عالم البنات النسائي كل ما يخص المرأة العربية من ازياء وجمال والحياة الزوجية والمطبخ
من جد مهزله مكرمه صارت مرمطه حسبي الله عليكم بالله كم شخص الحين دعا عليكم والله الملك يبغالنا الخير بس انتم يالبطانه الفاسدة تصرقون حق الشعب اجل هديه من الملك تحولونها لإعانه تسدد بعد الوضيفة صارت قرض عمركم سمعتم بهدية سلف الله لايبلانا تبون تفقرونا بأي طريقه واحنا ليش نبي حافز مو عشان نسدد القروض البنكيه والمخالفات حقة ساهر الي تندبل اذا ماسددنا ماصارت توسعون علينا بالكلام وتضيقون علينا بالافعال تاكلون عقولنا بحلاوة حسبي الله عليكم ألف والله لوبيدي نسوي حمله ضد كراسي شلة حافز الين يوصل صداها لأبو متعب ويوريهم كيف يشوهون هديته الي عطاها للشعب
ياساتر على الحسد مدري كيف مايستحون واضحه النيه الشينه في قراراتكم أجل ألفين مستكثرينها علينا والله ماراح يضيع أموال الدوله إلا الرواتب إلي تعطى لناس ماتستحق الكرسي الي تجلس عليه لاعندهم ذمة ولاأمانة
ولا قرارات مجلس الشورى الحسودة كل مرة ضد الشعب صرنا فريقين فريق الشعب وفريق الشورى
نتنافس مين يفوز بالقرار الي لصالحة
وتسبدي عليكم ياشعب السعودية ملكنا مافي منه بس الصغار ذولا مرمطونا تكفى ياالأمير نايف ورنا فيهم عجائب حكمتك واقلعهم عنا
ياشعب السعوديه لاتكاسلون عن كتابة انتقاداتكم للقرارات ترى والله اذا الغالبيه موعاجبهم القرار يصير عليهم ضغط والحكومة تتابع الراي العام فلا تسكتون عن حقكم طالبوا وردوا على حافز بالمواقع الالكترونيه ومواقع الجرايد والله يصلهم شدوا الهمة بس ووصلوا صوتكم
