وش اصلح مع اختي وربي خايفه عليها

أنا عندي اختين وحده خجوله و تستحي و ما تتكلم عند الناس و إذا تكلمت تجلس خايفه و متردده في كلامها و لا تدخل على الناس كثير و لا تقدم لهم شئ مثل عصير و حلى و لا تصب قهوه و لا شائ من كثر الحياء و تقول يطالعون فيه تقهر حاولت بكل الطرق اني احمسها و اشجعها و ادخلها معي و برضه على نفس الحال و اختي الثانيه ما شاء الله عليها طلقه في كلامها و جريئه و و مبتسمه و واثقه من نفسها ما شاء الله عليها و تضيف الناس رغم ان كلهم يكرفون بالبيت و مقسمين الشغل

المهم أختي الخجوله ( اكبر ) عمرها 20 و رسبت ثلاث سنين و تأخرت في الدراسه الحين بعد بالثانوي و اللي واثقه من نفسها عمرها 18 هي ( اصغر ) و الحمدلله تخرجت ودخلت الجامعه هذي السنه
المشكله انه كل الناس اللي يتقدمون و يخطبون يخطبون الصغيره و امي تقول لهم هذي اكبر يقولون لا نبغي هذي الصغيره رغم أن الكبيره احلى منها و بيضاء و الصغيره صح ملامحها حلوه بس سمراء شويه