لله

بس من كثر ما يكره المدرسة كان يخترع كل يوم عذر أنه يغيب وأكر شئ أنه كان يدعي أن رجوله تعورة

عاد الولد غبي كذب الكذبة وصدقها هو لوحده وصار يعرج من جد

وكل ما يودونه المستشفى يقولون هالولد كذاب وأمه تصارخ ياملاعين الوالدين شوفوا الولد يعرج بعني بيكذب

والولد صادق من كثر ما يدعي أنه متعور في رجوله ماعاد يقدر يمشي عدل

وسبحان الله كان واحد بحارتهم واحد صياد سمك

مرة من المراريت وهو يصيد على الشاطئ

أنزلق الخاتم منه وسقط بالبحر

جاء بعد سنين ؟!!!

وكزوا في سنتين

صاد سمكة طولها متر إلا 5 سنتميتر

فتح بطن السمكة !!!

المهم أنه مااااا حصل الخاتم

زعل الرجال وراح لبقالة بجنب بيته

أثره راعي البقالة متزوج وحدة تركية

وتركيا زي ما أنتوا عارفين منقسمة بين قارتين اللي هي استراليا وحوطة بني تميم

مرة واحد من حوطة بني تميم كان ياكل فشار وفجأة نشبت حبة فشار بحلقة أختنق ومات

وكان ما يملك بهالدنيا إلا منامة دجاج وعاشة فيها شوية حمام المهم الشغلة كانت خليطي

وهم راضين بالوضع

لكن بعد مامات الرجال صار فيه خلاف كبير بين الأقارب على تقسيم الورث وبين أنهم يفصلوا الحمام عن الدجاج ولا يخلوهم عايشين مع بعض في سبات ونبات

وعلى طاري النبات

كان فيه بنقالي بسوق الخضرة ااسمه حنفي وكان سبب التسمية أنه ببنقلاديش كان فيه مسلسل مصري مدبلج وكل البنقالية يتابعوه زي ما إحنا متابعين سنوات الضياع الله لا يوفقهم صار لنا نتابعه 4شهور وللحين ما خلص وربي قهر المهم حنفي كان يسمع أنه نور الدين عبده جاب ثروة كبيرة من هالسوق ويسمع عن عمو أسلم البنقالي اللي صار عنده أكبر بقالة في بنغلاديش لأنه كان يبيع تنبل في سوق الخضرة

عاد حنفي مسوي نفسه ذكي وأشترى صندوق طماطم وكان يكذب على الزباين ويقولهم أنها مسقيه بموية زمزم ومزروعة بجنب الحرم

المهم فيه ناس صدقت وقالت طيب يا حنفي بكم بتبيع

قالهم 5 ألف ريال

ما يحس إلا والدورية جاية من وراه وكتفته وعلى الجيب أثرهم اللي كانوا يهرجوا معه دبابيس >>عاد أفهموها

اٌقول

للحين متابعين صح

ترى هالحكاية مالها نهاية