عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ســـــلامـ لأحلى الفراشـــات الصبايا …
كيفكمـ .. إن شاء الله بخيــر ..
المهــمـ..
جايبتلكــمـ اليــومـ موضــوع حلــو ومسلي ..
علــى فكـرة تراه أول موضــوع لي بهالقســمـ.. أبي التفاعل .. لا تفشلوني .. OK
الموضــوع .. >>> أخيــراااا .. مابغيتي ..
تعــرفون كلكم قشــارة البزاريــن ..
وتعـرفون شطانتهـم .. وثقل دمهم .. اللي ودكم تمحصونهم محص ..
ولكــــــن …
STOP
انتي أكيـــد كنتي بزرة زيهــم >>> لا والله ذكية .. خخخخخخ
فعشــان كذا ..
ابيــكم تكتبــون وش أقشـر موقف شيطــاني سويتوه .. أو صار لكم .. وأنتم بزاريـن ..
مابعـد فقصتوا من البيـضة ..
و راح أبدأ أنـــا ..
وهو أقشــر موقف شيطاني مر بحياتي ..
وهو كالآتي ..
ذات يــوم كانت خدامتنا المصـون تكوي الملابس .. و إذا بها فجاءة >> يمديــكم عاللغة بــس ..
وين كنا .. إيـه .. و إذا بهـا فجاءة تشعــر بحاجتــها لتفريــغ الحمولــة .. أي : تلبية نداء الطبيــعة ..أي : الذهــاب لبيت الراحة .. وللدلــوخ اللي ما يفهمــون بأي وسيـلة .. أي : رايــحة للحمــام ..
وتــركت المكــوى شغــال على طاولة الكوي .. و سلكه ظاهر للعيــان..
يعني اللي يبغـى يحـرق نفسـه يتفضل..
المهــم .. تجيـكم الطفلة البريئة الحلوووة مرة ذات الثلاث سنوات >> واللي هي أنـــا ..
وتمسك سلك المكوى .. وتشده بكل ما أوتيــت من قــوة .. ثــم تسقط المكوى الشريرة على قــدم الطفلة الصغيـرة .. ولكن .. ظهر فجاءة سوبر مـان و طــار بالطفلة قبــل أن تسقط المكوى القذرة .. و هو يهتف : جــاء سوبر مــان لإنقـــاذ ANGEL .. يا ســــلاااااااااااام .. >> مو كأني شطحــت عن الموضــوع ..
إحــم .. إحــم .. المهم سقطت المكواة الشريرة على قـدم الطفلة فارتج البيت بالصراخ و البكــاء.. 😀
و أخذت الطفلة درساً بأن لا تقـرب الأماكن المحرمة عليها .. وأن لا تتمسك بالأسلاك المدلاة من فوق طاولات الكوي ..
نتائج الحــادث : حرق متوسط الحجم باقي للآن في قدم الطفلة ..
****
أبي شطانتكم أنتم اللحيــن يـا فراشات .. 😡
بآآآآآآي
