عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يااحلى فراشات واسعد الله صباحكم ومساكم بكل خير
بنات ابغى قصيدة مرثيه شاعر لاحمد الصانع بس بدون موسيقى
ابغاها اي شي سواء كانت قصيده او فيديو او انشوده بس المهم بدون موسيقى لانو انا ماعندي الا بموسيقى
وهذي كلمات القصيده
ودي أموت اليوم ، و أعيش باكر ..
و أشوف منهو بعد موتي فقدني !!
و منهو حملني لين ذيك المقابر
و أشكر أنا كل من كرمني و دفنّي !!
و بأشوف يرثيني أنا كم شاعر ؟
و منهو تركني و ما كتب شي عنّي !!
شخصٍ تعنّى لي ، مع إنه مسافر ..
و شخصٍ قريبٍ ، و أنا ميّت طعنّي !!
و شخصٍ يمثّل دمعته ، ماهو قادر !
و شخصٍ تطيح دموعه كل ما ذكرني
و منهو من أهلي في العزا كان حاضر
و منهو دعى لي في صلاته و رحمني
و منهو بنى بإسمي سبيل و منابر
و منهو يفزّ قلبه إلا من لمحني
و منهو عشاني طول الأيام ساهر
و منهو ثلاث أيام راااااح و تركني !!
و منهو يرتّب غرفتي ، و الدفاتر
و إن شاف صورة لي ، مات و حضنّي
يالله عسى ما تغفى كل المشاعر
( و يالله عسى ما ينصدم يوم ظنّي )
خايف يروح العمر ، و أكون خاسر !
و إن طار طيري ما يفيد التمنّي
( و خايف يجيني وقت ، أكسر خواطر )
إن دارت الدنيا و زماني كسرني !
و مادام هذي الدنيا صارت مظاهر !!
و كل من على كيفه و جوّه يغنّي !!
صحيح مُسلم ، لكن الهمّ كافر !
كل ما بغيت أضحك يهدّدني حزني
الضيق وافي ، و الحزن حيل وافر
و الجرح أكثر شي شفته يحبني
عايش و ميّت بين ماضي و حاضر !
و الصبر مفتاح الفرج ، ضاع منّي
قل وش تبي و تتركني ياحزني ، آمِر
مسكين فرحي ، تصدّق إنه وحشني
شاعر و لكني ما نيب شاعر
ودّي أموت اليوم ، و أرتاح منّي !!
يالله بانتضاركم ياحلوات
