عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صبآحكم ورد 
انا ضيفه جديدهـ متآبعه ومسجله من زماان بس اول موضوع اكتبه اليوم
بنات ابغاكم تساعدوني احس اني مخنوقه بقولكم قصتي واتمنى تساعدوني زي الاخوات لآني وحيدهـ
وماعندي اخوات وماادري اشكي لمين يمكن مشكلتي تكون بسيطه بس ماني عارفه
شوفوا انا كنت احب واحد عارفه انو غلط كان بيننا مكالمات بس وكنا متفقين ع الزواج
وبعدها فترهـ انخطبت لواحد اهلي يعرفوا والولد مررره كويس وفيه كل المواصفات اللي تتمناها اي بنت
استخرت ربي كم مره ووافقت عليه وتركت الآنسان اللي احبه لآنه اذا بنتزوج اللي احبه لازم استنى
سنتين او 3 وانا عمري 24 لو بستنى حيروح الزمن وانا مااتزوجت بـدري
بنات قولولي قراري صح انا جوات نفسي عارفه انه صح بس قولولي انتوا كمان
يمكن يكون كلامي ملخبط بس اعذروني اول مرهـ اكتب في منتدى
